تقييم الواجا 2010 بعد 5000 كم

[Sindibad]

السلام عليكم
مش هطول عليكم فى المقدمات

المميزات:-
1- الصاج ناشف و مدعم
2- الأكصدامات مدعمه جيدا
3- الصالون واسع (مثل الأنسر البومه)
4-الكراسى مريحه
5- نظام التعليق ممتازه
6- الثبات جيد حتى على السرعات العاليه
7- الفرامل وانظمة الأمان فيها فعاله وجيده
8- تقفيل الصالون الداخلى افضل من أخواتها
9- التكييف جيد
10 - الخلوص الأرضى (الأرتفاع) جيد و لاتحك فى المطبات
العيوب
1- استهلاك بنزين عالى (بعد الضبط 200 - 210 كم لكل 20 لتر بنزين 92)
2- صوت الموتور عالى
3- التسارع بييجى عند من التانى للتالت او التالت للرابع وعند 2000 أر بى أم ويقف وتحس ان الموتور فقد عزمه ودى بحلها بالكيك داون
4- تقفيل الصاج مع بعضه فى الأبواب والشنطه والكبوت ردىء جدا أسوأ من الصينى
5- صوت الهواء على السياره بيعلى جدا فى السرعات فوق ال120 كم/س ويحسسك انك ماشى 180 كم/س و أعتقد ده من بروفيل السياره والتقفيل السىء
6- الباور ثقيل - وده لأنه ميكانيكا مش كهرباء هيضايقك فى المناورات الضيقه
7- لما التكييف بيعمل السياره بتتخنق جامد وبأضطر استخدم الكيك داون كتير
8- النظام الصوتى مش جيد و هتركب سماعتين على الأقل ورا
9- شكل الفوانيس الخلفيه فضيحه وده اتغلبت عليه بالفاميه فأصبح أفضل
10- قطع الغيار غاليه (الفانوس الأمامى 1500 جندى) والشبوره 500 ج (أوبل دى والا ايه!!!!!)
11- مراكز الصيانه على قدها ومش كل قطع الغيار موجوده
12- أقصى سرعه ممكن تجيبها 150 كم وتحس ان الهواء بره عاصفه بركانيه
أرجو انى أكون قد أفدت
طارق منصور

[aboalm]

دا انت كده أفدت ان ماحدش يشتريها بصراحه

[dramir1]

احييك على امانتك وصدقك في عرض التقرير..
لأني وكأني اشتريت العربيه بتاعة حضرتك وقابلتني المشاكل دي ولكن حضرتك بتوفر على اللي هايشتري فلوس كتير

[bigwarrior]

انا كان معايا واجا 2005 ولسه بياعها امبارح بس في راي ان اتفق معاك في المميزات واختلف معاك اختلاف تام في العيوب والعربيه ديه يكفي الثبات بتاعها على السرعات العاليه والاتزان وقوة الصاج بتعها ولو بس كان التوكيل اهتم بيها لكان ليها وضع في السوق المصري
وومكن نقول ان قطع الغيار مبالغ فيها سنه بس عادي ممكن تجيبها من بره بسعر اقل
ده راي الشخصي للامانه وشكرا

[tutankhamoun]

يا جماعة العربية أنتهى أنتاجها أصلا من فترة و بروتون مش بتنتجها خلاص و البيع اللي تم منها في مصر مش كتير علشان كدا قطع غيارها أغلى من أخواتها .

تقرير حيادي و تُشكر عليه .
بس لي شوية تعليقات .... في الواجا لسة بتنزل بالموتور القديم و الموتور القديم مع الأوتوماتيك مش تمام في السحب على السرعات المنخفضة للمحرك علشان نقطة العزم اللي بتنخفض ما بين 2700 إلى 3000 لفة و تطلع تاني بعد كدا .
علشان كدا أنت بتحس بموضوع التكييف .
أما بالنسبة للسرعة القصوى ............ أنت عندك مشكلة (دي مش حاجة عامة )
ممكن يكون الفلاتر مش تمام (محتاجة تنظيف ) أو الكاوتش ضغطه مش مظبوط .

أنا معرفش النظام الصوتي عندك عامل أيه بس في الجين 2 الوضع مختلف تماما .


أنا بصراحة مش بيعجبني شكل الواجا الجديدة خالص
القديمة كانت شكلا أفضل منها بكتير .

[Raul_7]

شكرا للتقرير.

أنا بالنسبة ليَّ متفق معاك في حتت صوت الهوا على السرعة العالية بيبقى جامد, بس اكتشفت إن مستوى الصوت بيختلف على حسب اتجاه وقوة الهوا بره.

بالنسبة للنظام الصوتي بتاع الجين فـهو من أحسن انظمة صوت سمعتها في عربية تحت ال 100,000 جنيه.

[Sindibad]

شكرا

شكرا لكل الذين ابدوا تعليقاتهم
أحب أقول ان مفيش سياره حلوه ووحشه , لكن فيه سياره مناسبه أو غير مناسبه
يعنى المرسيدس قوى وممتاز ومريح وو وو و وو كل المميزات لكن غالى وقطع غيار غاليه وصيانتها غاليه

اللادا خشنه وتقيله وشكلها مش عارف عامل ازاى و لكن مناسبه سعريا لناس وعاليه عن الأرض وواسعه
وهكذا
علشان كده نفسى كل واحد يقول المميزات والعيوب وبس يعنى ميحكمشى عليها بأنها حلوه أو وحشه لكن يقول مثلا مريحانى مفيهاش مشاكل أو طلعت عينى معاها وهكذا مع بيان الأسباب

وشكرا

[أبوعائش]

السلام عليكم
العيوب
1- استهلاك بنزين عالى (بعد الضبط 200 - 210 كم لكل 20 لتر بنزين 92)
2- صوت الموتور عالى
3- التسارع بييجى عند من التانى للتالت او التالت للرابع وعند 2000 أر بى أم ويقف وتحس ان الموتور فقد عزمه ودى بحلها بالكيك داون
4- تقفيل الصاج مع بعضه فى الأبواب والشنطه والكبوت ردىء جدا أسوأ من الصينى
5- صوت الهواء على السياره بيعلى جدا فى السرعات فوق ال120 كم/س ويحسسك انك ماشى 180 كم/س و أعتقد ده من بروفيل السياره والتقفيل السىء
6- الباور ثقيل - وده لأنه ميكانيكا مش كهرباء هيضايقك فى المناورات الضيقه
7- لما التكييف بيعمل السياره بتتخنق جامد وبأضطر استخدم الكيك داون كتير
8- النظام الصوتى مش جيد و هتركب سماعتين على الأقل ورا
9- شكل الفوانيس الخلفيه فضيحه وده اتغلبت عليه بالفاميه فأصبح أفضل
10- قطع الغيار غاليه (الفانوس الأمامى 1500 جندى) والشبوره 500 ج (أوبل دى والا ايه!!!!!)
11- مراكز الصيانه على قدها ومش كل قطع الغيار موجوده
12- أقصى سرعه ممكن تجيبها 150 كم وتحس ان الهواء بره عاصفه بركانيه
أرجو انى أكون قد أفدت
طارق منصور

1- انا كمان عندي كده بس مع مراعاة التكييف وال1600 سي سي أظن كده كويس
2- كل بروتون..والصوت رياضي برضه مش عالي زي القديم
3- مش مركز في الموضوع ده
4- معاك بس مش للدرجة دي
5- معاك بس مش من 120
6- صح..بس أظن للثبات أفضل..انا سقت الياريس حسيت ان الدريكسيون مفوت)
7- صح
8- بسمع قرءان بس ومبسوط بيه جداً
9- شفت فوانيس للواجا شبه البي ام 5 مش عارف موجودة هنا ولا لأ؟
10- الشبورة 500؟؟؟؟؟؟؟ متأكد؟؟؟
11- شكوى عامة
12- كنت لسه خارح من التليين جبت 180 زي السلام عليكم وانا اوتو

[eslamkasem]

اتفق معاك تماما انا معيا وجا كامبرو وبيخنقني جدا موضوع ان التكيف بيقتل العربية وبيحسسك انها ميته تحت ايدك ولازم كيك داون عشان أدئها يبقي معقول

كمان الصاج بتاع اختها موديل 2005 اقوي بكتير

الفانوس الخلفي مضيع شكل العربية من ورا وبردو شوفت الفانوس بتاع البي ام وعجبني ومعرفش يجي منين

الثبات لا يقارن بالجين تو ولا بالموديل القديم بتاع 2005 لانها عاليه جدا من ورا ودا بيخلي الثبات مش قد كدا

جبت بيها 150 مستريح بس حسيت اني جايب 200 ولا حاجه بسبب سؤ التقفيل وتسرب صوت الهوا

[eng.m7md.ali]

السلام عليكم
مش هطول عليكم فى المقدمات

المميزات:-
1- الصاج ناشف و مدعم- صح
2- الأكصدامات مدعمه جيدا - صح
3- الصالون واسع (مثل الأنسر البومه) -صح
4-الكراسى مريحه -صح
5- نظام التعليق ممتازه -غلط (العفشة بتكركب وبتعمل اصوات وساعات بتبقى حجر الا لو كان عيب في عربيتي )
6- الثبات جيد حتى على السرعات العاليه -صح
7- الفرامل وانظمة الأمان فيها فعاله وجيده -صح
8- تقفيل الصالون الداخلى افضل من أخواتها - يعني
9- التكييف جيد - صح
10 - الخلوص الأرضى (الأرتفاع) جيد و لاتحك فى المطبات - مستفز اوي الموضوع ده
العيوب
1- استهلاك بنزين عالى (بعد الضبط 200 - 210 كم لكل 20 لتر بنزين 92) -ده كدة كويس انا عندي 120 كيلو في الصفيحة بدون حرق ولا تكييف والتوكيل بيقول عادي وطبيعي
2- صوت الموتور عالى - جدا ومستفز
3- التسارع بييجى عند من التانى للتالت او التالت للرابع وعند 2000 أر بى أم ويقف وتحس ان الموتور فقد عزمه ودى بحلها بالكيك داون -دي نقطة مفيدة لينا احنا لان عز العرب قال ان العربية دي نازلة بفلتر iafm وده بيمنع وقوع العزم في النقطة دي على حسب كلام البيرشور اللي مع العربية من عز العرب وكدة نقدر نرفع قضية على الشركة بتهمة الغش التجاري وهنكسبها ان شاء الله
http://www.protonegypt.com/indexb060...id=7&itemid=14
4- تقفيل الصاج مع بعضه فى الأبواب والشنطه والكبوت ردىء جدا أسوأ من الصينى -في دي عندك حق كمان والتوكيل بيقول العربية لازم تدخل سمكرة
5- صوت الهواء على السياره بيعلى جدا فى السرعات فوق ال120 كم/س ويحسسك انك ماشى 180 كم/س و أعتقد ده من بروفيل السياره والتقفيل السىء - لا مش قوي كدة ههههههههههه
6- الباور ثقيل - وده لأنه ميكانيكا مش كهرباء هيضايقك فى المناورات الضيقه - انا متعايش مع الموضوع وعادي جدا
7- لما التكييف بيعمل السياره بتتخنق جامد وبأضطر استخدم الكيك داون كتير -صح الكلام ده
8- النظام الصوتى مش جيد و هتركب سماعتين على الأقل ورا -صح
9- شكل الفوانيس الخلفيه فضيحه وده اتغلبت عليه بالفاميه فأصبح أفضل - صح اوي
10- قطع الغيار غاليه (الفانوس الأمامى 1500 جندى) والشبوره 500 ج (أوبل دى والا ايه!!!!!)
11- مراكز الصيانه على قدها ومش كل قطع الغيار موجوده - مركز المهندس عصام الصفا كويس
12- أقصى سرعه ممكن تجيبها 150 كم وتحس ان الهواء بره عاصفه بركانيه- جبت سرعات عالية كتير بس مش لدرجة العاصفة
أرجو انى أكون قد أفدت
طارق منصور

احييك على التقرير الحيادي جدا ومحدش يزعل ياريت من كلامك علشان انت صح

[tutankhamoun]

نقطة أحب أضغط عليها
الموتور الكامبروا مع الأوتوماتيك ...... خنيق شوية في السرعات القليلة و دي الناس كلها قالت عليها
مش باينة في المانوال

و تم تحسين الموضوع أو الأنتهاء منه تماما مع النظام الجديد iafm

[hesham_soaida]

صباح الخير لاجمد بروتوناوية


فيه عدة نقاط حبيت اوضحهم

الواجا لا يوجد بها فلتر ال iafm

بالنسبة لاستهلاك البنزين انا لاحظت تحسن كبير جدا بعد تنظيف فلتر الهوا, وطبعا الكيك داون بيزود الاستهلاك بطريقة ملحوظة

بالنسبة للسرعة القصوة, مكتوب في المانوال 180 بالنسبة للاتوماتيك, والمفروض السرعة توصل 160 بسهولة

[eng.m7md.ali]

صباح الخير لاجمد بروتوناوية


فيه عدة نقاط حبيت اوضحهم

الواجا لا يوجد بها فلتر ال iafm

بالنسبة لاستهلاك البنزين انا لاحظت تحسن كبير جدا بعد تنظيف فلتر الهوا, وطبعا الكيك داون بيزود الاستهلاك بطريقة ملحوظة

بالنسبة للسرعة القصوة, مكتوب في المانوال 180 بالنسبة للاتوماتيك, والمفروض السرعة توصل 160 بسهولة

على حسب كلام البيرشور وده بيقول ان فيها الفلتر ده
بس اللي انا ملاحظه انه فعلا مفيهاش
زي ماقولنا غش تجاري وبتاع

[tutankhamoun]

على فكرة أول ما الشكل الجديد نزل في 2009
المعلومات اللي عرفتها من التوكيل نفسه أن الموتور هو هو القديم بدون iafm
ده التوكيل كان بيقول كدا

هو حضرتك يا أستاذ فيلكس عرفت معلومة الموتور منين ؟

[eng.m7md.ali]

على فكرة أول ما الشكل الجديد نزل في 2009
المعلومات اللي عرفتها من التوكيل نفسه أن الموتور هو هو القديم بدون iafm
ده التوكيل كان بيقول كدا

هو حضرتك يا أستاذ فيلكس عرفت معلومة الموتور منين ؟

ده لينك لبروتون ايجيبت

Proton Egypt - Waja

لو حضرتك دخلت على اللينك ونزلت تحت هتلاقي ان الفلتر ده بالفعل موجود في الواجا

كمان قاريت في اعلان في جريدة عن جين2 وبيرسونا وواجا وكلهم بنفس الموتور والفلتر

بس انا ملاحظ اختلاف في السحب بين الجين2 الجديدة والواجا بتاعتي