جين 2 2010

[realhossam]

سلام عليكم يا شباب البروتون، أنا معروض عليا جين 2 موديل 2010 ، أجيبها ولا أجيب ال 2011 ؟؟
و هل فى طريقة أقدر أعرف بيها العربية فيها عيوب خطيرة لا لأ من قبل ما أشتريها ؟؟

شكراً لوقتكم

[Abdelrahman.H]

ما فيش أي فرق بينهم ....

لو العربيه حالتها نضيفه و كسر زيرو يبقى إنت أولى بفرق الفلوس ....

إكشف عليها في التوكيل .... أو مركز عصام صفا الخاص بصيانة سيارات بروتون

[realhossam]

شكراً لردك ، بس أنا نسيت أقول ان العربية مش مستعملة هى زيرو ، بس مركونة فى المعرض بقالها سنتين ، و الراجل مصمم يبيعها بسعر 86000
ايه رأيك؟

[ALRAKHAWI]

سعر بيع موديل 2010 معروف وفي تاس كتيره من فتره اشترتها على 81500 او 82000 اقصى حاجه لانها طبعا مانيوال.....

[ALRAKHAWI]

معلش هو ده اي معرض لان انا بدور برده على 2010......؟

[realhossam]

معرض فى مدينة نصر ، مش فاكر اسمه ، علشان يومها أنا عديت على حوالى 15 معرض لحد ما دوخت، و كنت محتار بين الجين2 و النيسان و الاكسنت و السيمبول ، بس كان معايا واحد صاحبى فاكر سكته علشان هو من مدينة نصر جنبهم، ان شاء الله حجيبلك اسمه و عنوانه بالظبط لما أنزلهم المرة الجاية

[tazza]

باشااااااا ارجو الاهتمام و الرد انا امتلك جين 2 موديل 2009 لسة شاريها و هى اتوماتيك بحس وانا ماشى فى الاول فى مرحلة التسارع بصوت حكة مش عارف منين بس مش جامد اوووى و هل دة صوت حكة و لا صوتها الطبيعى مع العلم انى عايز اغير التيل الامامى عشان محتاج جديد .....فهل الصوت طبيعى و لا من التيل و لا حاجة جديدة ...مش عارف ارجو الرد

[realhossam]

حد يرد يا شباب على الراجل الطيب ده ، ربنا يسترها علينا كلنا

[realhossam]

اللى عاوز جين 2 زيرو 2010 يبعتللى على الخاص

[HOSSAM99]

باشااااااا ارجو الاهتمام و الرد انا امتلك جين 2 موديل 2009 لسة شاريها و هى اتوماتيك بحس وانا ماشى فى الاول فى مرحلة التسارع بصوت حكة مش عارف منين بس مش جامد اوووى و هل دة صوت حكة و لا صوتها الطبيعى مع العلم انى عايز اغير التيل الامامى عشان محتاج جديد .....فهل الصوت طبيعى و لا من التيل و لا حاجة جديدة ...مش عارف ارجو الرد

غير التيل الصوت هايروح
ده صوت التيل مع الطنابير بيبقي علي وشك إنه يخلص

[tazza]

يا باشااااااااا شكرا على اهتمامك ....و يارب تكون المشكلة فى التيل ....انشاء الله هغيره بكرة و هطمنكوااااا....ميرسى

[becaso22]

انا عايز ابيع عربيتى gen2 2008
اتوماتيك فبريكة
0100348485

[realhossam]

خلاص يا شباب ، هما كانوا عربيتين و اتباعوا خلاص ، هارد لك للى ما لحقش و ربنا يعوضه خير ان شاء الله ، أنا كلمت عز العرب و بيقووللى ان موديل 2012 خلاص قدامه شهر و ينزل

[د.اشرف هنداوى]

هو حضرتك اشتريت و لا ما لحقتش ؟

[realhossam]

ايوة اشتريت الحمد لله ، المعرض اسمه القاهرة للسيارات فى مدينة نصر - مصطفى النحاس بعد مكرم عبيد و قبل المنهل على ايدك الشمال