الجين 2 عملتها

[okda]

السلام عليكم جميعا

الحمد لله وانا بركن امبارح امام منزلى سمعت طقة جمدة من الجنب اليمين و كان متأخر بليل

النهاردة الصبح نزلت فكيت العجلة و لقيت منظر فاجئنى بصراحة , هسيب الصور توضحة احسن

المهم انا عايز اعرف ايه العمود المكسور ده و هو المساعد كده سليم ولا خارج من بعده ؟

وهل حاجة زى ده ممكن يغطيها الضمان ؟

الحمد لله انا حاجز صيانة الاربعين الف الاسبوع القادم فكده كده كنت رايح التوكيل

[NourElmansy]

اللهم صلي ع النبي

كدة مره وحدة بدون سابق انذار ؟

[okda]

اه
انا مستغرب جدا من المنظر
يعنى لو عيب فى طريقة قيادتى او لبست مطب زى ما هيتألى اكيد فى التوكيل كانت اول قطعة مفروض يظهر عليها ضرر هى الجلب الى فى العمود ده , بس بجد الجلب حالتهم نضيفة و مفيش فيهم قطع او تسريب

[mido_soliman]

دة بار من بارات العجل فى العفشة الامامية على حسب مانا شايف ومش فاهم حصلوا كدة ازاى ؟ انت بتركن لازق فى رصيف او بتحك فى رصيف كتير ؟؟؟

عموما الضمان بيتكفل بيها ولو انى محبش انك تسوقها كدة لان ممكن يبقى فى خطر لاقدر الله تفقد التوجية

[PinKawY]

طب هو حتي لو أخدت مطب يحصل كدة يعني ... أكيد في حاجة غلط محتاجة شرح ولو حضرتك وصلت لحاجة ياريت تقولنا

[rafeee2]

المساعد مافيهوش حاجة
والمكسور ده الميزان Stabilizer والله أعلم

[okda]

لا ابد انا بركن عامودى على الرصيف فى حتة مقطوعة فأقل بعد بين السيارة و الرصيف بتكون متر مثلا :)

إن شاء الله رايح التوكيل يوم الاثنين , سوف ابلغكم بما سيحدث

[Mik_t4]

يا ساااااااااتر دي جامدة اوي دي دا زي ما يكون حديد ظهر

[إبراهيم المصرى]

المساعد مافيهوش حاجة
والمكسور ده الميزان stabilizer والله أعلم

صح ده الميزان ومينفعش تمشى بيها وهيا كده لان كده العجله هتقدم وهاتأخر بمزاجها بلاخص مع الفرامل وفى الطلعه مع دوسة البنزين وحتحك فى الرفرف قدام وورا

[egyptiandiver]

الله أكبر

[إبراهيم المصرى]

على فكره مفروض مهما حصل الميزان ميتكسرش ممكن يتلوح لو خبطه شديده فى رصيف او ما شابه وكان فى الحاله دى ممكن الشاسيه يكون اتعصر لا قدر الله ذلك لكن يتكسر !!!!!!!! فهو لا يحتاج لتغير الا لو اتلوح ومبينفعش يستعدل علشان بيقى صلب جدا والمفروض ان غير قابل للكسر ولو فيه عيب قياده كانت قواعد الميزان والكوتشات اللى بينها وبين الميزان هى اللى بتبوظ
فعلا الكسر اللى فى الصوره حاجه غريبه جدا وتدل على عيب فادح فى الصناعه واعتقد ان التوكيل مسئول عنه

[szaalouk]

متابع باهتمام

[r2tarek]

حصل معايا نفس المشكله من شهرين خط مطب جامد جدا جدا على سرعه 120 وانا مركب جنوط 17

عوج الجنط وتكسر مسمار الميزان ورح اشتريت المسامر 90 جنيه وتصلح على طول وعدلت الجنط

[ahmed_h_g]

فعلا" اللى مكسور الميزان بيبقى ثابت على القنطره العرضيه
المفروض أنه شديد جدا" وميتكسرش بسهوله ممكن يتعوج لكن ميتكسرش

[ahmed azab]

المساعد مافيهوش حاجة
والمكسور ده الميزان stabilizer والله أعلم

فعلا" اللى مكسور الميزان بيبقى ثابت على القنطره العرضيه
المفروض أنه شديد جدا" وميتكسرش بسهوله ممكن يتعوج لكن ميتكسرش

فعلا
وده وظيفته انه بيساعد علي ثبات العربية في المنحنيات بالتحديد بيثبت العجلة علي الارض
المساعد من الصور سليم
علي فكرة الموضوع بسيط هو تقربيا اتكسر لضعفه من منطقة الانحناء
هاتغير الميزان كله لو لقيته غالي في التوكيل هاته استيراد وفك وتركيب مش هياخد حاجة