الجين 2 عملتها

[أبومعاذ]

هو دا حصل ازاي؟؟

[ahmad alshaaer]

المساعد مافيهوش حاجة
والمكسور ده الميزان stabilizer والله أعلم

كلام سيادتك سليم مليون % ان شاء الله

[DReaMaKeR]

المساعد مافيهوش حاجة
والمكسور ده الميزان stabilizer والله أعلم

كلامك مضبوط
ممكن تسقها عادي بس وحده وحده علشان لو فرملت العربيه هترمي معاك شمال وممكن المشكله تكبر

بس بصراحه مش عارف ايه ممكن يكسر ميزان!!!! هو ممكن يتلوح بس يطق كده وانت بتركن !!!!!!!!!

مش عارف كل مافكر اجيب العربية دي ارجع في كلامي

[M.Nasr]

مش ممكن يعنى كل مافكر فى العربية دى لازم اشوف حاجة تقفلنى منها
التوكيل بقالو كام سنة كده بينزل عربيات؟؟ وعلى مدار السنين دى بنشوف عيوب تصنيع طيب لحد امتى؟؟؟ وامتى هانشوف عربية من بروتون من غير عيوب صناعة؟؟
للأسف الجين تو أو البيرسونا من اجمل العربيات اللى ممكن الواحد يركبها بس بسبب اللى بنشوفو ده الواحد بيرجع فى كلامه ويفكر ألف مرة قبل مايحط فلوسه فيها

[أبومعاذ]

ياريت صاحب الموضوع يدخل يقولنا ازاي دا حصل معاه لأن مستحييييييييييل ميزان يتكسر و انت بتركن و العربية مش وحشة ولا حاجة و ياما أكلنا بيها مطبات و حفر اشكال و ألوان لو هيا ماشية كدا كان زماني مغير عربيتي كلها

[tutankhamoun]

بضم صوتي لصوت أبو معاذ .
ياريت صاحب العربية يعرفنا أيه الموضوع و أيه اللي حصل .

ده أنا أشتريت منها و ياما الواحد لبس مطبات و حفر عميقة و محصلش للعربية حاجة .
ياريت نعرف من صاحب الموضوع بالظبط أيه الحل بعد الكشف عليها

[ahmad alshaaer]

اانا بضم صوتي لحضراتكم كمان واتمنى اعرف ليه اللي حصل ده حصل

[windofchange]

على فكره مفروض مهما حصل الميزان ميتكسرش ممكن يتلوح لو خبطه شديده فى رصيف او ما شابه وكان فى الحاله دى ممكن الشاسيه يكون اتعصر لا قدر الله ذلك لكن يتكسر !!!!!!!! فهو لا يحتاج لتغير الا لو اتلوح ومبينفعش يستعدل علشان بيقى صلب جدا والمفروض ان غير قابل للكسر ولو فيه عيب قياده كانت قواعد الميزان والكوتشات اللى بينها وبين الميزان هى اللى بتبوظ
فعلا الكسر اللى فى الصوره حاجه غريبه جدا وتدل على عيب فادح فى الصناعه واعتقد ان التوكيل مسئول عنه

طيب يا شباب لو الميكانيكي رفع العربية وجزء كبير من الكوريك محمل من الميزان ده مايكسرش الميزان لأني قلت للميكانيكي مترفعش من هنا قاللي مش هيحصل حاجة ايه رأيكم

[El Prince]

ربنا يطمنكم - اخويا لسه شارى واحده استعمال

[أبومعاذ]

ربنا يطمنكم - اخويا لسه شارى واحده استعمال

يا باشا العربية زي الفل متقلقش ....احنا مش فاهمين اللي حصل ده حصل ازاي لأن العربية معانا وكتير مننا سواقتهم عنيفة و بناكل مطبات و حفر عميقة و بلاعات و عمرنا ما سمعنا عن حد حصله كدا

[Carrira911]

يا دين النبي........ده انا كل يوم بقع في حفر وبنط علي مطبات

تصدق انا كده قلقت اوي :s

طب هوا لو الميزان اتلوح......هيبان او هيتحس واحنا سايقين ولا لا؟؟!!!
ياريت حد يقولنا ....لاني فعلا قلقت جدا"
الواحد مهما خلي بالة من المطبات والحفر......لازم يلبسله واحد ولا اتنين كل يوم :(


انا بعد كده لو لاقيت حفرة ولا مطب ...هنزل اشيل العربية واعديه وبعدين اكمل ههههههه :))

[El Prince]

يا ريت صاحب المشكلة يقولنا عمل ايه و حل المشكلة ازاى
ربنا معاه

[إبراهيم المصرى]

طيب يا شباب لو الميكانيكي رفع العربية وجزء كبير من الكوريك محمل من الميزان ده مايكسرش الميزان لأني قلت للميكانيكي مترفعش من هنا قاللي مش هيحصل حاجة ايه رأيكم

هو مش صح يرفع من الميزان لكن من المفترض ميحصلش حاجه بس اليومين دول مفيش حاجه مضمونه احسن حاجه العربيه تترفع من المكان المخصص للرفع بس مش من اى مكان اخر الا لو كانت فيها كرونه بدفرنسيل فممكن تترفع منه ويبقى مفيش مشكله

[windofchange]

هو مش صح يرفع من الميزان لكن من المفترض ميحصلش حاجه بس اليومين دول مفيش حاجه مضمونه احسن حاجه العربيه تترفع من المكان المخصص للرفع بس مش من اى مكان اخر الا لو كانت فيها كرونه بدفرنسيل فممكن تترفع منه ويبقى مفيش مشكله

جزاك الله خير يا ابراهيم بس الاماكن المخصصة للرفع مين اللي ممكن يحددها لأن الصنايعية بيخنقوني وبيستغربوا اووي ويقلك هنا الصح وهنا الصح وانا سألت السمكري قاللي بس هما بيحطوا اماكن زيادة من عندهم ياتري الموقف ده متككرر مع حد ولا ايه رأيكم

[إبراهيم المصرى]

جزاك الله خير يا ابراهيم بس الاماكن المخصصة للرفع مين اللي ممكن يحددها لأن الصنايعية بيخنقوني وبيستغربوا اووي ويقلك هنا الصح وهنا الصح وانا سألت السمكري قاللي بس هما بيحطوا اماكن زيادة من عندهم ياتري الموقف ده متككرر مع حد ولا ايه رأيكم

الاماكن المخصصه لرفع العربيه هى الاماكن اللى عملاها الفابريقه اللى بيركب فيها كوريك العربيه الاصلى اللى جاى معاها من الزيرو هى ديه الاماكن اللى ترفع منها وانت مطمن
وبالنسبه للتكرار لو زى مفهمت طبعا الصنيعيه بيفتكسوا كتير وبيتكرر ده مع ناس كتير بالاخص لو حاسس انك مش واثق فى نفسك او واثق فيه زياده عن اللازم .