الفول الفصل فى الويرا

[Lord of the flies]

السادة مالكى البروتون ويرا برجاء المشاركه بتقيمكم الشامل للسيارة من النواحى الاتيه:
1-قطع الغيار و مدى توافرها و متوسط اسعارها.
2-اشهر الاعطال و مدى قدره الميكانيكى العادى على التعامل معها.
3-مدى اعتمادية السيارة و اقصى سرعة و اقصى حموله و التكييف.
4-سعر اعادة البيع.
5-هل يوجد افضليه لموديل سنة معينة وافضل موتور (1300-1500)

و شكرا

[mahmoodallam]

1 - قطع الغيار متوفرة في جديدة وبأسعار ممتازة جدا
لكن في بعض المحافظات زي محافظتي ( المنوفية ) مافيهاش حاجة للويرا
2 - ماعنديش فكرة عن اشهر الاعطال ، لان العربية معايا من تلات شهور ما اشتكتش منها الا في حاجات بسيطة
3 - اعتمادية جدا انا انبارح سافرت بيها حوالي 800 كيلو ومافيش أي مشاكل الحمد لله ، واستهلاك البنزين معقول جدا
أقصى سرعة انا جبتها كانت 160 وانا عربيتي 1300 cc
العربية بتحك في المطبات لو معاك حد راكب ورا
التكييف ممتاز بالليل ، جيد جدا بالنهار
4 - اعادة البيع صعبة شوية لانها مش مطلوبة أوي يعني مش زي الهيونداي والشاهين واللادا
5 - بالتأكيد 1500 أفضل من 1300

[Lord of the flies]

شكرا يااستاذ محمود على رد حضرتك.
و يا ريت الرجاله الى فى القاهره يقولولى بيجيبوا قطع الغيار الجديدة منين و المستعمل منين

[YassminAbgawad]

أقدر أقولك انها عربيه ممتازه خاصة لو قدرت على موديل جديد وحاله نظيفه
اعتماديه جدا واستهلاك البنزين موفره جدا جدا رغم ان عربيتي 1500 الصفيحه بتعمل معايا 300 كم وممكن اكتر

[Lord of the flies]

شكرا لرد حضرتك بس سؤال كدة فى السريع
هى ال1300 كاربراتير و ال1500 انجكشن؟

[mahmoodallam]

أنا 1300 وانجكشن

[ahmed_h_g]

موديل 99 هتلاقى كربراتير وأنجكشن

[Lord of the flies]

يعنى افهم من كدة ان موضوع الكربراتر و الانجكشن على حسب الموديل مش الcc؟
و معلش سؤال كمان ممكن اعرف حضرتكم بتحطوا بنزين ايه؟

[Lord of the flies]

و كمان سؤال هى العربيه ديه فيها كمبيوتر؟
هل فيها ابلاتين و كوندنسر؟

[mahmoodallam]

انجكشن كامل وكمبيوتر
ولا ابلاتين ولا كوندنسر
انا بحط بنزين 92
لكن في مرة اضطريت احط 80 كانت ماشية معقول يعني لو ما قرصتش عليها مش هتسقف بدون تكييف طبعا