عصام وصفا ولا صحراوى

[mmaaly]

عندى صيانة العشرين الف وغالبا تغيير تيل الفرامل اروح عصام وصفا ولا صحراوى

[r2tarek]

مركز عصام وصفا ممتاز وبصراحه ناس فاهمه شغالها ومش هياخد منك وقت يعنى ساعه بالكتير

اما الصحراوى ربنا معاك

كلامى عن تجربه معاهم


وشكرا

[mememsaid]

عصام وصفا
هترحم نفسك من الانتظار وهتشوف عربيتك بيتعمل فيها ايه وهتلاقي معامله كويسه وهيعزموك علي شاي كمان

[realhossam]

أنا يا شباب كنت فى مركز عصام و صفا النهارده لصيانة الالف كيلو، و أحب أحكى تجربتى باختصار ، ناس محترمة، شغل محترم ، تعامل محترم ، خلصت فى نص ساعة ، و كان عندى مشكلة فى المساعد الخلفى يمين ، قاللى ده لازم يتغير ، قاللى ممكن تروح التوكيل، قلتله مش عاوز اتعامل الا معاكم ، قاللى بس حيتأخر شوية المساعد لحد ما يوصل ، قاللى من اسبوعين لشهر ، قلتله مفيش مشاكل ، و بالمناسبة ، أنا كنت رايح بالعربية و كنت راكنها فترة فتردمت تراب للأسف
و ما كنش عندى وقت أروح أغسلها ، فالمهندس عصام غسلها بنفسه ، لحد ما ظبطها ، الصراحة اتكسفت بس احترمته برضه ، كبير المكان اللى بيعمل الحاجة بايده اعرف ان المكان ده محترم
شكراً لكل محترم فى البلد دى

[Nistelrooy]

اكييد صفاااااااا

[alaa7sh]

أنا يا شباب كنت فى مركز عصام و صفا النهارده لصيانة الالف كيلو، و أحب أحكى تجربتى باختصار ، ناس محترمة، شغل محترم ، تعامل محترم ، خلصت فى نص ساعة ، و كان عندى مشكلة فى المساعد الخلفى يمين ، قاللى ده لازم يتغير ، قاللى ممكن تروح التوكيل، قلتله مش عاوز اتعامل الا معاكم ، قاللى بس حيتأخر شوية المساعد لحد ما يوصل ، قاللى من اسبوعين لشهر ، قلتله مفيش مشاكل ، و بالمناسبة ، أنا كنت رايح بالعربية و كنت راكنها فترة فتردمت تراب للأسف
و ما كنش عندى وقت أروح أغسلها ، فالمهندس عصام غسلها بنفسه:b4_388: ، لحد ما ظبطها ، الصراحة اتكسفت بس احترمته برضه ، كبير المكان اللى بيعمل الحاجة بايده اعرف ان المكان ده محترم
شكراً لكل محترم فى البلد دى

أنا كنت هناك برضه لصيانة الألف لـ جينا الحمراء
والحمد لله ماكانش في مشاكل عندي في العربية الا الكنبة اللي ورا وتزييق عند الرجوع للخلف. واتحلوا تمام. وماقعدتش تلت ساعة
ربنا يديم المحبة بينا وبينهم :)

[mido_soliman]

الاقربلك روحلة
الاتنين زى بعض فى كل شىء باستثناء كباية الشاى فى عصام وصفا
على راى المثل الشهير
معدتش فارقة سينا من سونيا

[Raul_7]

الاقربلك روحلة
الاتنين زى بعض فى كل شىء باستثناء كباية الشاى فى عصام وصفا
على راى المثل الشهير
معدتش فارقة سينا من سونيا

معلش يابو حميد حصل خير, هو موقف بايخ بصراحة.

[mido_295]

بعد تجربه الصحراوى وبعد سؤالى لناس كتير ان شاء الله انا هعمل صيانه ال 10000 فى عصام وصفا

[Nistelrooy]

اية هو حصل اية يا احمد معاك في عصام صفا ؟

[eng.m7md.ali]

الاقربلك روحلة
الاتنين زى بعض فى كل شىء باستثناء كباية الشاى فى عصام وصفا
على راى المثل الشهير
معدتش فارقة سينا من سونيا

خير ياميدو ؟

[mido_soliman]

خير ياميدو ؟

مفيش يا فيلكس حاجة بسيطة كدة الناس هناك حبوا يخدموا بزيادة شالولى ترموستات الكوعة من غير ما يقولولى وفهمونى انهم اخدوا هوا من دورة التبريد بس ومعرفتش القصة الا لما روحت لقيت العداد بينزل كلمت المهندس اول حاجة بيقولهالى مش العربية مظبوطة خلاص مدام مسخنتش
والله التوكيل برقبتة على الاقل محصليش موقف سخيف زى دة هناك لا والادهى ان المهندس عارف انى من اخر الدنيا وجى اجرب المركز فكانت المكافاة انة يشيل الترموستات والمبرر انة كان بيعلق علشان كدة المروحة مكانتش بتفصل كلام جميل!!!
طب شيلتة مركبتش واحد جديد لية ؟ قالى معلش تلاقى الفنى استسهل و المفروض مهندس الاستهبال (اللى كانت وظيفتة طول الوقت انة يهشنا من تحت ويقعدنا فوق ) هوة اللى يبلغك ودة محصلش واحنا اسفين وبتاع (المعاملة وطريقة الكلام محترمة لا خلاف لكن بصراحة متلزمنيش انا عايز شغل مش عايز زواق فى الكلام وتثبيت)
عموما الواحد مبيتعلمش ببلاش لكن الدروس المستفادة كالاتى
1-نفس المواقف اللى بتحصل فى التوكيل حصلت فى عصام صفا
2-الاقرب روحلة وانت وحظك
3-متسمعش لمطبلتية كتير لانى بجد كنت متخيل من كتر الكلام اللى سمعتة انى حلاقى ساحر واقف بيخرج التعابين من الكبوت
4-التوكيل فية كل ما سبق ذكرة عمر ما حد عاملنى بقلة احترام او قلة زوق وبالتالى زية زى عصام فى المعاملة اما الشغل الاتنين واحد بردة بدليل ان عصام شالى الترموستات والتوكيل كان شالو لمحمود راؤل بردة من غير ما يقولة والمحصلة لما الزبون يكتشف (تعالى نركبلك واحد جديد ) الله طب ما لما فى واحد جديد مركبش لية لما بتاعى كان معلق ؟؟؟
علشان كدة قلت الاقرب روحلة مش فارقة سينا من سونيا كلة همة الاول يقلب الزبون فى قرشين ومش مهم لما يزعل من اى حاجة تعالى واحنا تحت امرك وعادى باة احرق فى بنزين علشان كلمتين حلوين اتثبت بيهم يا برنس

[eng.m7md.ali]

فعلا موقف رخم ملوش اي 30 لازمة
متزعلش نفسك انا بصراحة مشفتش منهم حاجة وحشة والا كنت هقول علطول بأستثناء موقف هناك مع صنايعي وده مخلنيش اغير رايي فيهم بصراحة
بس لو الحركة دي تمت بدون علم المهندس عصام يبقى لازم تقوله علشان لو هو نفس الصنايعي يبقى يشوف صرفة معاه

[mido_soliman]

فعلا موقف رخم ملوش اي 30 لازمة
متزعلش نفسك انا بصراحة مشفتش منهم حاجة وحشة والا كنت هقول علطول بأستثناء موقف هناك مع صنايعي وده مخلنيش اغير رايي فيهم بصراحة
بس لو الحركة دي تمت بدون علم المهندس عصام يبقى لازم تقوله علشان لو هو نفس الصنايعي يبقى يشوف صرفة معاه

الحمد لله مش زعلان ولا حاجة كل ما هنالك انا قلت انقل تجربتي وتلات اربع الناس اللي اتعاملوا معاة بيشكزوا فية جدا يمكن انا اللي حظي وحش بس الشهادة لله وحتي لا نبخس حق من بالتوكيل تقريبا التشابة في كل،شيئ باستثناء كباية الشاي

[Nistelrooy]

مممم معلش يا ميدو حركة مش كويسة منهم !


يبقي صيانة العشريين بتاعتي في العجوزة lol واقعد علي القهوة جنبهم والمنطقة هناك كويسة :)