استفسار بخصوص العفشة

[Amr_tika88]

انا كان عندي صوت خبط في العجلة اللي قدام شمال في عربية واجا ٢٠٠٦ رحت مركز عصام صفا عشان اعرف الصوت ده ايه قالي المساعد الشمال خفيف وعايز يتغير قولتله اوك اغيره الشمال بس او الاتنين قالي لا ممكن الشمال لوحده

استفساري دلوقتي هل الافضل اغير واحد بس او الاتنين مساعد مع بعضهم ؟

[ahmed_h_g]

الأتنين مع بعض
لو ركبت واحد وطلع التانى أخف من الجديد العربيه هتعوم منك

[Amr_tika88]

ابو حميد عامل ايه وايه اخبارك طب هل اجيب المساعدين الاصلين بتوع العربية او اشتري انواع تانيه ممكن تكون افضل

[ahmed_h_g]

الحمد لله يا عمرو باشا كله تمام
بالنسبه للمساعدين لو الأصلى يبقى أفضل
لو لقيت المساعدين الأصلى تمنهم مبالغ فيه يبقى ندور على بديل زى الkyb مثلا" الأصلى مش المضروب

[Amr_tika88]

هوا الاصلي الواحد للواجا عامل في التوكيل حوالي ٥٥٠ جنيه تقريبا الامامي طبعا هل السعر ده كويس ولا ممكن الواحد يركب ال kyb افضل

[EGYCARS]

طبعا يفضل الاتنين يتغيروا مع بعض .... عشان ماتعومش و عشان الجديد مايبوظش بسرعة

و الأفضل تركب الأصلي ... و علي فكرة غالبا الأصلي هيكون kyb برضه

[EGYCARS]

نسيت أضيف ان المساعدين الامامي غالبا هي بتاعة الانسر كريستالة

[ahmed_h_g]

لو ب550 فى التوكيل يبقى تشتريهم من التوكيل أفضل
لو مش هتشتريهم من التوكيل أشتريهم من الموزعين المعتمدين للkyb

[checo4lamor]

بص يا ريس ممكن تغير واحد بس بس تجيبو استراد عشا الاستراد هيبقا مستعمل شوية يعنى مش هيبقا تقيل اوى بس طبعا يستحب تغير الاتنين و تجبهم جداد لكن لو الماديات مش مظبطة يبقا تغير واحد و هاتو استيراد

[Amr_tika88]

هوا الماديات الحمد لله تمام ودايما انا بحب اعمل الصح في عربيتي ولو مش معايا فلوس بركنها ومش بحركها كتيير انا طلبتهم في التوكيل وبيقولي هيجوا قريب انشا الله وانا متشكر لكل اخواتي اللي ردوا عليا وساعدوني