ماده لعزل أسفل السياره

[yaseenmohamed]

السلام عليكم ورحمه الله

الموضوع ان العربيه ولله الحمد اتخبطت في الرفرف الخلفي ورحت عملتها علي البارد لكن اللي زعلني ان طبقه العزل المبطنه لهذه المنطقه اتشالت خالص ...
ياتري هل فيه ماده ممكن استعملها كبديل للطبقه اللي اتشالت ؟
ولو في...استخدمها ازاي ؟ وأجيبها منين؟

تقبلوا تحياتي...

[ale4hy]

تقريبا ممكن تستخدم الانتركوت وده السمكرى اللى بيحطه انا عملت كده فى الـ127 بس برضه يا ريت نشوف ردود السادة الأفاضل

[yaseenmohamed]

معلش ممكن حضرتك تقولي ايه هو الانتركوت؟

[ahmed_h_g]

أشترى أسبراى أندركوت من عند أى موان
هتلاقيها بحوالى 20 ج
رش بيها الجزء المطلوب عزله

Bosny_UNDERCOAT

[Al-Farooq]

هو الإسبراي دة لون معين ولا شفاف ؟

[eng.m7md.ali]

هو الناس بتستعمله ازاي ياجماعة؟

[ahmed_h_g]

لونه أسود
أغسل العربيه كويس بمسدس فى بنزينه ورج العبوه وركب الأنبوبه وعيش .

[أبومعاذ]

أشترى أسبراى أندركوت من عند أى موان
هتلاقيها بحوالى 20 ج
رش بيها الجزء المطلوب عزله

Bosny_UNDERCOAT

الله ينور يا هندسة

[omarkhaled55]

معلش بس سوال واحد هو الاسبراى دة بيعمل اية ؟؟؟
بيعزل الصوت عن العربية من جوة ؟؟؟
وارشة على الكارتيرة ولا على الصاج ؟؟؟

[أبومعاذ]

معلش بس سوال واحد هو الاسبراى دة بيعمل اية ؟؟؟
بيعزل الصوت عن العربية من جوة ؟؟؟
وارشة على الكارتيرة ولا على الصاج ؟؟؟

بيعزل العربية من تحت عشان الرطوبة و المية

[eng.m7md.ali]

بيعزل العربية من تحت عشان الرطوبة و المية

يعني ارفع العربية وارشه تحت؟

[أبومعاذ]

يعني ارفع العربية وارشه تحت؟

أيوة بس خد بالك عربياتنا كلها سواء واجا او جين 2 معزولة من تحت كويس الا اذا حصل و حاجة حكيتلك العربية من تحت زي مطب عالي او حجر او ما شابه ساعتها بيحصل تقشير او جرح للعزل ده و تحتاج ترش اندركوت

[eng.m7md.ali]

أيوة بس خد بالك عربياتنا كلها سواء واجا او جين 2 معزولة من تحت كويس الا اذا حصل و حاجة حكيتلك العربية من تحت زي مطب عالي او حجر او ما شابه ساعتها بيحصل تقشير او جرح للعزل ده و تحتاج ترش اندركوت

شاكر ليك جدا استاذ ابو معاذ

[yaseenmohamed]

طيب ده بيتباع فين؟ مع العلم اني من السويس