مركز عصام وصفا

[r2tarek]

أنا وجد موقع جديد لمركز عصام وصفا وموجود فى التلفونات والعنوان علشان الحجز

essam safa service essamsafaservice.com معتمد من عز العرب بروتون مركز


أنا عملت عندهم صيانه 60 وبصراحه اسعارهم ممتازه وخدمه سريعه


وشكرا

[a7mednour]

شكرا على الموقع .... انا ان شاء الله رايح عندهم كمان يومين لصيانة ال 100 الف ... يا ترى الصيانة هتكلف اد ايه ؟؟؟ وهل المركز ده يغني عن التوكيل في كل حاجة .. وهل قطع الغيار برده متوفره عنده ..

[r2tarek]

شكرا على الموقع .... انا ان شاء الله رايح عندهم كمان يومين لصيانة ال 100 الف ... يا ترى الصيانة هتكلف اد ايه ؟؟؟ وهل المركز ده يغني عن التوكيل في كل حاجة .. وهل قطع الغيار برده متوفره عنده ..

أنا عملت عندهم صيانه 60 الف ومهم كويسين واعتقد انك مش هتحتاج تروح التوكيل

وكان عندى مشكله بسبب الحراره وهما حلوها

انا بصراحه جربتهم مرتين وكانوا كويسين

ياريت تنتظر رد باقى الاعضاء

وشكرا

[Nistelrooy]

مركز محترم جدا وانا بروح له رغم اني اقرب للصحراوي والعجوزة ,, بس استاذ عصام راجل محترم جدا وبيعملوا شغل ممتاز وكفائة عالية ,,

[Nistelrooy]

مركز محترم جدا وانا بروح له رغم اني اقرب للصحراوي والعجوزة ,, بس استاذ عصام راجل محترم جدا وبيعملوا شغل ممتاز وكفائة عالية ,,

[Amr_tika88]

انا روحتلهم كزا مره وبصراحة مش بطلع من عندهم الا وكل المشاكل محلوله بس هيا مشكلة العفشة اللي مش قدروا يحلوها

[eng.m7md.ali]

ده كفاية المهندس عصام ودمه الخفيف مع الناس ربنا يباركله

[tutankhamoun]

صيانتي الجاية لازم تكون إن شاء الله عندهم (بس يارب يكون عندي وقت أدب المشوار الطويل ده )

[TefaShoman]

حد يعرف صيانة ال 40 الف تتكلف كام تقريبا عندهم ؟؟؟

[mmaaly]

انا عملت صيانة العشرين الف بس العربية بقت بتزوم ليه مش عارف؟؟؟؟؟؟؟؟؟

[realhossam]

أنا يا شباب كنت فى مركز عصام و صفا النهارده لصيانة الالف كيلو، و أحب أحكى تجربتى باختصار ، ناس محترمة، شغل محترم ، تعامل محترم ، خلصت فى نص ساعة ، و كان عندى مشكلة فى المساعد الخلفى يمين ، قاللى ده لازم يتغير ، قاللى ممكن تروح التوكيل، قلتله مش عاوز اتعامل الا معاكم ، قاللى بس حيتأخر شوية المساعد لحد ما يوصل ، قاللى من اسبوعين لشهر ، قلتله مفيش مشاكل ، و بالمناسبة ، أنا كنت رايح بالعربية و كنت راكنها فترة فتردمت تراب للأسف
و ما كنش عندى وقت أروح أغسلها ، فالمهندس عصام غسلها بنفسه ، لحد ما ظبطها ، الصراحة اتكسفت بس احترمته برضه ، كبير المكان اللى بيعمل الحاجة بايده اعرف ان المكان ده محترم،
شكراً لكل محترم فى البلد دى

[ahmad alshaaer]

أشهد للاستاذ عصام صاحب المركز بالذوق والاحترام والتقدير والقناعه ومساعدة الاخرين

ربنا يبارك له ولكل من يعمل بضمير عموما

[om12111]

انا عايز اقول راى بصراحة
هم كانو ممتازين فى الاول و اخر زيارة كانت من يومين كانت مفيش اهتمام بصراحة اظاهر ان الزباين كثرت فالاهتمام اقل

[ehabsharaf]

انا عايز اقول راى بصراحة
هم كانو ممتازين فى الاول و اخر زيارة كانت من يومين كانت مفيش اهتمام بصراحة اظاهر ان الزباين كثرت فالاهتمام اقل

عندك حق 100 فى ا100

[SALAHHAKIM]

ناس محترمة وشغل ممتاز وفنيين تدريب اول بأول ومتخصص بروتون بس ومعتمد من عز العرب