محتاج رأيكم فى فوانيس أماميه ليدات ولا رينجات للجين 2

[densfog]

السلام عليكم
نويت أفك الكيس وأصرف شويه على المسكينه اللى أكل عليها الزمن وشرب من يوم ما وقعها حظها الفقر وأشتريتها أنا ... فناوى أعمل سمكرها للخدوش والأهداءات اللى بيكتبهالى أصحابى اللى معرفهمش على صاج المسكينه ... وقولت أركب فوانيس ورا وقدام فيها حبه حركات ... فعاوز رأى حضراتكم بالنسبه للفوانيس اللى قدام الأفضل اللى فيها رينجات ولا اللى فيها شريط ليدات وبالنسبه للى ورا الأسموكد أفضل ولا الفوانيس اللى لونها أحمر , مع العلم بأن الأسعار عند عمرو ديزاين اللى فى شارع بورسعيد كالأتى:
فوانيس أماميه رينجات 1750 جنيه واللى بشريط ليدات 1950
فوانيس خلفيه سموكد 1100 جنيه واللى لونه أحمر 850
والصور أهيه :




ياريت ردكم بسرعه علشان هتفق عليها بكره بأذن الله ... والسلام عليكم

[densfog]

محاوله أخرى لرفع الصور








ودى لينكات الصور
ImageShack® - Online Photo and Video Hosting
ImageShack® - Online Photo and Video Hosting
ImageShack® - Online Photo and Video Hosting
ImageShack® - Online Photo and Video Hosting

[تامر.محمد]

قدام الليدات اشيك , ورا الاتنين شيك اوي بس اظن ان السموك احلى حاجة بسيطة

[tamerosman]

العدسات قدام هتبقى جامدة جدا و هتعيش اكتر من الليدات - لو ركبت فوجات زينون بتدى شكل جامد و مش هتضايق حد - و وارء الفوانيس الاسموك هتبقى انشاء الله تحفة ،

عمرور ديزاين غالى متهيالى الفوانيس فى شارع دمشق فى القاهرة هتكون ارخص

بما ان حضرتك من اسكندرية ياريت لو تعرف ميكانيكى و كهربائى بيفهم فى الجين 2 تدلنى عليه علشان اتخنقت من التوكيل و مش عايز عايز اعتبه تانى مدى الحياة ( سمعت ان فيه ميكانيكى فى السيوف اسمه اسماعيل شغال فى الجين 2 بس مش عارف مكانه فين؟ )

[M.Elwan]

حلو بس بحب يبقى الرينج اللى برا اكبر من اللى جوا مش العكس ده رايى

[Raul_7]

خليك في الرنجات امامي والليد الأحمر خلفي, اشيك بكتير.

[densfog]

متشكر لردودكم جدا ياجماعه فعلا أنا أقتنعت بالرينجات فى الأمامى لأنى مبحبش الضوء الأزرق بتاع الليدات واللى ورا بأذن الله السموكد علشان عربيتى نحاسى فالأحمر مش هيبان فيها أوى ولكن السموكد هيبقى فيه كونتراست شويه بالنسبه للون العربيه ودى طبعا أزواق ...... بالنسبه للميكانيكى دى نمره أسماعيل اللى فى التوكيل 0124359682 وممكن عن طريقه تعرف نمره كهربائى التوكيل ... وكمان فيه ميكانيكى كنت بشوف عنده عربيات حديثه وفى ناس شكرتلى فيه هو فى مدينه أسيد أول ما تدخل من البوابه تدخل أول شارع شمال ثم أول شارع صغير يمين وهوكمان شغال فى العفشه ... وكمان فيه مركز لخدمه bmw فى الحرفيين وبيشتغل فى كل الأنواع بس متخصص فى البى أم بس مش فاكر مكانه فين بالظبط فى الحرفيين بس الناس شكرتلى فيه أوى

[koheya]

متشكر لردودكم جدا ياجماعه فعلا أنا أقتنعت بالرينجات فى الأمامى لأنى مبحبش الضوء الأزرق بتاع الليدات واللى ورا بأذن الله السموكد علشان عربيتى نحاسى فالأحمر مش هيبان فيها أوى ولكن السموكد هيبقى فيه كونتراست شويه بالنسبه للون العربيه ودى طبعا أزواق ...... بالنسبه للميكانيكى دى نمره أسماعيل اللى فى التوكيل 0124359682 وممكن عن طريقه تعرف نمره كهربائى التوكيل ... وكمان فيه ميكانيكى كنت بشوف عنده عربيات حديثه وفى ناس شكرتلى فيه هو فى مدينه أسيد أول ما تدخل من البوابه تدخل أول شارع شمال ثم أول شارع صغير يمين وهوكمان شغال فى العفشه ... وكمان فيه مركز لخدمه bmw فى الحرفيين وبيشتغل فى كل الأنواع بس متخصص فى البى أم بس مش فاكر مكانه فين بالظبط فى الحرفيين بس الناس شكرتلى فيه أوى

لو سمحت انا من الاسكندرية وعربيتى نحاسى بردة ممكن اعرف فين المحل دة فى شارع بورسعيد.

[أبومعاذ]

الصور :

[densfog]

لو سمحت انا من الاسكندرية وعربيتى نحاسى بردة ممكن اعرف فين المحل دة فى شارع بورسعيد.

المحل فى محطه كامب شيزار يمينك وحضرتك ماشى فى شارع بورسعيد بعد قسم الأبراهيميه بحوالى 100 متر ... وتحت أمرك لو محتاجنى علشان المحل ده قريب من بيتى جدا

[densfog]

الصور :

شكرا لحضرتك ... العلم نور برضه

[أبومعاذ]

شكرا لحضرتك ... العلم نور برضه

العفو يا إسلام باشا
أنا رأيي معاك في الفانوس الرينجات بس عاجبني الخلفي الأحمر أكتر عشان الأبيض مش بيبقى شكله حلو بالنهار

[densfog]

الله يبارك لحضرتك ... أنا الحمد لله أنا أشتريت الفوانيس الرينجات والسموكد ... وأنا معاك فى موضوع السموكد وحش بالنهالر بس بصراحه الأحمر حسيته قريب من الاصلى بتاع العربيه فمش هحس بتغيير .. بس بينى وبينك أنا لو كنت بقارن بين الفوانيس الخلفيه التلاته الأحمر والسموكد والأصلى وكانوا كلهم أول مره أشوفهم كنت هختار الأصلى لأنه بصراحه شكله مميز جدا ... بس أهو من باب التغيير ... بالمناسبه الصوره اللى فى توقيعك جميله جدا ومعبره ربنا يجعلها فى ميزا حسناتك

[a7mednour]

لو سمحت كنت عاوز اعرف الفوانيس بالرينجات الاقيهم فين في الحرفيين او في القاهرة عامة ... حاجة تانية انا لقيت في موضوع انه نزل مرايات جانبية للجين 2 باشارات جانبية بس شكلها بصراحة رهيب اوي وعجيتني ... ياريت لو حد يعرف منين وبكم ؟؟؟

[densfog]

لو سمحت كنت عاوز اعرف الفوانيس بالرينجات الاقيهم فين في الحرفيين او في القاهرة عامة ... حاجة تانية انا لقيت في موضوع انه نزل مرايات جانبية للجين 2 باشارات جانبية بس شكلها بصراحة رهيب اوي وعجيتني ... ياريت لو حد يعرف منين وبكم ؟؟؟

أنا معرفش بالظبط ممكن تلاقيهم فين فى القاهره بس ممكن تسأل فى محل مكه أو محل المدينه فى ش دمشق أو تسأل عند محلات الأكسسوارات المحترمه لأنك مش هتلاقى الفوانيس دى فى محلات قطع غيار عاديه ... بالنسبه للمرايات على حسب علمى أن الشباب كانوا جايبنها معاهم لما سافروا ماليزيا ومسمعتش أن حد لاقاها فى مصر