المفتاح مش بيشغل العربية

[danight]

السلام عليكم,

عندي مشكلة, انى بعد ما غيرت بطارية مفتاح البرسونا (موديل 2009), مابقاش بيدور العربية!
يعنى الريموت بيفتح و يقفل العربية عادى لكن مش راضي يشغلها.

عملت برمجة للريموت و مفيش فايدة

[Abdelrahman.H]

الفحماية اللي عليها شفرة الإيموبلايزر وقعت منك و أنت ما أخدتش بالك منها .... دور عليها و حطها في مكانها تاني ...

هي اللي عليها سهم أحمر في الصورة

[danight]

شكرا جزيلا على ردك,
أنا غيرتها عند ساعاتى و ماخدتش بالى اذا فى حاجة وقعت مع انى كنت واقف قدامه و شايف بيعمل ايه.
طيب لا قدر الله لو مالقيتهاش أعمل ايه؟
لازم أشتري مفتاح جديد؟؟ يا ترى تمنه كام عند التوكيل العزيز بتاعنا!

[Abdelrahman.H]

ممكن تاخد النسخة التانية و تروح عند أي حد بتاع مفاتيح مشفرة يعملك فحماية جديدة ب 80 جنيه بس لازم تروحله بعربيتك علشان يوصلها بجهاز الشفرات على الكومبيوتر بتاع العربيه و يكود الفحماية الجديده


تقبل تحياتي

[Abdelrahman.H]

بس قبلها روح للساعاتي اللي غيرت عنده يمكن تلاقي الفحماية بتاعتك

[danight]

جزاك الله خيرا على ردك السريع. ان شاء الله هاروح له الصبح أيوه. أصل كان معايا المفتاح الاحتياطى و كنت فاكر ان لما أعيد برمجة المفتاح هايشتغل فا روحت عشان أطلع طريقة البرمجة.

سؤال تانى معلش :)
وأنا بجرب علمت برمجة للمفتاح 3 مرات و مرضيش يبرمجه تانى. هل فعلا المفتاح ممكن يتبرمج 3 مرات بس؟ و فى الحالة دى أعمل ايه لو ال Sync باظ مثلا و احتجت أبرمجه تانى؟