الريموت الساجا مش شغال حتى بعد تغير البطاريه ايه اسلاموا عليكوا ياجماعه........لحل ؟؟

[mosho1985]

سلاموا عليكوا ياجماعه.........ريموت العربيه مابقاش يشتغل بس بيدور العربيه!!!!! غيرت البطاريه وبرضه مفيش فايده مش بيشتغل مش عارف ايه المشكله ؟؟؟؟؟؟؟؟لو حد يعرف ياريت يقولى اعمل ايه

[amr1973]

محتاج تكويد لو مش عارف طريقة التكويد اشتغل بالمفتاح الاحتياطى لحد ما تروح الصيانة يكودوه و انت واقف

[mosho1985]

طب حضرتك تعرف ايه هى طريقة التكويد بدل ما اضرب مشوار للتوكيل

[Abdelrahman.H]

طريقة تكويد مفتاح سيارتك البروتون

إعادة الترميز مفاتيح سيارتك لأسباب غير معروفة قد تفقد مفاتيح السيارة رمز فتح أو إغلاق الأبواب و أيضا تفقد القدرة على تشغيل جهاز الانذار.
الأعراض : عدم امكانية استخدام جهاز التحكم عن بعد الموجود في مفتاح السيارة الرئيسي والاحتياطي لفتح الابواب او اغلاقها كما لا يمكن استخدامه ايضا لتشغيل او ايقاف جهاز الانذار. في حين تأكد ان كلا من المفاتيح تعمل بشكل جيد والبطاريات جيدة.

الحل : احصل على كل من المفتاح الأصلي والاحتياطي واتبع الخطوات التالية بعناية

1 - وضع المفتاح في المكان الخاص به لتشغيل السيارة.
2 - الضغط على زر جهاز الانذار بيدك اليسرى ولا تترك زر جهاز الانذار (زر دائري مع نقطة صغيرة بداخله يقع في لوحة القيادة)
3 – قم بادارة المفتاح الى الوضع1 (مصباح المحرك و كافة المصابيح الاخرى سوف تضيء)
4 – بعد 5 ثواني ادر المفتاح الى وضع الاغلاق واسحبه من مكانه
5 - تذكر يجب ان تستمر بالضغط على زر جهاز الانذار ولا تتركه
6 - ضع المفتاح مرة أخرى في المكان الخاص به لتشغيل السيارة
7 - ادر المفتاح الى الوضع 1 مرة أخرى
8 - والآن اترك زر جهاز الانذار
9 - اضغط على زر جهاز الانذار مرة أخرى واتركه فورا
10 – مصباح جهاز الانذار سوف يومض
11 - اضغط على أي زر في مفتاح التحكم عن بعد ( يمكن الضغط عدة مرات حتى تسمع صوت جهاز الانذار)
12 - الآن اضغط على أي زر في المفتاح الاحتياطي حتى تسمع صوت جهاز الانذار مرة أخرى.
13 -- مبروك ، والآن المفتاح يعمل مرة اخرى مع السيارة.

[mido_295]

المشكله دى كانت مقابلانى والمهندس مصطفى فى توكيل الصحراوى عملى موضوع التكويد ده وكنت لسه هدورلك عليه لقيت أ / عبد الرحمن حاطه بالتفصيل

[yassergpc]

شكرا شكرا يا معلم يا عبد الرحمن انا كنت بادور على الموضوع ده من زمان لان عندى نفس المشكلة فى عربيتى ساجا2011 . شكرا لك مرة اخرى و اجو ان نتواصل دائما انا اسمى ياسر من القاهرة و الe mail الخاص بى هو yassergpc@hotmail.com