ارجو النصيحة

[pesho]

ارجو النصيحة انا كنت بفكر اشترى جين 2 بس كنت عاوز اعرف قطع غيارها متوفرة اوى فى مصر ولا لالالا

هل تاكل بنزين جامد ولا لالالالالالالالالالالالالا

عفشة يتاعتها جامدة ولا لالالالالالالالالالالالالالا

ايهما احسن منها منوالولا اتوماتك

[fineart607]

متااااااااااااااااااااابع

[eng.m7md.ali]

قطع غيارها موجودة في التوكيل والمحلات بس التوكيل مش بيوفرها وبتتأخر اوي لحد ماتوصل مصر
اما اللي في المحلات ممكن تكون اصلي وممكن تكون لا على حسب القطعة
بالنسبة للبنزين العربية بتسحب كتير مش زي التويوتا او المتسوبيشي
العفشة قوية وتستحمل وناشفة شوية ممكن تعجبك وممكن متعجبكش ونصيحة جرب العربية الاول واعملها تست درايف
ولو عايز تستمتع بالعربية هاتها مانوال

[Al-Farooq]

قطع غيارها العادية واللى ممكن تغيرها دورياً موجودة بدون مشاكل فى التوكيل
وبالنسبة ليا شخصياً لم أواجهة اي مشاكل فى التوكيل ،
وكنت رحت بدون حجز ودخلت عملت صيانه بدون مشاكل
وفى ناس كثيرة جداً بتشكر فى مركز عصام صفا ودة مركز صيانة معتمد من عز العرب موجود فى مدينة نصر على ما أعتقد
ممكن يحصل تأخير لوجود بعض القطع - ودة بناء على شكوي بعض العملاء

أستهلاك البنزين زي استهلاك الصني مثلا يعني اقصد كأستهلاك اى عربية 1600 سي سي ، وطريقة قيادتك فى العربية هي اللى بتحدد نسبة إستهلاك البنزين ، الكتالوج بالنسبة لإستهلاك بنزين ناقل الحركة المانول على سبيل المثال ،، 6.5 لتر لكل 100 عند سرعة 90 تقريبا ، 7.6 لتر عند سرعة 120 تقريبا ، والنسب دي ممكن تزيد ل 8 - 9 لتر حسب اسلوب قيادتك ، وحالة الطريق ، ومستوي صيانة العربية .

العفشة عفشة رياضية ، تصميم لوتس الإنجليزية ، وتعليق السيارة من أهم مميزاتها و ثابتها الرائع على السرعات الكبيرة " ولا ينصح بالقيادة على سرعات عالية على طرق مصر على اى حال " فالعفشة متناسبة ومتوافقة مع العربية تعطي ثبات ممتاز على الطرق السريعة والطرق الممهدة ، لو كنت بتسوق فى مناطق فيها مدقات كثير وغير مسفلته كثيرة ، ممكن تشكل حاجز عندك دون الإستمتاع بالعربية ، لذلك لا ينصح بشراء العربية لمن يقطن العشوئيات او لمن يسير فى أماكن غير ممهدة لفترات كبيرة فى خط سيرة العادي .

الأتو والمانول الأثنين أحلي من بعض ، وفى الموديلات فوق 2010 تقريباً أستجابة الأتو عالية جداً يمكن من 0:100 فى 11 ثانية ، لو عاوز أداء رياضي أكثر يناسبك المانول ، لو كنت من رواد القاهرة والجيزة والمناطق الميتة أو المنعدمة مرورياً ، بلا شك افضل حاجة هي الأوتو .

بالتوفيق فى أختيارك .