ساعدوني!! دي مشكله في السيور ولا طلمبه المياه؟؟

[SASABOSS]

السلام عليكم

للاسف مشكلتي ابتدت من شهرين تقريبا و كانت العربيه بتسخن و انا ماشي و بطريقه مستمره
و لما كشفت عليها الميكانيكي قالي ان فيه حاجه اسمها خلاط المياه او طرمبه المياه دي عايزه تتلحم! و فعلا فكهالي و لحمها و قالي دي الي كانت يتسرب و ان الطرمبه دي مسئوله علي تقليب المياه بتاعت العربيه.. و بعد ما لحمها و راحت المخرطه و كده ركبهالي تاني و العربيه فضلت اسبوع تقريبا او عشر اياه تمام.. وبعد كده اتلقتها بتسخن تاني و لحظي اني كنت علي طريق سفر و جوان وش السلندر كان عايز يتغير عشان مشيت بيها وهي سخنه.. وفعلا تم تغير الجوان و العربيه بقت تمام تاني بس بقت بتحتاج اني احطلها مياه باستمرار عكس قبل المشكله دي كانت كل فين و فين مياه التبريد بزودها...و كنت بتابها باستمرار..بعد كده بقه و هي المشكله الي انا فيها حاليا ان من اسبوع العربيه بقت بتعمل صوت كده زي كركره العربيه الربع نقل كده من ناحيه طرمبه المياه و السيور و امبارح اول مره تسخن مني تاني مع صوت الكركره الفظيعه والمزعجه دي..ف انا دلوقتي مشعارف بصراحه اجيب طرمبه المياه دي ولا هي مشكله في تغير السييور برضو ولا ايه؟؟؟!ياريت تساعدوني لاني كلمت محل مكه الي في دمشق و ا/ ايمن جزاه الله كل خير هروحله عند بيته علشان اجيب طرمبه المياه دي لان كل سنه وانتوا طيبين النهارده اول يوم العيد وكله قافل...وانا محتاج جدا للعربيه في الوقت دا وللعلم انا من بورسعيد..

ارجو مساعدتي لمن تعرض لمشكله مشابهه!!!

[eng.m7md.ali]

صوت التكتكة دي اللي زي العربيات النقل تقريبا كدة هتبقى زبط تكيهات والله اعلم

[SASABOSS]

!!!!!!!!

[SALAHHAKIM]

طلمبة المياة تقريبا اتعملت بس حضرتك مختش هواء من دائرة المياة بالتحديد من مسمار اسفل الفلتر الهواء بتقوم بفتحة حتي خروج ماء مستمر وبعدين تقفلة (ياريت لو تروح محطة بنزين وتغسل دورة التبريد وتحط مياة مبردة والراجل بعد الغسيل بياخد هواء من الدورة (والله اعلي واعلم )

[ahmed_h_g]

طلمبة المياه لو بايظه هيظهرلها صوت مميز ولو الأويل سيل بتاعها باظ هتسرب مياه لو بطلت العربيه فقط

[MEGAREKAB]

كلام صلاح حكيم مظبوط مائه بالمائه وعن تجربه شخصيه فعليه وكانت محيرة جدا جدا للجميع والحل كان فى حته مسمار قد كده تحت علبه فلتر الهوا مباشرة..... يتفك واحد واحد وتزود ماء للرادياتير والموتور شغال طبعا لغايه أما تلاقيه خروج ماء متواصل بدون تقطع من مكان المسمار اللى إتفك وبعدين تقفل المسمار وترجع كل حاجة مكانها وخلصت الحكايه فى منتهى البساطة

[ahmed_h_g]

كلام صلاح حكيم مظبوط مائه بالمائه وعن تجربه شخصيه فعليه وكانت محيرة جدا جدا للجميع والحل كان فى حته مسمار قد كده تحت علبه فلتر الهوا مباشرة..... يتفك واحد واحد وتزود ماء للرادياتير والموتور شغال طبعا لغايه أما تلاقيه خروج ماء متواصل بدون تقطع من مكان المسمار اللى إتفك وبعدين تقفل المسمار وترجع كل حاجة مكانها وخلصت الحكايه فى منتهى البساطة

الكلام ده لو الدايره واخده هوا
لكن مشكلته فى نقصان المياه مع زيادة السخونيه
أنا حاسس أن المشكله كلها من ترموستات الكوعه
بيخنق دايرة التبريد وبيحصل غليان علشان كده المياه بتنقص