بعد اكتر من 9000 كيلو . . تيل الواجا اخيرا طبع على الديسك

[eng.m7md.ali]

كل سنة وانتو طيبين
اخيرا وبعد اكتر من 9000 كم التيل الماليزي المعفن اللي بيتباع في التوكيل (جايبه من هناك) طبع على الديسك ومبقاش يعمل صفارة او حكة مهما كانت مسافت المشوار اللي عملته
المشكلة ان التيل فاضله حوالي 3000 كيلو ويخلص

وحسبي الله ونعم الوكيل وربنا يسامح اللي قالي عليه حلو

[minicooper20]

ههههههههههههههههههههههههههه عوضك على الله

[Raul_7]

أنا واحد صاحبي معاه واجا 2006 وهيغير التيل قريب في التوكيل, هو وحش قوي كده يا فيلكس, يعني أقوله بلاش؟

[eng.m7md.ali]

لو الماليزي يبقى زفت ياامحمود
خليه يجيب حاجة تانية احسن حتة لو ريمسا

[Raul_7]

أيوه ما هو مفيش غير نوع واحد في التوكيل.

يلا أنا هقوله وهو براحته بقى, تسلم يا معلم.

[eng.m7md.ali]

الله يخليك ياباشا
انا كنت اقصد يجيب من برة وبلاش من التوكيل يعني

[alaa7sh]

اية ده !
يعني انا لما ييجي معاد تغيير التيل بتاعي هعمل اية؟
طبعا الماليزي والمصري ... Out
في اية تاني في التوكيل؟
بوش ألماني ... بكام؟
وهل عنده بوش ايطالي؟
وياتري العادي من كل تيل هيقعد في حدود كام كيلو معايا
وتنصحوني باية كدة من الأخر ؟

[ayman_83]

انا لسه مغير تيل من يومين لان القديم للاسف خلص تماما وكنت بسمع حكه جامده جدا وللاسف كانو يومين عيد فحكو فالطنبور اليمين بس الحمد لله علي كل شئ
انا جبت تيل تاني ايطالي اخدته ب 185 جنيه بعد الفصال ولحد دلوقتي شغال بس لسه كل اما يطبع بيمسك احسن واحلي والحمد لله مفيش اي صوت
ودي صورته [IMG][/IMG]