صوت الصفاره ضاع مني

[ayman_83]

ازيكم يارجاله
الناهرده صوت الصفاره اللي بيصفر لما تنزل من العربيه ونور التابلوه مولع يحذرك بالصفاره مش شغال محدش يعرف من ايه ولا فيوز ولا لا ومش من الصفاره عشان لما بفتح الكونتاكت الصفاره بتشتغل عشان الحزام فياريت لو حد يعرف ايه السبب يقولي

ولو حد معاه صوره كتالوج جين 2008 بتاع اماكن الفيوزات عشان معايا كتالوج 2006 ومختلف عن علبه الفيوزات اللي عندي

[tutankhamoun]

[rajina]

شكرا لللاستاذ tutankhamoun على الصورة المرفوعة عشان كنت بدور عليها. بس هل ده للجين 2009 كمان ؟

[ayman_83]

استاذ tutankhamoun دايما سباق ربنا يباركلك ويخليك
بس ايه الفرق بين الصوره الي فوق واللي تحت عشان انا معايا في الكتالوج الصوره اللي فوق بس عربيتي علبتها شبه الصوره اللي تحت

[tutankhamoun]

استاذ tutankhamoun دايما سباق ربنا يباركلك ويخليك
بس ايه الفرق بين الصوره الي فوق واللي تحت عشان انا معايا في الكتالوج الصوره اللي فوق بس عربيتي علبتها شبه الصوره اللي تحت

العفو يا أٍستاذ أيمن
الصورة اللي فوق هو الكتالوج القديم (المفروض أنه لموديلات 2006 و 2007 و 2008 )

و الصورة اللي تحت هو الكتالوج الجديد و المفروض أنه لموديلات 2009 و 2010 و مش عارف إذا كان هو نفسه بتاع 2011 و لا لاءة .

اللي أنا مستغربله أن أنت موديل 2008 و متطابق مع الكتالوج الجديد !

بس المهم أن الصورة تفيدك

[tutankhamoun]

شكرا لللاستاذ tutankhamoun على الصورة المرفوعة عشان كنت بدور عليها. بس هل ده للجين 2009 كمان ؟

المفروض يا فندم ينفع معاك .......... و العفو أنا تحت أمركم

[koheya]

ازيكم يارجاله
الناهرده صوت الصفاره اللي بيصفر لما تنزل من العربيه ونور التابلوه مولع يحذرك بالصفاره مش شغال محدش يعرف من ايه ولا فيوز ولا لا ومش من الصفاره عشان لما بفتح الكونتاكت الصفاره بتشتغل عشان الحزام فياريت لو حد يعرف ايه السبب يقولي

ولو حد معاه صوره كتالوج جين 2008 بتاع اماكن الفيوزات عشان معايا كتالوج 2006 ومختلف عن علبه الفيوزات اللي عندي

لما تفتح الباب الى ناحيتك حتلاقى فى القايم زرار اسود جلد زى الاكورديون فى اخر القايم من تحت. الزرار دة لما تفتح الباب يخلى نور الصالون ينور والصفارة تشتغل زى فكرة زرار الثلاجة. لو معلق النور والصفارة مش حيشتغلوا لما تفتح الباب.

[ayman_83]

الحمد لله انا عملته تمام وهقول الطريقه لتعم الفائده عشان لو حد حصل معاه كده يعملها ويدعيلي اولا هي مش من الفيوز لان صوت الصفاره شغال علي الحزام يبقئ كده هو مش شغال علي الباب بس لو فيوز كان هيفصل كله يبقئ العيب في الزار الضاغط اللي في نص العربيه اللي الباب بيدوس عليه النور يقفل فكيت المسمار ونضفته ورشيت عليه اسبراي منظف وركبته والشتغل تمام