تحويل الساجا المانيوال الى اوتوماتيك

[ggggggggg]

عندنا عربية بروتون ساجا موديل 2010 مانيوال ... وعايزين نقلبها اوتوماتك فسألنا ميكانيكي احنا عارفينه قالنا ممكن وهتتكلف من 4000 الى 5000 جنيه ولما فك العربية لقى انو ممكن يركبلها بتاع المتسوبيشي

فهل السعر ده مقبول ولا الميكانيكي بيغلي علينا ؟

[hesham_tawfiq]

هو الفتيس بتاع الساجا فعلا هو بتاع الميتسوبيشى بس السعر دا هو تقريبا فرق الفتيس جديد
فأزاى هو هيجيب فتيس جديد ومنين ؟
ولو الفتيس مستعمل انصحك بلاش المغامره دى لانك متضمنش حالته هتكون عامله ازاى

[hugan]

عربيه جديده ويتلعب فيها حرام
وفي الغالب الشغل مش بيطلع نضيف زي الفابريكه

[Mustafa_Farouk]

السلام عليكم،

أنا شايف، انك يا تكمل بها كدة مانيوال أو تبعها وتحاول تجيب حاجة أوتومتك، لكن الحاجات دي بصراحة أكيد مش حتكون زي الفابركة وحتلعها من الضمان كمان. يبقى ليه المجازفة، بعها وهات ساجا أو جن مستعملة وتكن اوتو وكبئر دماغك وطبعاً دي وجهة نظري وحضرتك ليك القرار.

[mememsaid]

غالي
ونصيحه ماتلعبش فيها غير لما تكون متاكد انها هتبقي تمام

[NourElmansy]

لا انصحك بهذه المجازفة الغير محسوبة ..

الصنايعية بيلبسو في الحيط .. و اسئل مجرب

[ashouhdy]

بيعها وزود ال 5 دول وهات واحدة اوتوماتيك كسر زيرو مستعملة او حتى جين2 اوتو موديل 2010 احسن من عك الصنايعية

[wsamir]

نصيحة بعها و هات اتوماتيك احسن برجاء عدم اللعب فى العربية خسارة

[zkralla]

حرااااااااااااااااااام عليك لو عملت كده