:( كارتية زيت الماتور

[mostafagohary]

صباح الخير يا هل الخبرة كاتيرة زيت الماتور اتشرخت بس اعتقد انو شرخ بسيط عشان سيبتها يويمين نزلت نقطة على الارض بس بس طبعا قلقان جدااا فهل حد يعرف ممكن اعمل اية اتصحونى بليز انا جين 2 2008 انا مش عارف لية مش مصفحين العربية من تحت .... هل يا جماعة ممكن امشى بيها عادى انا بصراحة ماشى بيها بس قلقان ومش عارف اعمل اية هل الحمها ولا اية ولو حد يعرف بتاع لحام تمام او حد يعمل الحوار ده كلوا تمام يقولى وسالت عليها جديده لاقيتها 1800 :( :( افيدونى يا اهل الخبرة شكرا ليكم

[m_marmoush]

غالبا دة مش شرخ، عادة الطبه بتبقى مهويه (عيب خامة) .......... ممكن تروح لأى محطة بنزين وتفضى الزيت و تجيب كتان شعر (بتاع السباكه) وخلى العامل يلفوة على الطبه و يركبها و بعديين حط الزيت اللى نزل تانى

[mostafagohary]

شكرا جدا لاهتمامك :)

[mostafagohary]

بس بصراحة اخاف اى حد يلعب فيها انا بفكر الحم الشرخ ده بس لشة مش عارف فين ولا ازاى عشان بصراحة سعره جديده غالية يعنى

[Raul_7]

روح مركز عصام صفا و خليهم يكشفولك عليها و ان شاء الله بشمهنس عصام هيقولك علي الحل المناسب.

[eslamashour2005]

بص ياباش انا الكرتيرة تاعتي اتشرخت شرخ صغير قوي زي اللي عند حضرتك ممكن تفكها عند اي مكيانيكي و تتلحم و بتبقي تمام بس لو الشرخ بسيط اوي بلاش تفكها ممكن تلحمها باللحام البارد بدون فك انا عملتها قبل كدة و قعدت حوالي سنة باللحام البارد و مفكيتهاش الا لما اتخبطت تاني و قلت افكها بقه و اللحمها

[mostafagohary]

متشكر جدا جدا يا جماعة انا فعلا رايح عند عصام صفا بكره وربنا يسهل والشرخ اعتقد انو صغير جدا عشان فى خلال يومين وهى واقفة نزل نقطة واحده تقريبا بس انا ببقى قلقان بقى وكده ان شاء الله خير ومتشكر مرة تانية