إن شاء الله نويت على الساجا - محتاج نصيحة

[Eng.Osama.Afifi]

السلام عليكم
إن شاء الله بعد إستخارة وبعد إستشارة ... وبعد ما فليت الموقع ده في كل أقسامه ... نويت إني أشتري الساجا ... أي نعم أنا كان نفسي في الجين تو ... بس ان شاء الله لما الظروف تتحسن أجيبها

أولا أنا بحب أشكر منتدى نايل موتورز ... فعلا أنا إتعلمت وفهمت حاجات كتير من مشاركات الأعضاء المحترمين جدا جدا ... وأخص بالذكر وحوش البروتون ... إللي حببوني في الماركة ديه ( وبالمناسبة أنا 2 أصحابي إشتروا العربية ديه ... وكان من ضمن المؤثرات في إختيار القرار هوا المنتدى ده )

ثانيا : أنا بس عايز أسأل ... دلوقتي إللي فهمته إن سعر العربيه 74900 جنيه ... هل في أمل في الفصال ؟ ولا ده سعر نهائي التوكيل مش بينزل فيه ؟ وهل فيه معارض ممكن تكون أرخص شوية ؟ ولا التوكيل زيه زي المعرض ( أنا بالمناسبة مش مستعجل في الإستلام ... ممكن كمان شهر عادي ) بس يهمني جدا السعر

ثالثا : إيه الحاجات إللي بستلمها مع العربية ؟

رابعا : هو ا لو حبيت أغير الراديو سي دي إللي جاي معاها ... هل ده بيطلعها من الضمان ؟

وشكرا مقدما

[Eng.Osama.Afifi]

شكرا جزيلا
:d

[walids]

سلام عليكم

الساجا عربيه محترمه جداُ بصراحه في فئتها ، ولو هتقدر تصبر تجيب ال gen2 اوك ، مش لأن الساجا سيئه لالالالا بالعكس ، لكن علشان الجين 2 فيها كمالية زياده زي فرامل abs و ماتور 1600 ، انا معايا ساجا و مبسوط اوي معاها بس بالنسبه لي انا كشخص بتمني عربيتي يكون فيها الكماليات دي عن أقرب وقت ، هههههه احساس طبيعي مانا لو اطول اقلبها bmw هعملها :D

توكل علي الله هي عربيته محترمه جداً في فئة سعرها

بالنسبة للسعر اعتقد كده والله اعلم مش هينفع تفاصل مع التوكيل ، بس فيه هناك شخص اسمه الأستاذ محسن ، حاول تكلمه و تقوله انك جاي من نايل موتورز مثلاً و الأستاذ أيمن ، يمكن يقدر يعمل معاك شيء هذا والله اعلم

بالنسبه للعربيه فيه شخص بيسلمهالك و بيتمم علي كل حاجه معاها
بتستلم طبعاً الأستبن و طقم دواسات و طقم مفاتيح عجل و مفك و شداد و أطباق الجنوط ، يعني كذا حاجه طبيعي يعني انا مش متذكرهم كلهم بالظبط

بالنسبه للكاسيت فهو من فئة كلاريون و محترم جداً من وجهة نظري ، أما لموضوع تغييره فمش عارف والله هيطلعك من الضمان ولا لا بس كل اللي اعرفه انه مادام مش هتلعب في ضفيرة كهرباء العربيه يبقي انت في الأمان ، لكن غير كده يبقي هتطلع من الضمان !!


و ربنا يوفقك

[mememsaid]

فيه ناس قدرت تنزل ال900 جنيه دول
الموضوع ده هيفيدك اوي هتلاقي اجابه علي كل اسالتك

http://www.nilemotors.net/Nile/132583-a.html

[Eng.Osama.Afifi]

ربنا يكرمكم ويجازيك 1000 خير
شكرا بجد على ذوقكم
بالنسبة للأخ walids
إنت قصدك على محسن مين وأيمن مين ؟
إنت قصدك على Ayman_52 ؟
وبالنسبة لموضوع الكاسيت .... هوا مشكلته إنه أوديو ... وأنا بحب أشغل إم بي ثري ... القرآن بيبقى على سي دي واحد ... وبرضه أنا كنت بفكر أجيب حاجة بتقرى فلاش ميموري USB ومش بحب الترانسمتر

[tamerosman]

لازم تفاصل مع التوكيل ، بس حاول تبين انك مش مهتم اوى بالعربية و ان السعر مش عاعجبك او وصل لموظف المبيعات انه لو معملش التخفيض هتروح تشترى من فرع تانى للتوكيل ، ممكن تكلم محسن صالح مدير المبيعات هتلاقيه جدع و ممكن يعمل معاك واجب فى السعر .

لو عايز تجيب من الاخر روحلهم بالفلوس كاش ناقصة الف و قلهم دول الى معايا هتلاقيهم بيخلصوا على طول

انا عملت كده و نزلت 1500 جنيه فى الجين 2

[Eng.Osama.Afifi]

ممكن نمرة محسن صالح لو سمحت ؟

شكرا جزيلا لذوقك