ايه احسن شلركة تأمين وبكام

[hesham1978mmmm]

انا يا جماعة حاجز البيرسونا وسعرها 94900 عايز اعرف احسن شركة تامين ايه واسعارها ايه مع العلم ان اخو واحد صديقي معاه سيراتو اتثبت في طريق السويس وخدو منه العربية وكان مأمن عليها في مصر للتأمين وبيقولو ان حوداث التثبيت في الطرق تدخل ضمن بند الشغب والأضطرابات وليس السرقة وعايزين يخلصوا من الموضوع وكمان ان لو حتي وصل معاهم انها سرقة عادية التعويض مش قبل سنة فياريت يا جماعة حتي يدلني اعمل ايه عشان الحق اتصرف قبل ما استلم

[Europian]

شوف حضرتك شركه اليانز اعتقد انها اقوى شركه تامين بس عموما التامين على العربيات البروتون غالى شويه
اعتقد انه من 4-5 % فى اليانز

[wael ahmed]

شوف حضرتك شركه اليانز اعتقد انها اقوى شركه تامين بس عموما التامين على العربيات البروتون غالى شويه
اعتقد انه من 4-5 % فى اليانز

لو الفايده كده أمن معاها ... بسمع عنها كتيير وتعتبر احسن شركه تأمين
كل الشركات التانيه ولاد تييت وعن تجربه مع المصريه للتأمين التكافلى

[hesham1978mmmm]

المصرية للتأمين التكافلي دي شركة حكومة ولا قطاع خاص ولو مع حضرتك رقم تليفون ليهم ياريت اخده منك ومتعرفش اسعارهم ايه

[wael ahmed]

موضوع شركه حكومى ولا قطاع خاص دى مش عارفها بصراحه بس اعتقد مش حكومى ...

تانى حاجه بالنسبه للفايده انا مش عارف كام بصراحه

بس انا هقول لحضرتك وممكن حضرتك تعرف تحسبها

انا كنت مأمن على سيراتو الله يرحمها بقى ب 113000

والاشتراك الاساسى : 2907.49
وبالدمغه والضريبه والتحابيش
اجمالى الاشتراك : 3108 بالظبط

الوثيقه دى كانت السنه اللى فاتت معرفش السنه دى حاجه اتغيرت او زودو النسبه ولا ايه النظام :)

عامة انا اتعاملت مع الشركه دى فى تكهين عربيه وانا لا انصحك بيها اطلاقا... بس اعتقد انها احسن من مصر للتأمين والشركات التانيه ( مجرد اعتقاد )

وزى ما قالك Europian شوف اليانز دى فايدتها كام وانصحك بيها لانى اسمع انها احسن شركه تأمين فى مصر حاليآ
بس مقابل كده اكيد الفايده هتبقى عاليه
بس ده مقابل حاجات كتيير فى حالة وقوع حادث ( لا قدر الله ) بيبقى نقل العربيه على حسابهم وبيدولك عربيه .. الخ

حضرتك شوف الانسب ليك .... وربنا معاك مع انى لا انصح بموضوع التأمين ده ابس حضرتك مضطر علشان العربيه قسط
ودى ارقام المصريه التكافلى :37613406 -37626642 - 37626641

اه وفيه حاجه كمان الفايده سعات بتفرق حسب نوع العربيه

[walids]

فيه شركة قناة السويس للتأمين شركة محترمه و ناس كتير بيشكرو فيها

[mmaaly]

شركة المشرق للتأمين التكافلى شركة محترمة وهى شركة من مجموعة الفطيم وهى فى حدود 3.5%

[mohammad_rady]

السلام عليكم ورحمة الله وبركاته انا كنت زي حضرتك كده بالظبط محتار انا استلمت البيرسونا الحمد لله يوم الخميس وبعد ما اتصلت بشركة كونتكت واتفقت معاهم وكنت رايح فوجئت وانا رايح قالولي دا احنا موقفين التامين لاخر السنة وبعد شوية قال هرد عليكم تاني واتصل وقال 5% ونصح ان الشركة مش مظبوطة اليومين دول لانها اتحملت تامينات كتيرة بسبب السرقات الكتيرة للكيا لان كانت نسبة كبيرة من شغلهم مع الكيا وبالاخص كيا سيراتو وبعد سؤال الاستاذ مروان قالي ان في شركة تتعامل معها شركة عز العرب ومن مميزاتها في البروتون انها بتصلح العربية في التوكيل وتاخدها حضرتك وهما يتصرفوا مع بعض في صرف التعويضات فقولت يبقى زيتنا في دقيقنا واخدت برضه 5% بعد 4,5% زودت هي كمان النسبة وبتخلص التعاقد مع مروان وبتاخد البوليصة مع استلام العقود

[hesham1978mmmm]

الف مليون مبروك علي اسستلام العربية وربنا يديك خيرها ويكفيك شرها
والله انا كمان نفسي استلم بس المشكلة انا كنت حاجز فضي وبعدين عجبني اللون البرونزي جدا واستاد وائل حسين مسئول مبيعات العجوزة قالي هاحاول اشوفلك واحدة والكلام ده من اسبوعين ولسه ما ردش عليا وربنا يسهل والف مبروك عليك بس 5% ده كتير اوي انا سالت في قناة السويس طلع 4.5% ومصر للتأمين 3.5% وناس كتير بتنصح بيها علي اساس انها شركة حكومة وطبعا في الظروف دي الحكومة اضمن وبعدين ان شاء الله منحتجش للتأمين خالص بس ممكن سؤال هو حضرتك كنت حاجز من امتي

[tamerosman]

بخصوص شركة التامين المتعاقد معاها عز العرب :

1- اولا لازم تسال على اسم الشركة ، غالبا المصرية للتامين التكافلى و دى شركة على قدها ( لو هتامن معاها مباشرة هتكون اقل بكتير من 4.5%)
2- فى حالة الهلاك الكلى او السرقة ( لا قدر الله ) شيك التعويض هيطلع باسم عز العرب مش باسم حضرتك ( لان البوليصة هتكون باسم عز العرب ) و هتجرى وراء عز العرب علشان تاخد فلوسك
3- السمكرة فى التوكيلات بشكل عام تعبانة و خصوصا عز العرب
4- فى مراكز سمكرة و دوكو متخصصة ( عندهم افران دهان) بتبقى شركات التامين متعاقدة معاهم و برضو بيتفاهمو مع بعض من غير ما تدفع من جيبك و بعدين تحصل من شركة التامين

الافضل تامن عند شركة تامين محترمة زى Allianz - AIG - AMIG و هتلاقى ليهم مراكز معتمدة و سيبك من التوكيل

[mohammad_rady]

انا كنت حاجز من نص شهر سبتمبر واستلمت اللون البرونزي وهو لون رائع واما بالنسبة للشركة انا اضطريت لاني كنت خلاص عاوز انهي الموضوع وكنت خلاص استلمت وبالنسبة للشركات كلها رفعت سعر الفائدة بسبب الظروف الحالية في البلد وكلهم قالولي على ال15% تحمل للتصليح في التوكيل وبالنسبة للبروتون انت هاضطر للتصليح في التوكيل يعني هي هي وربنا يسترها

[mahmoodallam]

أهم من ده كله
أسأل الأول على الحلال والحرام في موضوع التأمين ده
واسأل شيخ انت واثق في علمه وخد برأيه
وما تلفش على المشايخ لحد اما تلاقي واحد يقولك اللي انت عايزه

[mahmoodallam]

ما تنساش
من ترك شيئا لله عوضه الله خيرا منه