استلمنا البرسونا

[Osama1]

بالنسبه للحجز لو هم ماعندهمش عربيات زياده ستوك يعنى يبقى انت حتضطر تستنى ال3 شهور دول عشان تستلم بس العربيه الصراحه تستاهل انك تستناها

[aly165]

الف مبروك انا كنت عايز اعرف لونها ايه وايه اخبار اللون البرونزي

[Osama1]

لونها سيلفر وبالنسبه للون البرونزى جميل جدا عليها وشيك اوى الصراحه اصل شوفت واحده برونزي كانو بيحضروها عشان يسلموها لما روحت استلم عربيتى وكان البرونزى عاجبنى اوى لدرجه انى كنت عايز ابدل واخدها بدل الفضى بس طبعا ماوفقوش وده كلها ازواق وقاللولي في التوكيل انه مش نازل منها غير 3 عربيات بس المره ده

[alaasaid]

ألف مبروك و ربنا يباركلك فيها و فى انتظار تقييم للسيارة ان شاء الله

[Osama1]

رخصت العربيه امبارح والحمد لله خلصت على طول اخدت حوالى نص ساعه او ساعه الا ربع وكنت مركب النمر الجديده لو حد عنده سؤال فى الترخيص يقولو وانشاء الله اجاوبو

[Osama1]

بالنسبه للتقييم انا ماليش اوى فى تقييم العربيات لكن على اد معرفتى بالعربيات العربيه مبدئيا كويسه جدا بس اللى مدايقنى فيها حاجه واحده المدى الصغير للدريكسيون بس

[ghareeb]

ياريت ياباشا تقولنا ترخيص 3 سنين بكام

[hesham1978mmmm]

الف مبروك يا باشا انا المفروض علي كلام عز العرب استلم اول الأسبوع القادم بس ممكن يا باشا اعرف الترخيص اتكلف كام بالضبط عشان اعمل حسابي

[hesham1978mmmm]

يعني ايه مدي الدركسيون صغير

[Osama1]

بص ياسيدى التامين الاجبارى ب320 والورق من الخزينه ب 45 والضريبه والمصاريف ب 805و الطفايه ب121والبقشيش ممكن تدفعه او لا ب80يعنى كله1290 بدون البقشيش وخلى معاك فكه وانت رايح عشان ماتدفعش بقشيش كتير انا كده اعتبر دافع بقشيش كتيرممكن يكون اقل كتير بس انا مكانش معايا فكه فكنت بدفع كتير

[Osama1]

طبعا ده ترخيص 3 سنوات ومدى الدريكسيون صغير يعنى لما تحود الدريكسيون يمين او شمال تجيب اخره بسرعه وده بيبان اوي لما تيجى تركن فيه عيب تانى اكتشفته وهو ان لما بجيب على الn المفتاح مابيطلعش من الكونتاكت وده بيخليك تضطرتعملها على الp عشان المفتاح يطلع من الكونتاكت وده بتخلى العربيه مش ممكن حد يزقها عشان يوسع لنفسه فعمرك ماتقدر تركن صف تانى او تقفل على حد فى الركنه

[hesham1978mmmm]

الف شكر يا ريس بس ليا سؤال وانا ان شاء الله باستلم ايه الحاجالت اللي ابص عليها وايه المرفقات اللي مع العربية وكمان وانت بترخص كنت لوحدك ولا معاك مندوب من عز العرب

[Osama1]

معلهش انا اسف على التاخير انا كنت لوحدى وانا برخص وشيك على كل حاجه وانت بتستلم واللى بيسلمك عموما حيجربلك كل حاجه جوا العربيه التكييف والكاسيت وخاللى معاك cd عشان تجرب مشغل الاسطوانات ولو معاك فلاشه يبقى تمام بردهوتجرب الانوار والاشارات والwaiting وبتستلم شنطه جلد فيها العده اللى مع العربيه وفيه الاستبن والكوريك ودواسات قماش وكتاب الضمان وكتاب التعليمات وكتاب التعليمات بتاع الكاسيت ووصل بتمن العربيه لحد مايسلموك العقد والافراج الجمركى ومفتاح واحد بس والتانى لما بتستلم الافراج برده

[hesham1978mmmm]

الف شكر ربنا يكرمك ادعيلي استلم بقي

[hesham1978mmmm]

معلش هو كتاوج العربية فيع لغة عربية ولا لأ