تجربتى مع الجين تو

[meramor81]

مشكورين جميعا بس استاذ توت حضرتك ماردتتش عليه او ماخدش بالك من سؤالى ياريت تفدنى فى موضوع الحراره بتاعت العربيه طبعا استاذ مينو افدنى بس عاوزة راى حضرتك واشكرك يا استاذ فهد بس ماعرفتش اوصل للزرار اللى انت جايبه فى الصوره
انهردا حصل حاجه غيبه جوزى جاى يطلع بالعربيه المفتاح علق والسنتر لوك مش راضى يفتح العربيه ولما جينا ندورهاا عملت صوت فضيحه وقعدت تصوت
فهل كده المفتاح باظ علما بانه بينور احمر عادى وطبعاا احنا كان معانا نسخه تانيه ففتحنا ودورنا العربيه بيهاا

السؤال التانى هى الدفعه الاخيره دى فعلا تختلف عن اللى قبلها

[tutankhamoun]

مشكورين جميعا بس استاذ توت حضرتك ماردتتش عليه او ماخدش بالك من سؤالى ياريت تفدنى فى موضوع الحراره بتاعت العربيه طبعا استاذ مينو افدنى بس عاوزة راى حضرتك واشكرك يا استاذ فهد بس ماعرفتش اوصل للزرار اللى انت جايبه فى الصوره
انهردا حصل حاجه غيبه جوزى جاى يطلع بالعربيه المفتاح علق والسنتر لوك مش راضى يفتح العربيه ولما جينا ندورهاا عملت صوت فضيحه وقعدت تصوت
فهل كده المفتاح باظ علما بانه بينور احمر عادى وطبعاا احنا كان معانا نسخه تانيه ففتحنا ودورنا العربيه بيهاا

السؤال التانى هى الدفعه الاخيره دى فعلا تختلف عن اللى قبلها

يا جماعة أنا عايز الناس تقرأ الكتالوج

بالنسبة للسنتر
فيه زرار بجانب أزرار التحكم في أضواء الشبورة
هو ده اللي بيعمل RESET للإنذار
و دي صورته



و حضرتك ممكن تجيبي معلومات أكثر من الكتالوج عن طريقة اعادة وضع اعدادت الإنذار

بالنسبة للسخونة

المؤشر بيكون قبل 90 بحاجة بسيطة و لا يزيد عن ذلك أبدا
فإذا كان المؤشر يظهر عند التسعين أو أقل فلا تقلقي
أما لو زاد عن ذلك .......... فلازم تأخدي العرببية و تروحي التوكيل ممكن يكون عندك الترموستات بتاع الحرارة بايظ و عايز يتغير أو حاجة ,..... و بالمرة يكشفوا على دورة التبريد لو فيه مشكلة

بس خدي بالك
لو تسعين و أقل ......... مفيش مشكلة
المشكلة لو بتعلى عن 90

بالنسبة للباب اللي علق
الباب ممكن يكون لا علق و لا حاجة
هو بس قفل الأطفال تلاقيه شغال علشان كدا الباب مش عايز يفتح من جواه
بس قوليلي ........... هو بيفتح من بره ؟؟؟

[mazagnge]

مبروك ميرامار علي العربية و ربنا يهديهالك و يعطيكي بنزينها و خيرها

عم فرفش .... بمنتتهي البساطـة ادخل علي مشاركات الاخ ابوصيام قبل شرائة العربية و ها تعرف و جهه نظرة كويس ... وعلي فكرة ماهو من كلامة و كلام الغير انت بتستفيد و تأخـد بالك من الحاجات دي و انت بتشتري و كمان بتستلم .... و أخيرا ً مفيش حد يروح يشتري عربية عشان يعرف يشنع عليها .... ارجوا انك ما تزعلش مننا بس دة حق ابو صيام في غيبتة ... زي ما هو حقك في غيبتك

عم فهـــد باشـــا .... 100 100 الصورة دى ، افكار يا ولدي .... ليك مستقبل مع وكالة ناسا .

توت توت توت .... يا أخي كلامك حكم بس سؤال لية الواحد مننا ما عندوش زرار RESET عشان لما يحب يبتدي من الاول تاني يضغط علية .

[meramor81]

مشكور كتير استاذ توت للافاده جعلها الله فى ميزان حساناتك فعلا الباب بيفتح من بره ومفيش مشكله والحمد لله وانا هنزل اشوف الزارار اللى مقفول ده فعلا اكيد زى ماحضرتك بتقول ده حمايه للاطفال ولكن هلى زرار resetهايخلى المفتاح يرجع يدور العربيه من غير صوت انذار وبعدين انا بشوف عربيات تانيه بمجرد اللمس بتعمل انذار فظيع بس عربيتنا لو لمستها او شلت الغطا من عليها مش بتتدى انذار لكن لو حطيت المفتاح غلط ده الانذاربتاعها هل ده طبيعى ولا الانذار حتاج ضبط او اشترى انذار جديد ااسف لاطاله وعارفه انى تقلت عليك باسألتى

[tutankhamoun]

مشكور كتير استاذ توت للافاده جعلها الله فى ميزان حساناتك فعلا الباب بيفتح من بره ومفيش مشكله والحمد لله وانا هنزل اشوف الزارار اللى مقفول ده فعلا اكيد زى ماحضرتك بتقول ده حمايه للاطفال ولكن هلى زرار resetهايخلى المفتاح يرجع يدور العربيه من غير صوت انذار وبعدين انا بشوف عربيات تانيه بمجرد اللمس بتعمل انذار فظيع بس عربيتنا لو لمستها او شلت الغطا من عليها مش بتتدى انذار لكن لو حطيت المفتاح غلط ده الانذاربتاعها هل ده طبيعى ولا الانذار حتاج ضبط او اشترى انذار جديد ااسف لاطاله وعارفه انى تقلت عليك باسألتى

أولا العفو يا أختاه
أدام الباب بيفتح من برة يبقى 100 % زرار حماية الأطفال شغال و علشان كدا العربية مش بتفتح من الداخل
بالنسبة لحساسية الإنذار
الإنذار الحساس زيادة عن اللزوم ........... ملوش لازمة و بيضايق و مش هو ده اللي بييجي استاندرد في العربيات
اللي حساس قوي ده اللي بتركب خارج التوكيل و بيكون مش أساسيات العربية
و لكن الحساسية دي ليها ظبط
و لكن كل السيارات اللي أنا ركبتها في حياتي و كان الإنذار راكب في العربية من مصنعها الأصلي
ما بيشتغلشي غير لما حد يفتح العربية فعلا و هي مقفولة أو يحاول يسرق حاجة من تحت الكبوت و لو العربية أتفتحت أصلا بالمفتاح من غير ما يتم تنشيط زر غلق الإنذار بتكون فضيحة
و ده شئ طبيعي في عربيتك و أي عربية الإنذار راكب فيها أصلي

و على فكرة عربيتك الجين 2 اللي فيها مش انذار بس و لكن كمان مينفعش تشتغل من غير المفتاح الأصلي اللي متبرمج على كمبيوتر السيارة

لا تقلقي ,,,,,,,,,,,,, ألف مبروك و ربنا يبارك فيها إن شاء الله
في رعاية الله و آمنه

توت توت توت .... يا أخي كلامك حكم بس سؤال لية الواحد مننا ما عندوش زرار RESET عشان لما يحب يبتدي من الاول تاني يضغط علية

مزجنجي باشا ....... واحشني و الله
أنا لو عندي حل أو زرار يخليك تفصل عن الدنيا
مكنتش كرهت العيشة في مصر و كان زماني بدوس عليه كل 5 دقائق
إلى اللقاء يا صديقي

[Mzeid]

1000 1000 مبروك ..
و ربنا يعطيكم خيرها و يمنع عنكم و عنها أي شر و يبارك لكم فيها و يحفظهالكم إن شاء الله .
و حافظوا عليها ..
و على فكرة أنا العربية دي أنا بقدرها جداَ و إنشاء ناوي أشتريها ..
:):)

[FERFESH]

على فكرة ياجماعه انا مش متحامل على استاذ احمد بس انا عن نفسى مكنتش اعرف العربيه الا من خلال المنتدى وكلام اعضائه هو الا اقنعنى بالعربيه والحمد لله فعلا عربيه ممتازهومظهرش فيها اى عيب لحد دلوقتى
بس انا خايف من كلام استاذ احمد يخلى الناس تغير رايها عن العربيه ويحرم ناس كتير من التمتع بعربيه كويسه بسعر مناسب وانا عن نفسى لو كنت سمعت الكلام دة قبل ماشترى العربيه كنت غيرت راى فيها وفعلا واحد فى المنتدى خايف يشتلرى العربيه
وانا كنت مصر على الصور لان ممكن استاذ احمد يكون مكبر الموضوع زياده عن الزوم
وكمان شى ضايقنى اكتر لما رايته دخل قسم الكورى العام وشكر فى الاوبترا مع اننى عارف انها عربيه مش قد كده وعلى فكره انا من اشد المعجبين بالمنتدى وشكراااااااا

[MohabSaeed]

بالنسبه لموضوع السخونه ... فلا تقلقى ده طبيعى جدا .... اى عربيه حديث بتاخد حوالى من 5 الى 10 دقايق وبتوصل لدرجه حراره التشغيل المثاليه للتشغيل .... مش زى العربيات القديمه الى ممكن تاخد نص ساعه مثلا .
عندى فى الواجا نفس الكلام ادور وامشى بالراحه 7 دقايع والاقى العداد تحت النص بشويه ....

بالنسبه للباب فعلا بنسبه 100 % السبب هو زر امان الاطفال ... حضرتك شوفى فى الكتالوج الوضع الصحيح ليه .

بالنسبه للانذار ......... الحين 2 فيها ايموبلايزر بيفصل ال ECU وميخليش الموتور يشتغل . والانذار يشتغل ... لو حد حاول يدورها من غير المفتاح الاصلى " او حتى لو كان اصلى بس مش متشفر "... و لو حصل ان الانذار اشتغل و حضرتك بتحاولى تدورى العربيه ..... " متدوريش العربيه نهائى علاشان ده ممكن يعمل لوك لل ECU " ودوسى على زرار الريست ... زى ما وضح الاستاذ توت.
لو المفتاح مش بيفتح العربيه بالريموت ... يبقى محتاج اعاده تشفير .. او كودنج ... وده بيتعمل فى التوكيل ومش غير فلوس .
او احتمال محتاج تغير البطاريه و فى الحالتين الموضوع بسيط ومش بياخد 10 دقايق .

[mohamed ibiza]

الف مبرووووووووووووووووك و ربنا يباركلك فيها

[meramor81]

بالنسبه لموضوع السخونه ... فلا تقلقى ده طبيعى جدا .... اى عربيه حديث بتاخد حوالى من 5 الى 10 دقايق وبتوصل لدرجه حراره التشغيل المثاليه للتشغيل .... مش زى العربيات القديمه الى ممكن تاخد نص ساعه مثلا .
عندى فى الواجا نفس الكلام ادور وامشى بالراحه 7 دقايع والاقى العداد تحت النص بشويه ....

بالنسبه للباب فعلا بنسبه 100 % السبب هو زر امان الاطفال ... حضرتك شوفى فى الكتالوج الوضع الصحيح ليه .

بالنسبه للانذار ......... الحين 2 فيها ايموبلايزر بيفصل ال ECU وميخليش الموتور يشتغل . والانذار يشتغل ... لو حد حاول يدورها من غير المفتاح الاصلى " او حتى لو كان اصلى بس مش متشفر "... و لو حصل ان الانذار اشتغل و حضرتك بتحاولى تدورى العربيه ..... " متدوريش العربيه نهائى علاشان ده ممكن يعمل لوك لل ECU " ودوسى على زرار الريست ... زى ما وضح الاستاذ توت.
لو المفتاح مش بيفتح العربيه بالريموت ... يبقى محتاج اعاده تشفير .. او كودنج ... وده بيتعمل فى التوكيل ومش غير فلوس .
او احتمال محتاج تغير البطاريه و فى الحالتين الموضوع بسيط ومش بياخد 10 دقايق .

مشكور كتير المفتاح فعلا مش بيفتح عن بعد زى ماكان لازم انت اللى تفتح العربيه بيه حتى افتكرنا انه باظ او عرق لان جوزى حطه ديما فى جيبه لكن حضرتتك طمنتنى
وعند صيانه الالف إن شاء الله بنحل المشكله
بالنسبه للباب ياجماعه طلع مش معلق ولاحاجه ده فعلا كان مقفول عشان حمايه للاطفال وكويس جداا الفكره دى لانى بسيب ابنى عمره سنتين ونصف ورا بدون خوف وربنا يحمينا يارب ويحمى الجميع من كل شر .
اشكر كل من رد ويارب يرزق الجميع :):)

[Islam_galal]

ربنا يباركلكوا فيها و يكفيكوا شرها

[noble911]

انذار الجين تو الاصلي مش من النوع بتاع الهز
مفيهوش اصلا خاصية انها تزمر لما تتهز
فقط اذا حاولت تفتحها من غير مفتاحها الاصلي
يبقي فضيحة بجلاجل

مبارك علي السيارة و يحفظكم الله انتم و السيارة بخير
عقبالنا ان شاء الله

[meramor81]

ربنا يبارك لكم جميعا ويرزقكم بالجين تو يارب

[M.Nasr]

الف الف مبروك على الاسد الماليزى وربنا يبارك لكم فيها ويديلكم خيرها ويكفيكم شرها
انا متابع موضوع المفتاح اللى بيعلق مع حضرتك وكنت عايز اعرف ايه اخر التطورات اللى حصلت ؟ هل لسه بيشغل الانذار لما تفتحى العربية بالمفتاح دا ولا كان مره علق فيها وخلاص؟ ومبروك مرة تانية

[nh_arch2006]

ربنا يباركلك فيهاويكفيك شرها ان شاء الله انا بقى لسه عايزة اشتريها مش عارفة انت ايه رايك لسه عند رايك فيها ويارب بتكون لسه عند حسن ظنك ردي عليا لاني فعلا محتارررررررررررررررررررررررررة