يا جماعه عايز معلومات عن Gen2 2012

[hulk86]

السلام عليكم ورحمه الله وبركاته


يا جماعه عايز معلومات عن Gen2 2012 يعني مثلا الشكل اتغير او اي حاجه زودوها في الماتور ايحاجه وهل هيا فعلا موجوده في عز العرب ؟؟ شكرا ..

[Abdelrahman.H]

الحاجة الوحيدة اللي إتغيرت هي الفوانيس الخلفية بقت ليدات زي البيرسونا إليجانس










الصورتين تم إلتقاطهم في ميناء الدخيلة بالأسكندرية يوم 30 نوفمبر بواسطة Mazen Ibrahim زميلنا في جروب الفيس بوك



===============




الصورة دي من مخازن أبو رواش بتاريخ 10 ديسمبر 2011 بواسطة Ahmed Hussam زميلنا في جروب الفيس بوك

[hulk86]

1000 1000 شكر يا عبد الرحمن على سرعه الرد .. معلش عندي استفسار كمان انا كلمت التوكيل دلوقتي حالا بسألهم عن اللون الميتاليك بيقولي منزلش في الدفعه دي نزل الاحمر والفضي والاسود بس وممكن الميتاليك مينزلش وبيني وبينكو
(( مكنش عارف ايه هوا اللون الميتاليك )) عايز افهم دا كلام فاضي عشان عايز يطلع اللى عندو في الفرع ولا دا في كل الافرع دا كان الفرع بتاع الصحراوي والفروع التانيه محدش بيعبرني في التلفون مش فاهم ليه !!! بس انا عايز افهم هوا فعلا الميتاليك مش هينزل ولا لأ ؟؟ وأسف جدا على الاطاله . ولو الالوان دي اللى موجوده برئيك اختار انهي لون فيهم ..

[Abdelrahman.H]

قصدك إيه بكلمة ميتاليك .... فضي ميتاليك ولا رصاصي ميتاليك و لا ذهبي ميتالي و لا أزرق زهري ميتاليك ولا نبيتي ميتاليك ...

الميتاليك ده مش لون بحد ذاته ... الميتاليك ده Effect بيتضاف على اللون الصريح ....

[hulk86]

معلش مكتبتلكش انا اسف الفضي الميتاليــــــــــــــك .. او الرمادي ..

[tamerosman]

حسب معلوماتى و الكلام الى اتقالى من التوكيل فى الصحراوى و فى اسكندرية ، اللون الرصاصى الميتالك ( فيرانى فاتح) بطل ينزل من اول 2011 ( موديلات 2011 نزلت بس 4 الوان : احمر - اسود ميتالك - ابيض - فضى ) و 2012 نفس4 الوان بس زاد عليهم البرونزى

نصيحة ابعد عن الاسود ( انا عربيتى اسود ميتالك و عيبه : بيتوسخ بسرعة - الخرابيش بتظهر فيه بسرعة و بيبقى فرن فى الصيف)

الابيض عملى جدا فى الصيف علشان مش بيمتص الحرارة و مش منتشر و البرونزى ( لوعرفت تلاقيه)جامد جدا و مميز

[hulk86]

شكرا ليك يا تامر على الرد ..يعني فعلا اللون الرصاصى الميتالك مش هينزل حتى في الدفعه اللى جايه !! حاجه غريبه جدا ..هو برضوا نفس الفرع اللى انا سألت فيه بتاع الصحراوي مش عارف مش مصدق الراجل دا ليه ممكن يكون فيه في فرع تاني ؟؟ لأني سئلتوا على فرع العجوزه قالي معرفش ايه الالوان اللى موجوده عندهم ..

[egytamer]

كنت شفت شكل جديد علي النت والصراحة كان تحفة مفيش اخبار عن الشكل دا والشكل الحالي قدامة اد اية؟؟؟

[hulk86]

بصراحه انا مشوفتش غير الشكل دا .. لو في شكل جديد يريت ترفعلنا الصوره بتاعتوا .

[amrelsha3er]

انا كلمت التوكيل برضو فرع العجوزه ده قالى مبينزلش الا 3الوان حايا احمر واوسود وفضى وانا بصراحه عاوز الرصاصى!؟!؟!::s:s:s:sمحدش يعرف فعلا مشبينزل الرصاصى دى ومدورش فى اى معرض تانى يمكن يكون الرجل ده عاوز يبيع اللى عنده وخلاصص وبيشتغلنى؟!!!ايه رايكو ياجماعه؟!!!عاوز الرصاصى اجمد لون فيهم وبيليق فيه كل حاجه:s:s:s:s

[mavric_1]

انا سألت في توكيل ابو الفتوح هنا في اسكندرية قالولي ان اللي بينزل (احمر-اسود-فضي)و الابيض يا بينزل يا لأ