استطلاع رأى عن انشاء تقرير كامل مفصل عن Gen 2 و سبل التمويل ؟؟

[eita]

السلام عليكم

اولا احب اعرف نفسى انا احمد من المنصورة.

و اول مشاركاتى كانت فى موضوع ابو صيام( ربنا يوفقه ) و اللى حصل معاه، و تقريبا قرأت كل المواضيع و المشاركات على Gen 2 و بالذات كنت مهتم اوى بأراء احمد صيام و توت عنخ امون .و دا لانى معجب جدا العربية دى و كلام بينى و بينكمعاوزو اشتريها.

الموضوع

اولا: عندى بعض الملاحظات

1. معظم الناس اللى بتشارك فى المنتدى مش من ملاك ال Gen 2 ، و بصراحه عندهم حق اصل العربية جميله اوى.
2. الملاك، حديثى التملك للGen 2 يعنى مش اكتر من سنة.

اللب

لازم يكون فى حد من ملاك Gen 2 عدى علييه اكتر من سنه من تاريخ التملك سواء اول مالك اول لا, عشان يقول رأيه.

العمل

ان حد يكون من الموثوق فيهم، و لهم سمعة فى المنتدى، يقوم بعمل تقرير.

لمين؟؟

ملاك Gen 2 عدى علييه اكتر من سنه من تاريخ التملك سواء اول مالك اول لا.

ازاى

من التوكيل
طلب تقرير باسماء كل مالكى Gen 2 اكتر من سنة، و ارقام التليفونات.
و نعمل حاجة على السريع بردو تقرير مفصل عن اسعار قطع الغيار و مدى توافرها .

نسأل عن ايه

حاجات كتير و دى ممكن نتفق عليها كلنا هنا فى المنتدى ؛ و انا اقول رأيى
1. استطلاع رايهم فى ال Gen 2 بعد مرورو سنه عليهم، ودا من عده نواحى و نسيب الموضوع نحدد نسأل فى ايه من ارائكم( دا اللى عنده خبره بس فى العربيات، مش هبل فى العبط)، حاجات فنية.
2. اسعار قطع الغيار و مدى توافرها و ايه الاماكن الموثوق منها.
3: اعادة البيع و يا سلام لو فى امثله بالارقام.

دردشة

ممكن نقول دا كتير اوى و مين اللى يعمل الكلام دا، و مين فاضى، و منيين الفلوس انا قادر اكفى نفسى لما اصرف على حاجة مش بتاعتى.
كلام مضبوط ميه المية

اقتراحات

1. ممكن حد يتشجع و يعمل الموضوع دا، و يكون مبسوط اوى ، فى ناس طبيعتهم كده بتحب تجيب من لاخر و اهو يفيد الناس بردو.

الحل التانى

2. ممكن اللى راح يكلم التوكيل اكيد التوكيل راح يسألة من انت، ليه، وازاى؛ هو بقى بكل لطافة و جنتلة و قوة اقناع يحكيلة دا و دا و دا و دا. و يقول بقى اللى عندة بس يكون واحد فاهم، و بعدين يشجع التوكيل ان هو يتبنى الموضوع دا و يا سلام لو يموله كمان( تمويل هنا كلمة كبيره مش كده، نعديها ) و بس يكون فى حد مشرف عليهم، عشان انتو عارفين القرد فى عين امه غزال.

بس خلاص انا تقريبا قولت كل اللى انا عاوز اقولة بس حبيت اوضح حاجة انا نفسى اشارك فى الموضوع دا، بس انا من سكان المنصورة يعنى بعيدة ان انا اروح و اجى ، و ادعولى ربنا يوفقنى بعمل الزمالة اللى طالع عينى فيها.

من الآخر عاوزين نعمل حاجة نعتمد عليها.

ايه رايكوا، وانا سايب استفتاء فوق قولو اراكم و نتناقش فى الموضوع دا.

شكرا

[noble911]

لا اظن التوكيل يوافق للاسف
لانه غير مستفيد بشكل مباشر و مش حتفرق معاه كتير
و مش من اللطيف انو يطلع بيانات عملائه
انما ممكن حد يهجم علي الصيانة و ياخد راي عينة عشوائية من اللي بيعملوا صيانة في التوكيل
انا والدي هجم علي عينة عشوائية حوالينا في المنطقة و كلهم بقالهم فترة تزيد عن السنة بيستخدموا السيارة
و كلهم مرتاحين جدا معاها
التعليق الوحيد السلبي كان من البعض ان في مشاكل في التقفيل مثلا الكاوتش بتاع الباب ساعات بيطلع
او الازاز الكهربا يعلق
حاجات بسيطة و بتتعمل في التوكيل
انما لم يعلق احد سلبا علي التعليق و الموتور و الشاسية و الصاج
بل شكروا في قوة الصاج العالية و الاداء المظبوط و فيهم شخص بيحلف انو بيقفل العداد بيها علي طريق القاهرة شرم الشيخ

[ahmedsiyam]

هما كلمتين
افحص العربية كويس قبل ماتشتريها و انا عندى استعداد انزل معاك ساعة الاستلام
العربية ممتازة بس لو طالعة متقفلة كويس
ورايى ده موش معناه ان كل الجين 2 كده بس الناس مقدرة موقفى لان مضايق جدا الصراحة
بس عموما العربية هاتسحرك تماما و بنفس السعر موش هتلاقى كل الكماليات دى و المتانة دى برضه و لو عايز تجربها انا تحت امرك بس اطلع المفتاح منها بس
وربنا يوفقك ان شاء الله

[eita]

شكرا على مرورك الاخ noble 911

لا اظن التوكيل يوافق للاسف
لانه غير مستفيد بشكل مباشر و مش حتفرق معاه كتير
و مش من اللطيف انو يطلع بيانات عملائه

اظن كلامك دا فيه شيىء من الصحة، بس اكون صريح معاك اكتر لو ان التوكيل واثق من العربية بتاعته عمره ما راح يرفض، دا لو واثق لان كده بيعمل دعاية للعربية بتاعته ولا انا غلطان ، و ياريت ترد عليا فى الموضوع دا، يعنى انا لو الوكيل و متأكد واثق من العربية اللى عندى راح اوفر المعلومات، راح افصح على المعلومات اللى عندى ، و عشان حته الخصوصيه ، انا ذكرت فوق ان ممكن التوكيل هو اللى يقوم بالاستطلاع بس يكون فى حد مشرف من بره التوكيل عشان المصداقية و اظن اللى راح يتكلم فى الموضوع دا و يقنع التوكيل انه لازم يعرف العربية للسوق المصرى عشان فى خوف منها، اظن ان هو مش راح يرفض؛ ولا ايه رايك.
و حتة نهجم على التوكيل دى فكرة بردو بس انا شايفها مش مناسبة.

[eita]

حبيبى ابو صيام، فيك الف بركه و كلمنى انت عملت ايه فى موضوعك.

بس بردو انا شايف ان التوكيل لازم يكون عندوا خطوات اكبر كده عشان يعرف العربية للسوق المصرى، بجد العربية مبهمة اوى.

و انت شايف بنفسك ملاك الجين تو مش اكتر من سنه ، ممكن نقول من قله الملاك، بس تعالى كده و حش على النت اسواق السيارات المستعملة للبيع راح تلاقى نسبة بيع الجين تو كبيرة اوى كأن فى اعداد كبيره لملاك هذه السيارة!!!!!

و كله موديل 2007 2006 يا ريت ترد عليا فى الموضوع دا
محيرنى اوى.يعنى ايه كله عاوز يبع الجين تو؟؟؟؟؟؟؟

اقولك على حاجه قلقتنى اوى واحد باعت عاوز البدل مع اى عربية فى سبيل ان هو بيع الجين تو و قال كمان راح يدفع الفرق!!!!!!!!

[hani945]

ياريت
متوسط الاستهلاك للوقود واسعار قطع الغيار

[ahmedsiyam]

الاخ الفاضل eita

موضوع ان فى ناس كتير عايزة تبيعها دى انا ماخدتش بالى منه اوى فاموش هاقدر اديك رايى فيه انا بصراحة كنت عايز اجيبها زيرو ماركزتش بقى مع المستعمل بتاعها بس هى عربية جميلة و بعدين انا كنت باسال الناس فى الشارع بجوار اراء الاخوة الافاضل هنا فى المنتدى بس اغلب الشباب اللى سالتهم بيقولوا انهم مرمطوا العربية و مستحملة برضه
وخد بالك احيانا بيبقى فى واحد عايز يبيع العربية بتاعته باى شكل خلاص قفل منها او مضايق منها مثلا حاسس ان دخلتها عليه موش قد كده انما موش شرط ان العربية تكون وحشة
انا كنت متوقع من كلام الناس هنا ان موديل 2007 تم تفادى المشاكل فيه يبقى 2008 اكيد موديل طلقة و جامد انما للاسف العربية بتاعتى طلعت كده
هى موش عربية وحشة و الا ماكنتش بدأت فى الانتشار كده و ان كان بيظهر فيها عيوب تقفيل و ده واضح فنقدر نقول ان العربية 70% من انتاجها كويس و الباقى اونطة
بص يا اخى الفاضل انا لو رجع بيا الزمن هاشترى عربية تانية و اكيد هاتبقى تويوتا لانى قرفت الصراحة من المشوار بتاع الصحراوى ده خاصة لما بتكون بتتعامل مع فنين على قدهم العربية تخش سليمة تطلع بايظة مدير الصيانة عمل اللى عليه بس امكانيات الفنيين عده ماساعدتهوش
و الراى ده رايى الشخصى و اختارت تويوتا علشان التوكيل على بعد 3 دقايق من البيت موش اكتر لو حتى فيه مشكلة الواحد يسيبها و يروح على البيت و خلاص على كده

[noble911]

كلامك ده كلام العاقلين الطبيعين
انما ده الوكيل في مصر
يعني ودن من طين و ودن من عجين
سيلسة واحدة بس حتي لو كانت غلط او ليست الافضل للمنتج اللي بيبيعه

انما لو رضي مصلحة للجميع و طلع ارقام تليفونات العملا حيكون شئ لطيف
لكني مازلت مستبعد ان ده يحصل

اذا كان الوكيل عارف بالمنتدي العظيم ده و مفيش ممثل للوكيل و لا حد فني يرد علي الناس
حتتوقع منه ايه بعد كده

[Mzeid]

و الله موضوع جميل و يكون مرجع للي عايز يشتري العربية دي ..
بس هو هيكون صعب شوية خاصة من ناحية التوكيل بس لو قدرنا نقنعه إن دة في مصلحة العربية ممكن يكون فيه كلام ثاني ..
:):)

[mohamed el hussien]

يا جماعة دة كلام جميل بس
مش حيحصل ولا التوكيل حديلك اي حاجة
واستحالة انة يطلع اي من بيانات عملائة كدة
دانا ممكن اشتكيهم لو عملوا كدة
دي تبقي فضيحة
تاخد رقمي من التوكيل

عموما الكلام المهم

انا عامل ملخص كامل عن عيوب ومميزات العربية بالكامل
وانا العربية معايا من 6 /
2006
وبرضة كنت لفيت علي قطع الغيار زمان
وعملت عليها موضوع بكل اماكن قطع غيار بروتون
من ايام كونتاكت الموقع القديم
والناس هنا كتر خيرها نقلتة من هناك
وناس تانية كتبوا عن قطع الغيار واسعارها كلها
وناس اتكلمت في اسعار المستعمل

اللي انا عايز اوصلهولك
دور في المنتدي دة شوية
حتلاقي كل اللي انت عايزة واكتر
من غير التعب دة كلة ووجع الدماغ

[SAbuhashem]

أنا عندي إحساس إن كمان شويه هيشيلوا تمثال رمسيس من صلاح سالم ويحطوا مكانه Gen 2
صفراء مع بودي كيت وفيس لفت وموتور CPS !!!

وأبص ألاقي العشاق بيتصوروا تحتها والافراح البلدي تيجي تكمل السهرة مع مصور الفيديو بجوار ال-Gen 2 العزيزة ويا سلام بقى لو يتعمل تحتها نافورة علشان ليالي الصيف تحلى


Thanks
Eng.Sherif Shaker

[khpopo]

السلام عليكم
شكر للمنتدى وربنا يوفق
انا سمعت كتير عن المنتدى ولكن لسة مشترك ؟!
انا من ملاك جين 2 منذ اكثر من سنتين وجاهز لاى اى شى يوضح للناس العربية دة لان من عيوب التوكيل لم يعطيها حقها فى المعلومات زى اى ماركة رغم شهرتها دوما فى اعلانات وتوضيحات وخدمات جديدة مش عارف لية بس ...؟؟؟!!
هو سياستة تقريبا كدة مع كل توكيلاتة .
اتمن الافادة لان العربية فعلا عربية جميلة بكل المقاييس حتى لو فى عيوب

[wildwest100]

السلام عليكم
شكر للمنتدى وربنا يوفق
انا سمعت كتير عن المنتدى ولكن لسة مشترك ؟!
انا من ملاك جين 2 منذ اكثر من سنتين وجاهز لاى اى شى يوضح للناس العربية دة لان من عيوب التوكيل لم يعطيها حقها فى المعلومات زى اى ماركة رغم شهرتها دوما فى اعلانات وتوضيحات وخدمات جديدة مش عارف لية بس ...؟؟؟!!
هو سياستة تقريبا كدة مع كل توكيلاتة .
اتمن الافادة لان العربية فعلا عربية جميلة بكل المقاييس حتى لو فى عيوب

اهلا بحضرتك
حضرتك ممكن تشرحلنا تجربتك مع العربية من حيث الصيانة والتمانة والثبات والامكانيات واذا كانت هناك مشاكل قابلتك ولا لا
وهل اضريت قبل كدا ناك تسال على قطع الغيار برا التوكيل ولا لا
وهل لما سالت هل ياترا لقيتها ولا استنيت فى التوكيل لحد ماجابوهالك
وايه تقييمك للعربية ككل من حيث سعرها وامكانيتها
والف شكر ياباشا

[khpopo]

اهلا بحضرتك
حضرتك ممكن تشرحلنا تجربتك مع العربية من حيث الصيانة والتمانة والثبات والامكانيات واذا كانت هناك مشاكل قابلتك ولا لا
وهل اضريت قبل كدا ناك تسال على قطع الغيار برا التوكيل ولا لا
وهل لما سالت هل ياترا لقيتها ولا استنيت فى التوكيل لحد ماجابوهالك
وايه تقييمك للعربية ككل من حيث سعرها وامكانيتها
والف شكر ياباشا

اهلا بيك وبالمنتدى
تجربتى انا قولت جزء منها قبل كدة
اشتريت العربية قبل ماينزل اعلانها يعنى فعلا بالرخصة اول واحد ويمكن فىناس اشتريتها بعد ماسئلتنى فى الشارع كتير
انا بعد ما قرات عنها وان بشترى عربية سحرتنى على النت سالت عليها قالو لسة يجربوها فى مصر قبل مانزل علشان مشاكلها طمنى الكلام لانة من عزالعرب طبعا توكيل تقيل والسيتروين والبروتون انتعشو بمصر بعد ربنا ثم التوكيل معاة المهم كلمونى وقالو لى العربية اسعرت وممكن احجز وهاتنزل كمان شهر قلت ماشى بس اجربها وفعلا اخذت عربية اتوماتيك ساعة اجرب فيها لقيت قل الكلام الى الى قراتة مضبوط
قياددة مبهرة
قوة ماتور جبارة بعد تعديل لوتس
ثبات عالى جدا
شكل خلاب
وغيرة..
لكن مقالوش عن الصالون خامات عالية
وكانت العربية عاملة كيلو 75000 طمنى اكتر لان لقيت عربية مستحملة الى سمعت اتعمل فيها هنا للتجارب من كل واحد شوية بدا من هشام عز العرب
لم اتردد بعد قيادتها لان سعرها الى هاتنزل بية خيالى بالنسبة للكماليات الى جربتها كلها لغاية abs ebd وكان التقفيل كويس جداا وكل حاجة شغالة تمام
انتظرت وصولها وبدل الشهر استلمت اول عربية تتطلع بعد شهرين لدرجة متابع لما عرفت انها دخلت المخزن
وبعدين فوجئت بالعيوب الى فى التقفيل لدرجة كنت مستلمها المثبت السرعة مش شغال
وكانو هايدونى عربية تانية لولا الماليزين جم وشغلوة لكن كل العيوب تداركوها وكانت بسيطة لكن الى عاوز اقولة
1-عز العرب ادهانى من غير مايعملها pdi ودة غلط وفضل يسلم العربيات كدة مع ان اى توكيل العربية بتتراجع قيل ماتتسلم
2- لم يعطيها حقها فى مركز خدمة كبيرمن اول يوم وهى باعت وعملت مشاكل
3- الدعاية لها غير برة وهنا حتى كل الاسماى الكبيرة بتعمل دعاية بالهبل
4- مركز خدمة متنقل مهم جدااا زى اى توكيل
5- متابعة عملاء
6- مراكز منتشرة
دة سلبياتة :arghh:
لكن هو مش بيتاخر فى قطع الغيار ودابما هناك حل معاة
اسم كبير لايمكن يخاطر
بس هما الاول رغم العربتين الى كانو عندهم للتجربة كانوالاول لسة ضعاف فيها دلوقتى خلاص اى حاجة بيعملوها
اعرف انها لها محلات قطع غيار والحرفين كمان.. لكن لم احتاج لهم وهى معى من 5/5/ 2006 وبحب الجرى وكان دايما الميكنيكى بتاعى يقولى رجليك تفلك اجدع عربية
اخيرا واسف للاطالة :boxing_smiley:
العربية من كتر مادرستها لورجعت الايام رغم مانزل من عربيات جديدة لن اتردد
دة فكر رياضى بحت وعائلى وكتير من الناس بتحب كدة رغم شوارعنا وعربيات كتير دلوقتى بتحاول تعمل كدة بصراحة الله ينور عليهم :)

سبحان الذى سخر لنا هذا وماكنا لة مقرنين وانا الى ربنا لمنقلبون

[wildwest100]

الف شكر لحضرتك