بروتوني جديد ومتدايق من التوكيل !! حد يفدني في المشاكل ده

[kojyad]

اول زيارة ليا مع التوكيل ( عز العرب ) , طريق اسكنرية الصحراوي
كانت في صيانة 1000 من 3 اشهر وكنت حاجز , قالولي تعالى الساعة 9
كنت هناك 9 الى ربع
لقيت قدامي طاااابور طويل من العربيات , قلتلهم انا حاجز الساعة 9
قالولي الحجز باسبقية الحضور ولازم تقف في الطابور
طبعا استغربت ( لأن والدي معاه رينو , وانا بحكم من واقع تجاربي مع توكيل رينو ,
الحجز بالكود , ودخول السيارة في ميعادها تماما , والتجربة ده حتى صيانه ال30000 في الرينو عمري ما اتأخرت او وقفت في الطابور كده )

المهم طلبت ظبط زوايا واتزان للسيارة لأن كان واضح جدا ان العربية محتاجه ظبط زوايا
الرجل قالي الجهاز بايظ ومش شغال , قلتله ازاي يعني , قالي نعملهالك في صيانة ال5000
قلتله هتبقى بفلوس طبعا في ال5000 قالي قاااه
ازاي يعني !!!!! طلبت منه يسجلهالي في التقرير عشان اعملها في ال5000 مجانا , الراجل بصراحة وافق وفعلا سجلهالي

المهم انا اول امبارح اتصلت احجز صيانة ال5000 ردت عليا واحدة قالتلي اوكيه تعالى
يون الثلاثاء ( يعني انهارده ) الساعة 9.5 قلتلها عايز رقم الحجز
قالتلي الكهربة قاطعة , او الكمبيوتر مش شغال ( مش فاكر بالضبط )
المهم قالتلي تعالى بالاسم على طول
المهم انا كنت مشغول , والدي هو الي راح يعمل الصيانة
الراجل مرديش يدخله قاله انت مش انهارده
والدي اتنرفز جدا عليه وزعق , الراجل قاله طب ادخل للمدير
والدي دخل للمدير وقاله ازاي انا حاجز انهاردة ويقولي ان اسمك مش موجود تعالى يوم تاني

المدير قاله ادخل للبنت الي بتسجل الحجز , والدي فعلا دخل وقالتله ايوه افتكرت معلش هندخلك كمان ساعة وهتستلم السيارة الساعة 2 الضهر !!!!!!1

طبعا ده تهريج جدا عدم النظام ده مع توكيل كبير زي عز العرب

وكنت عاوز المشورة اعمل بعد كده صياناتي فين ؟؟؟؟
ولا اعملها برة وافكني من التوكيل ؟ ولا في فرع تاني محترم عن الفرع ده

مع العلم اني كان ليا مشاكل برده في استلام السيارة من التوكيل اول اما اشترتها وكنت عامل موضوع برده عنها .

اسف على الاطالة وبرجاء الافادة

[Abdelrahman.H]

حضرتك ممكن تكتب مشاركتك دي في الموضوع ده ... و إن شاء الله المهندس آمر يحلها لك

http://www.nilemotors.net/Nile/45257-a.html

[ghareeb]

روح عصام و صفا مركز معتمد و الناس كلها بتشكر فية

[engman]

مركز عصام وصفا أفضل كتير وعلى الاقل مش هتخرج برة الضمان لانة مركز معتمد من عز العرب

[kondor]

روح عصام و صفا مركز معتمد و الناس كلها بتشكر فية

[mido_295]

عصام وصفا راجل محترم وناس فاهمين وشغلك هيخلص فى ساعه وهتشرب شاى وأحسن معامله من التوكيل طبعا مشكلته الوحيده ان لو فى حاجه محتاجه تتغير هتضطر تستناها لحد مايتم طلبها من التوكيل وده ممكن ياخد وقت كبير ممكن يوصل لشهر مثلا

[leeeedo]

مفيش فرع في اسكندرية لعصام صفا

[fineart607]

عن تجربة فى لانوس زيرو وفيرنا زيرو m11 زيرو واخيرا سيراتو اخرك فى التوكيل 10000 او 15000
وكله اصلا هبل والله

[sabregas2010]

كنت بسال لواحد صاحبى عن الجين 2 من اكتر من واحد معاه العربية وكلهم بيقولوا ان توكيل عز العرب اللى فى العجوزة ورا مسرح البالون احسن بكتير من الصحراوى
رايى روح وجرب قبل ما تتعامل مع اى حد تانى غير التوكيل

[mavric_1]

مفيش فرع في اسكندرية لعصام صفا

+1

[moh_vet]

مفيش فرع في اسكندرية لعصام صفا

ياريت المساعدة

[abdohod]

عصام وصفا كويس