ايه العيب بالظبط

[midoelbadawi]

انا فعلا محتاج المساعده
انا معايا جين 2 2011 منيوال العربيه كل الصيانات فى التوكيل


العيوب ال مستنى ليها الحل:

عندى صوت رخم فى الدركسيون ده حصل بعد معملت التعديل بيزيد وانا بلف الدركسيون لفه بسيطه مابكونش جبته لحد الاخر ده وانا ببداء الفه ليه مش عارف ؟؟؟؟؟؟؟
والعربيه وهيا ماشية نفس الموضوع بيزيد برده
وكمان بحس انه مرتبط بال الدبرياش لانى لما بااجى انقل بسمع الصوت
ورحت لعصام صفا اكتر من مره
والمهندس يقولى عادى علشان التعديل بيزود ظخ زيت البور بس والله الصوت رخم اوى اوى ويضايق ياجماعه العربيه لسه جديده مش قديمه اعمل ايه لوحد كان عنده نفس المشكله ياريت يقولى ايه الحل


اما المشكلة الثانيه والثالثة مقلتهاش لعصام صفا بسب انى بعمل صيانة العربية ف عز العرب

وكنت بروح لعصام صفا فى بعض المشاكل مثل زرع الــــــhandbrake واصوات ف الزجاج عند الفتح والغلق و فعلا بلاقى معمله واهتمام بالعربية احسن من عز العرب



تانى مشكله:

الفتيس رخم اوى وانا بنقل اول وثانى

بمعنى انا لو ماشى مثلا على الثانى واهدى واجيب الاول بيكون صعب جدا مش بيجى لما امور واجيب اول يجى ساعات و ساعات يجى برخامه وانا عملت كده لانى كنت قراة موضوع على المنتدى هنا

اما وانا بجيب الثانى سواء وانا بنقل من الاول الى الثانى او من الغير الثالث الى الثانى بجد رخم جدا جدا جدا
للعلم انا من اول ماجبت العربيه وانا خدت بالى وبلغت التوكيل وانا بعمل الصيانه اكتر من مرة فى فرع اسكندريه بس لا حل

وانشاء الله هبلغ عصام صفا فى صيانة ال15000
ويقدر يحلها

ثالثا

استهلاك البنزين مش عارف طبيعى ولا ؟؟؟؟؟؟؟؟؟؟؟؟؟؟؟؟؟؟؟

انا بمشى 200 كيلو باكتر من 20 لتر ليه مش فاهم للعلم سفر واقصى سرعه حوالى 100 110

وكذا مرة احسب انا مشيت قد ايه

لاقى انا مشيت حوالى 250 للعلم بكون سفر وداخل البل بحوالى 26 او 27 لترد
هل ده طبيعى ولا؟؟؟؟؟؟؟


ياريت لو حد ممكن يساعدنى او كان عنده اى عيب من هذه العيوب يعرفنى حلها ازاى




ويارب عصام صفا يقدر يحلها بجد والله المركز ده احسن مليون مرة من التوكيل معملة محترمه جدا جدا جدا

يـــــــارب يكون فـــــيــه حــــــــل

[ghareeb]

كل المشاكل ده مش طبيعية لازم تكلم المهندس امر على كل المشاكل ده

http://www.nilemotors.net/Nile/45257-a.html

[kondor]

بالنسبة للفتيس اعتقد و الله اعلم ان ده حاجة تبع ال safety علشان متحرقش و تدخل فى الرد زون بمعني لو انت ماشى على التالت و سرعتك قلت و المفروض تجيب تاني و جيت تجيب اول هتلاقى الفتيس زى ميكون معلق و مش راضي يجيب الاول الا لو دست جامد لكن لو نقلت تاني هيجي بسرعة انا لاحظت الحكاية ده عندى فى waja جرب كده و انقل فى النسب الى مكتوبة فى كتالوج العربية الاول 0-30 التانى 30-50 كده يعنى و شوف.
بالتوفيق ان شاء الله

[mazen234]

بالنسبه للفتيس عشان تنقل من التاني للاول لازم تهدي اوي.. والاول فعلا صعب شويه بس بيجي بسهوله هو اصعب من عربيات تاني كتير بس ممكن يكون عشان النقلات بين التروس نفسها قصيره
انا عندي مشكله في استهلاك البنزين زيك تماما وعربيتي موديل 2010 وبرضه لسه هعمل صيانه ال 15000 الف بس انا الصفيحه بتمشيني داخل البلد 140 وخارجها 220 وقولت كتير علي المشكله دي وبرضه مفيش فايده فاشيلها من دماغك عشان متكرهش العربيه وهتلاقي التوكيل بيقولك متحرقش علي الغيار .. المشكله تحرق او متحرقش هتلاقي النتيجه واحده
بس سوال هو ايه التعديل اللي حضرتك بتقول عليه ده...؟

[m_marmoush]

بالنسبة لصوت التعديل اللى ظهر بعد التعديل، ده حصل معايا ورحت عز العرب قولتلهم عليه و طلع صمام زيت الباور محتاج يتظبط و بعديها الصوت اختفى

[tutankhamoun]

أنا هارد على نقطتين
الأولى الخاصة بالفتيس
الغيار الأول في الجين 2 علشان تنقل عليه لازم تكون واقف تماما
أطلع على التاني عادي لو هديت شوية براحة و شوف هاتسقف معاك و لا لاءة (عمرها ما سقفت معايا )
نقل الغيارات من غيار أعلى لغيار أقل لازم يكون بحرص و تكون سرعة الموتور مناسبة للغيار.

بالنسبة لأستهلاك البنزين
أولا شوف ضغط الكاوتش عندك كام (ميقلش عن 30 ) بيأثر كتير على الأستهلاك لو أقل من كدا .
ثانيا أشترى منظف رشاشات كل 500 كم (و خلي بالك منظف رشاشات مش منظف دورة البنزين )
ثالثا أنت بتحرق على الغيار و لا لاءة ؟
معدل سرعة الموتور معاك كام لفة ؟

بص مع السواقة الهادية و الثبات على سرعة موتور 2500
العربية بتعمل أرقام حلوة قوي و بتوصل ل 15 كم لكل لتر بنزين يعني 10 لتر تعمل معاك 150 و لكن هانقول معدلها تقريبا 120 كم لكل 10 لتر .
يبقى العشرين لتر يعملوا معاك 240 كم على الطوالي . (لو سواقتك هادية زيي - و لا بسابق مع حد و لا بطلع طلعات سريعة - و لا بحرق على الغيار )

أما بقى لبقية النقط معنديش معلومات افيدك بها

[mazen234]

ياجماعه ايه التعديل ده انا مسمعتش عنه؟؟؟ ياريت حد يفيدني

[midoelbadawi]

ده تعديل فى علبه الدركسيون