عاوز أظبط أنوار العربيه

[a_samy]

يعنى لما أبقى شارى زينون فيليبس أصلى ومركبه فى العربيه وعملت الرجلاش عند عصام وصفا والنور مداه مش بعيد والعالى ضارب فى السما يبقى ايه الحل؟
أنا عاوز كهربائى كويس وشاطر يظبطلى الأنوار دى عشان بجد مبتسعفش على الطريق وانا مسافر.

[Abdelrahman.H]

عن تجربتي مع الزينون الفيليبس الأصلي بتاع هاشم باص في عربيتي الجين-2 .... الإضائة فعلا مش كويسة ... حتى مع ضبط الرجلاش بتاع النور ...

[a_samy]

طب وايه الحل بقى فى الموضوع ده؟
أشيل الزينون وأركب لمبات عاديه ولا ايه؟

[Abdelrahman.H]

انا عن نفسي راضي بالأمر الواقع و متعايش مع الموقف .....

جرب تركب لمض فيليبس رالي بس لازم تعمل ضفيرة كتاوت نور عند أي كهربائي زي دي

[a_samy]

منا مش عاوز ألعب فى الكهربا عشان الضمان وعشان التوكيل بيتلكك على اى حاجه
لو تعرف كهرباءى كويس قولى عليه وأحاول ارجلش تانى وأشوف.

[mido_soliman]

لو فوانيس الفبريكة بتاعتك يبقى الهالوجين احسن من الزينون لان الزينون اساسا غير متوافق مع فانوس الهالوجين
باختصار الزينون اللى انت جايبة مش حتحس بية الا مع فانوس فية عدسة غير كدة الهالوجين افضل
ثانيا لمبة ال h4 العالى بتاعها سىء للغاية فى الزينون وعن تجربة
كانت عندى نفس مشكلتك ومتحلتش الا لما غيرت الفوانيس بفوانيس على عدسات وخليت الزينون فى الواطى بس والعالى اوسرام نيت بريكر
ملحوظة : لما غيرت الفوانيس اللمض عندى مبقتش العالى والواطى على لمبة واحدة H4
الفوانيس الجديدة اللى جبتها كان الواطى H7 والعالى H1 ودى احسن كدة كدة حتى لو ركبت زينون فى الاتنين

[a_samy]

معنى كده انى لو حبيت أعمل عدسات للزينون هتبقى النتيجه سيئه برضو مش كده؟
طب لو حبيت أشيل الزينون خالص وأركب هالوجين تنصحنى أجيبه نوعه أوسرام نايت بريكر ولا فيليبس رالى؟

[FunnyMickey]

انا معايا لانسر كريستاله ومركب الزينون علي عدسات وما شاء الله فعلا احسن
عشان النور متوزع صح

والا مكانوش عملوا مع الزينون اللي في البي ام والمرسيدس عدسات
مع ان الزينون اللي فيها اصلي بردو

وياريت بردو تصور الاضاءه بالليل عشان نقدر نشوف العيب من ايه

[a_samy]

أنا هحاول أصور بس أكيد مش هيبان حاجه فى الصور..مش عارف أقولك قد ايه العالى فى الزينون ده سىء جدااااااااااا..بإختصار مش هتعرف تشوف منه اى حاجه.
أنا حزين بجد على الفلوس اللى دفعتها فيه..أنا لو متأكد أن العدسات هتفرق هعملها (مع انى مش عارف اعملها فين وازاى).
أخر ما أزهق هشيله وأركب هالوجين زى ما الأستاذ ميدو قال.

[FunnyMickey]

هوا الشكوي في العالي بس ولا الواطي كمان ؟

[a_samy]

الواطى مش منور قدام العربيه لمسافه كبيره والعالى مش بينور على الطريق أصلا ده ضارب فى السا.

[FunnyMickey]

يبقي مستحيل يكون ده عيب زينون
جرب ترجلش

وشوف شارع ضلمه وخللي وش العربيه في الحيطه وشوف النور الخط بتاعه فين
عالي وواطي
بالشكل ده

واظبطه بنفسك احسن
لو سهل يعني
انما اللي عندك ده مش طبيعي
وبردو حاول تصوره ونشوف

[a_samy]

يبقي مستحيل يكون ده عيب زينون
جرب ترجلش

وشوف شارع ضلمه وخللي وش العربيه في الحيطه وشوف النور الخط بتاعه فين
عالي وواطي
بالشكل ده

واظبطه بنفسك احسن
لو سهل يعني
انما اللي عندك ده مش طبيعي
وبردو حاول تصوره ونشوف

ماشى هجرب واصور واقولك :)

[mido_soliman]

ماشى هجرب واصور واقولك :)

العالى بتاع الزينون ال h4 ضاااااااااااايع عن تجربة وخصوصا لمبة فيليبس بتاعة هاشم باص
متتعبش نفسك هات اوسرام نايت بريكر وريح دماغك
ملحوظة اخيرة : فوانيس الجين2 سيئة مع الزينون وتوزيع اضائتها يدوب كويس مع الهالوجين اساسا

[eng.m7md.ali]

الحل انك تشوف عدسات عمولة تركب على فانوس الجين2
اعتقد كان في مواضيع هنا بتتكلم عن الفكرة دي بدل ماتغير الفانوس كله
وبالنسبة لظبط الرجلاش انت ممكن تعمله عادي بنفسك هتلاقي خرم كدة فوق الفانوس لما تفتح الكابوت مد فيه مفك وظبط زي مانت عايز بس الاهم تكون قدام حيطة