انقذوني يا وحوش بروتون

[yasso77]

انا هاحكي اللي حصل معايا وياريت تفيدوني
اولا انا مقيم في المنيا ومعايا جين 2 2007 فابريكه
المهم من كام يوم لمبه المتور نورت ولقيت مثبت السرعه مش شغال روحت اتصلت بمركز عصام وصفا
فقالي افصل كبل البطاريه لمده 10 دقايق وركبه تاني عملت كده
ودورت العربيه لقيت اللمبه طفت روحت اديت العربيه غيار راحت نورت تاني
قمت اتصلت بالمركز تاني فقالولي ان ده احتمال يكون كلوك اسبرينج ولازم يتغير
وانا مش عارف الكلام ده صح ولا ممكن تكون حاجه تاني وخصوصا ان الكلوك اسبرينج ده سعره عالي والظروف اليومين دول صعبه فياريت اللي يعرف الموضوع ده يطمني
واسف علي الاطاله

[Abdelrahman.H]

لو إنت عربيتك جين-2 أوتوماتيك موديلات من 2006 إلى 2008 يبقى عربيتك من ضمن العربيات اللي التوكيل عملها إستدعاء لتغيير الكلوك سبرينج وبيتغير مجانا حتى لو عربيتك بره الضمان ....

إتصل بالتوكيل أو بعصام صفا و إتأكد من وجود قطعة الغيار و إحجز موعد لتركيبها ..

شوف اللينك ده من موقع عز العرب حتلاقي فيه التفاصيل ...

http://www.proton-egypt.com/componen...-exercise.html

[eng.m7md.ali]

للاسف لازم تدفع تمنها اعتقد هتبقى ب 500 جنيه
لان وانا هناك كان واحد عايز يغيره وكان بيتكلم على موضوع الضمان ده وللاسف الضمان خلص دي كانت فترة بس ..
وبردو اتصل بيهم اتأكد جايز انا سمعت غلط

[Ahmed.Ali]

الكلوك اسبرنج معمول له ريكول من بروتون و بيتغير مجانا كلم التوكيل

[mememsaid]

اعتقد انك مانيول عشان بتقول اديتها غيار

[Abdelrahman.H]

ما انت ممكن لما تنقل من n أو p إلى d أو r يبقى إسمك إديت العربية غيار

هو صاحب الموضوع راح فين

[Ahmed.Ali]

اعتقد انك مانيول عشان بتقول اديتها غيار

و الاوتو بس الي فيه مثبت سرعه

[Abdelrahman.H]

ولقيت مثبت السرعه مش شغال

تصدق ما أخدتش بالي يا أحمد علي

[leeeedo]

لو إنت عربيتك جين-2 أوتوماتيك موديلات من 2006 إلى 2008 يبقى عربيتك من ضمن العربيات اللي التوكيل عملها إستدعاء لتغيير الكلوك سبرينج وبيتغير مجانا حتى لو عربيتك بره الضمان ....

إتصل بالتوكيل أو بعصام صفا و إتأكد من وجود قطعة الغيار و إحجز موعد لتركيبها ..

شوف اللينك ده من موقع عز العرب حتلاقي فيه التفاصيل ...

http://www.proton-egypt.com/componen...-exercise.html

كل التقدير والاحترام لشخصك المحبب الي قلبي يا عبد الرحمن

[Abdelrahman.H]

كل التقدير والاحترام لشخصك المحبب الي قلبي يا عبد الرحمن

كل التحية لحضرتك على الكلام الجميل ده ... أخجلتم تواضعنا يا فندم

[yasso77]

الف شكر لكل اللي رد بس الحمد لله المشكله اتحلت لما حطيت العربيه علي الكمبيوتر ظهرلي ان المشكله كلها بسبب لمبه الاستوب لاني مركب فوانيس ليدات خلفي وامامي فالظاهر ان الليدات مش متوافقه مع العربيه او فيها عيب المهم لما فصلتهم كل حاجهرجعت طبيعيه والحمد لله