أخر الأخبار : Gen.2 FaceLift

[crazylambada]

ما هو يا جماعة لو حينزلوها لينا مانيوال
الهاي لاين بموتور ميديم لاين ب95 الف جنيه
و شرائي ليها يعتبر مخاطرة
طب ما انا اجيب متسوبيشي لانسر مانيوال 1600 سي سي
ب99 الف جنيه

[AhmedGen2]

يا كريزى لا مقارنة بين اللانسر والجين 2 ، على فكرة أعرف واحد كان حاجز لانسر ولغى الحجز لما شاف الجين 2 فى المعرض وعاملة معاه فوق ال 60 ألف كيلو وزى الفل ....

كمان كماليات الجين 2 الجديدة تكتسح حتى لو بموتور Iafm يكفى إن جودة التقفيل والخامات بقت أحسن ، وبعدين لانسر ايه اللى الشعب كله راكبها دى ..

[crazylambada]

بس متنساش حتة المخاطرة
دلوقتي احنا قصادنا اللانسر و الابيزا و النيسان تيدا و I30
لازم نشوف الموضوع يوصل لايه

[Eng.Sameh]

يا كريزى لا مقارنة بين اللانسر والجين 2 ، على فكرة أعرف واحد كان حاجز لانسر ولغى الحجز لما شاف الجين 2 فى المعرض وعاملة معاه فوق ال 60 ألف كيلو وزى الفل ....

كمان كماليات الجين 2 الجديدة تكتسح حتى لو بموتور Iafm يكفى إن جودة التقفيل والخامات بقت أحسن ، وبعدين لانسر ايه اللى الشعب كله راكبها دى ..

بالظبط كده ، وعلى فكره انا لو صفقتنا دي فشلت لا قدر الله ، البديل المباشر اللي هروحله هيه مازدا3 ، بس هستنى طبعا شويه لما اكمل الفرق في الفلوس ، وعلى فكره عنصر المخاطره ده نقولهلهم عشان نشجعهم ، لكن انا مش شايف اي مخاطره ، العربيه متجربه قبل كده كتير ، والجديدة الفرق بينها وبين الحاليه ، ان مفيهاش عيوب الحاليه ، وكمان بموتور وجوده اعلى وكماليات احدث

[AhmedGen2]

أنت شكلك ستايل أوى فى الشكل يا سامح :) .... بس بالنسبة لى No money No honey
فربنا يسهل وتبقى الأمور خير ، عموما احنا مش خسرانين حاجة لما الرد الأخير الفينل ينزل هندرس الموضوع ونشوف اللى فى مصلحتنا.

آه انا لسه شايف كماليات اللانسر 1600 يا كريزى ، مش مذكور إن فيها فرش جلد ولا نظام صوتى أساسا اريال وكام سماعة ودمتم ومن غير سبويلر وشكلها مش قد كدة .

طب يا جماعة لو لا قدر الله الصفقة فشلت حد هيفكر فى الميديوم لاين اللى نازلة؟ مجرد استطلاع كدة..

[Eng.Sameh]

خلينا نصبر لما نشوف الرد بتاعهم ، وبعد كده نفكر ان شاء الله مع بعض هنعمل ايه

[mazagnge]

نصبر يا شـــباب نشوف الرد اية

و بعدين نشوف موضوع الميديم لاين

[mohamed_1991]

ana law el mawdou3 da fakas ha2deha cerato we 5alas

[crazylambada]

يا اسلام انا قصدي على المخاطرة
و التصنيع
غالي اوي انهم يجيبوها لينا ب95 الف جنيه
لو بتسعين الف انا موافق

[Migo123]

بصراحه يا رجاله انا شايف ان مجموعة ال 15 لازم تتقل شويه لان العرض لغاية دلوقتي مش مغري خالص .... والطبيعي ان محرك Iafm ها ينزل في كل موديلات 2009 لان الكامبرو العادي لازم يتوقف انتاجه عاجلا او اجلا .......... يعني لو صبرنا شويه ها يجيلك بنفس سعر العربيه النهارده
لان عز العرب لما بيحدد اسعاره لازم يحط اعتبارات السوق في اعتباره ومستحيل يخلي الجين تلعب في نفس الفئة مع اللانسر لانه عارف انه مش ها يقدر يبيع ....
تيجي بقه لفروق الهاي لاين الاخرى .........
- فرش جلد ......... يتعمل بكل سهوله في الحرفيين بتكلفه لن تتعدى 2 او 3 الا ف وباللون والشكل اللي انت عايزه
- Abs &ebd موجودين في النسخه الحالية
- العتب والاسبويلر ممكن تاخد في النسخه الرياضيه دلوقتي بزيادة 4000 جنيه

يعني اللي يشتري دلوقتي مانيوال 84000 + 4000 عتيب + 2000 فرش
يبقى العربيه تقف عليه ب 90000
ليه بقى عايز يديهالك ب 95
خصوصا انه لازم الجزء الخاص بتكاليف التسويق والمبيعات يتشال من على المجموعه يعني على الاقل يخصمو 5000 جنيه على اعتبار انه ها يبيع 15 عربيه مره واحده
واسألو اي حد بيتفاوض عشان يشتري عربيات لشركات ... ده انا لو ها اخد 3 او 4 عربيات باخد خصم مش 15
يعني لو العربيه وصلتكو ما بين 85 - 90 للمانيوال يبقى كويس قوي
ما كنش نفضولهم
وهما اللي ها يجرو وراكو بعد كده
خصوصا ان عز العرب دلوقتي مزنوق لانه مش عارف ينافس بالموديلات الجديده بتاعت بروتون(الاغلى نسبيا) في السوق لانه لغاية النهارده ما قدرش يثبت جدارة الماركة في السوق المصري والدليل انه مش قادر ينزل البرسونا ولا الجين2 الجديده ولا الواجا Cps.............

وربنا يوفقكو جمعيا ان شاء الله

[crazylambada]

كلامك صح يا ميجو

[Ghamrawy]

هما لو ينزلوا الميديم لاين بال Abs&ebd لمصر بس و كفاية الاير باج تبع السواق يبقى كده فل أوى و سعرها مش حايزيد عن سعر الموديل الحالى و اذا كان على فرق الموتور مش مهم و ممكن يتعوض بالتعديل و الفرش الجلد ممكن عز العرب يتفق مع اى مصنع فى مصر و اللى عايز يركب يروح يركب باسعار خاصة و فى الاخر اظن ان الوكيل يقدر يخلى بروتون تعمل اى حاجة هو عايزها علشان يعرف يحافظ على السعر و يقدر ينافس علشان لو العربية دى طلعت للتسعينات حاتتاكل من المنافسة مع اليابانى و الكورى (الينترا-سويفت-لانسر-صنى)

[crazylambada]

الموضوع لازم يتحدد بسرعة
و انا موافق على موتور الميديم لاين بمواصفات الهاي لاين
بس ممكن اعرف احنا حنعرف ان كانت هي المواصفات و لا لأ ازاي
بس السعر ينزل لينا احنا الخمستاشر
ب85 - 90 الف جنيه

[Migo123]

الموضوع لازم يتحدد بسرعة
و انا موافق على موتور الميديم لاين بمواصفات الهاي لاين
بس ممكن اعرف احنا حنعرف ان كانت هي المواصفات و لا لأ ازاي
بس السعر ينزل لينا احنا الخمستاشر
ب85 - 90 الف جنيه

لو الكلام ده حصل ممكن نبقى مجموعة ال 17 لاني ها ادخل ب 2

[Ahmed Samy]

لو الكلام ده حصل ممكن نبقى مجموعة ال 17 لاني ها ادخل ب 2

جمعية دي وللا ايه