النور العالى مش شغال

[rajina]

السلام عليكم اخوانى اعضاء المنتدى

عربيتى جين 2 2009 و من كام يوم لقيت النور العالى مش شغال و بعد ربع ساعة اشتغل لكن دلوقتى النور فصل خالص مع العلم ان النور الهاى بيم شغال كويس ...
اعتقد العطل ده فيوز و لا انا غلطان.....ارجو الافادة قبل الساعة الخامسة لان مسافر و مش هاينفع امشى كدة...
تحياتى ليكم جميعاً

[dreslam]

احتمال يكون المشكله في ذراع النور نفسه مش في الفيوز وساعتها حتلاقيه بيعلق يعني يشتغل ساعات وساعات لا والله اعلم

[rajina]

الف شكر ليك يا د.إسلام بس انا عايز اعرف فين مكان الفيوز بتاع النور العالى عشان كتيب الخدمة ضاع منى...
بس شكرا على المعلومة دى و يارب باقى الاعضاء يقولولى وجهة نظرهم

[Dr Ahmed]

يافنم لو بتعرف تفك اللمبة بدل اليمين بالشمال وجرب الأول جايز تكون اللمبة اتحرقت ، ساعات العالى بيتحرق قبل الواطى والعكس ، مش لازم فيوز الأول
فالترتيب:
- لمبة
- فيوز
- الدراع

[rajina]

شكرا يا د.احمد ...الغريب ان من 10 دقائق فقط جيت اجرب لقيت النور رجع تانى...و دى تالت مرة يعملها معاية فقلقان ان اكون راجع من السفر و الموقف ده يحصل فجأه مع العلم انى بمشى كتير على طريق العين السخنا ... لو حد من الاخوة الافاضل عنده حل وقائى ياريت يلحقنى بيه

[Raul_7]

أعتقد إنه عيب في الدراع مش الفيوز والله أعلم, أنا مرة الدراع علق عندي برده وبعد مبطلت العربية وشغلتها تاني اشتغل عادي.

[rajina]

أعتقد إنه عيب في الدراع مش الفيوز والله أعلم, أنا مرة الدراع علق عندي برده وبعد مبطلت العربية وشغلتها تاني اشتغل عادي.

شكراً على الايضاح و على المشاركة ... و لكن اذا كان العيب من الدراع , هل ممكن نصلحه لعدم تكرار ذلك او اذا كان الحل تغييره فكم السعر ... و اذل كان العيب من الفيوز ممكن اعرف مكانه بالضبط ...
و شكراً جزيلاً على الاهتمام

[Raul_7]

شكراً على الايضاح و على المشاركة ... و لكن اذا كان العيب من الدراع , هل ممكن نصلحه لعدم تكرار ذلك او اذا كان الحل تغييره فكم السعر ... و اذل كان العيب من الفيوز ممكن اعرف مكانه بالضبط ...
و شكراً جزيلاً على الاهتمام

بصراحة مش عارف, هو الموضوع ده حصل عندي مرة واحدة ومحصلش تاني فـماهتمتش.

[dreslam]

انا بالنسبالي الكهربائي فك الدراع وحاول يزيته وحطله wd40 عشان يشتغل ما نفعش عشان يظهر كان البلاستيك سايح وكان الحل اني لغير دراع النور والاشارات نفسه بواحد جديد وكنت حعمل كده بس غيرت العربيه الصراحه فملحقتش لكن اعتقد انو موجود ومعرفش سعره كام...لكن الاعراض كانت واحده الدراع بيشغل النور لكن العالي لا...وساعات العالي يشتغل يعني بيعلق..

[rajina]

انا بالنسبالي الكهربائي فك الدراع وحاول يزيته وحطله wd40 عشان يشتغل ما نفعش عشان يظهر كان البلاستيك سايح وكان الحل اني لغير دراع النور والاشارات نفسه بواحد جديد وكنت حعمل كده بس غيرت العربيه الصراحه فملحقتش لكن اعتقد انو موجود ومعرفش سعره كام...لكن الاعراض كانت واحده الدراع بيشغل النور لكن العالي لا...وساعات العالي يشتغل يعني بيعلق..

شكراً يا د. إسلام ... اتمنى انى القى حل دائم و مش هسكت الا لما احل المشكله دى و اتمنى انها متحصلش على طريق سريع