ورش متخصصة فى الproton ؟

[fat7elbab]

السلام عليكم ..

شباب انا سمعت عن ورشة فى شارع أحمد سعيد متخصصة فى البرتون تبع مهندس أسمه طارق حسين

ياريت لو حد جربها يقولنا أخبارها ايه ..

ولو حد يعرف أى ورش تانية متخصصة فى البرتون ياريت يقولنا عليها ..

وشكرا ..

[hadota_masreya]

السلام عليكم
بص يا باشا
الورشة دى بتاعة اخو المهندس طارق و مكانها فى الشارع اللى بجوار مصنع تاكى فى احمد سعيد.
و هو - المهندس طارق - كان شغال فى توكيل بروتون و حاليا شغال فى توكيل مرسيدس ده لو ماكانش حاجه اتغيرت يعنى لانى اتعاملت معاهم بس من سنتين.
أنا كانت ليا تجربة مش حلوة معاهم
كانت العربية بتسخن منى (بيرسونا 2009) على الرفم من عدم وجود نقص فى مياه الريداتير
و كلمت المهندس طارق و قولتله على الموضوع بتاع العربية فقالى ده وش من ثرموستات الكوعه و قالى انه ده مالوش لازمه و احنا فى التوكيل بنشيله و بتاع, المهم للأسف اقتنعت و رحتلهم الورشة (ماكانش موجود ساعتها) و ابتدوا الصنايعية يشتغلوا فى العربية و قعدوا يفكوا لغاية لما وصلوا للثرموستات و ماعرفوش يطلعوه غير بعد هبد و ترزيع و قص و حاجه كانت مش احترافية نهائى لغاية لما طلع و بعدين ركبوا اللى اتفك (ماركبتش ثرموستات جديد طبقا لنصيحة المهندس طارق) , المهم فى اثناء تقفيل العربية وصل المهندس طارق و قفلنا الموتور و طلعنا نجرب الدنيا تمام.
اخدت العربية و مشيت و فى طريقى الى المنزل تحديدا بعد نفق الملك الصالح لقيت العربية سخنت تانى , اتصلت بالمهندس طارق و قالى روح على اقرب بنزينه و خليهم يضربوا مايه فى السربنتينه بتاعة الريداتير بس بقوة دفع كبيره رحت عملت كده و بعديها بـ 3 ايام ذهبت الى الاسكندرية و بعد ماوصلت و دخلت المدينة فى الزحمة سخنت مرة ثانية رحت رايح لواحد بتاع ريداتيرات و نضفلى الريداتير و بعدها العربية بقت زي الفل و الحمد لله.
اللى استخلصه هنا
اولا السلبيات:
- تشخيص المهندس كان غلط
- التشخيص الثانى كان يفتقد الى الدقة و كان المفروض يقولى نظف الريداتير بدل ما أضرب فيه مياه.
- طلع ان ثرموستات الكوعه له فائدة و بصراحة ماحستش بيها غير فى الشتاء (العربية حرارتها بتنخفض مع السرعة و البرد و ده مش حلو على الموتور , و بقت بتسخن الصبح فى وقت طويل عكس ماكانت بتاخد دقيقتين على ماتوصل للـ 85)

ثانيا الايجابيات:
- اكتشفت ان مش كل واحد يقول انه مهندس فى التوكيل (أو كان) يبقى بيفهم فى العربية.
- المصنعية ماكانتش غالية.

ده ملخص التجرية اللى عشتها مع الورشة المذكورة

[ahmed_h_g]

شكرا" على نقل التجربه
بارك الله فيك

[fat7elbab]

شكرا ليك على نقل تجربتك ...

[ahmedrocka1]

مفيش احسن من عصام صفا و عن تجربة والله

[visualamr]

منصحش حد يروح هناك انا بصراحه اتعلمت الادب بشكل كبير انا رحت بعربيه ويرا وطلعو عين الى خلفونى وغيرو 300 حاجه وفى الاخار بعد دة كله ملقتش المشكله اتحلت وكانت كل مشكلتى العربيه مبتسحبش وفى صوت طالع من العجله بيخنق العربيه قلولى احنا حنخليها زى الفل غير كل السيور والبوجيهات واسطوانه ودبرياج وبليه وجوان وش التكيهات ومنظف انجيكشن ومسامير واولسيهات وكمان وهما بيركبو الاسطوانه والديسك كسرو ماسورة الريداتير وبعد دة كله دفعت 400 مصنعيه والمشكله متحلتش والى كان هيشلنى رحت لحد وانا ماشى طلعت بليه العجل هى الى بيظه علشان كدة العربيه مبتسحبش وتغيرت ب80 البليه و25 جنيه مصنعيه اللهم بلغت اللهم فشهد

[ahmedrocka1]

منصحش حد يروح هناك انا بصراحه اتعلمت الادب بشكل كبير انا رحت بعربيه ويرا وطلعو عين الى خلفونى وغيرو 300 حاجه وفى الاخار بعد دة كله ملقتش المشكله اتحلت وكانت كل مشكلتى العربيه مبتسحبش وفى صوت طالع من العجله بيخنق العربيه قلولى احنا حنخليها زى الفل غير كل السيور والبوجيهات واسطوانه ودبرياج وبليه وجوان وش التكيهات ومنظف انجيكشن ومسامير واولسيهات وكمان وهما بيركبو الاسطوانه والديسك كسرو ماسورة الريداتير وبعد دة كله دفعت 400 مصنعيه والمشكله متحلتش والى كان هيشلنى رحت لحد وانا ماشى طلعت بليه العجل هى الى بيظه علشان كدة العربيه مبتسحبش وتغيرت ب80 البليه و25 جنيه مصنعيه اللهم بلغت اللهم فشهد

هو كلام حضرتك ده على عصام صفا ؟؟؟

[wmehab]

في ورشة علي ترعة المريوطية فيصل. قبل مطعم فلفلة علي طوول
الورشة انا بتعامل معاهم في البروتون وغيره.
الميزة المهندسين علي دراية تامة بالبروتون وعندهم قطع الغيار البديلة.
وكان عندي مشكلة التيل المعتادة في البرسونا ولكن اشتريت من عندهم تيل مبيطلعش اي صووت وكفائته عالية جدا حتي الان
ده رقم المهندس 01005885638
بصراحة اسعارهم حلوة وامناء جدا ومعاملتهم راقية تحسسك انك بتتعامل مع توكيل مش ورشة فنية
لو حد حب يسألني علي حاجة انا تليفوني 01000884334 واسمي م/ وسام محمد

[samehmix2000]

انا عندي ويرا 2000 .. المشكلة ان صوت الموتور بيبقي عالي شوية .. و في دخنه سوداء بسيط .. عملت كل حاجة فيها .. بس صوت الموتور عالي شوية .. ومكانيكي يقولي ده حساس مياه .. واحد تاني يقولي ده البوابات .. انا تعبت بصراحه .. حد يدليني يا اخوانا على حل

[m_marmoush]

انا عندي ويرا 2000 .. المشكلة ان صوت الموتور بيبقي عالي شوية .. و في دخنه سوداء بسيط .. عملت كل حاجة فيها .. بس صوت الموتور عالي شوية .. ومكانيكي يقولي ده حساس مياه .. واحد تاني يقولي ده البوابات .. انا تعبت بصراحه .. حد يدليني يا اخوانا على حل

صوت الموتور عالى دى ممكن تكون فرن الشكمان