Tweet
حجزت والمفروض استلم بعد بكره بعد حيره شديده بين جين2 ولانسر1300واوبترا ورغم اني حجزتها بالفعل ودفعت مقدم وخلاص هستلم الا اني خايف اندم والسبب اني مقيم واعمل في الغردقه والعربيه مش منتشره هنا ولا ليها قطع غيار ولا صيانه ومش متخيل اني كل مااغير زيت او فلتر اسافر بيها الي القاهره انتم السبب يا اعضاء المنتدي الحلوين اقنعتوني بالجن2 من كتر كلامكم عنها
-
-
يا اخ حسين الف مبروك و ان شاء الله تعجبك
بالنسبة لموضوع الغردقة انا قابلت واحد مقضيها غردقة - القاهرة و مبسوط جدا من العربية و لحد دلوقتى موضوع قطع الغيار و الصيانة موش مسببله مشكلة لا تقلق
اهم حاجة انك ماتستلمش العربية الا لما تجرب فيها كل حاجة بمعنى الكلمة شغل التكييف عادى و استعمل الكاسيت و افحص الصاج الخارجى كويس و جرب كل الانوار و اضغط على الازرار بالكامل و لو لقيت الهوا قولهم موش هاستلم و اوع حد يقولك المشاكل اللى هاتقابلك هانظبطهالك فى صيانة الـ 1000
اعمل اللى عليك و استلم العربية كويس وان ظهر حاجة بعد كده هاتبقى حاجة عبيطة تخلص على طول
اهم حاجة الفحص الدقيق قبل الاستلام
وربنا يوفقك ان شاء الله[CENTER][SIZE="6"]لا اله الا انت سبحانك انى كنت من الظالمين[/SIZE][/CENTER] -
الف شكر يا استاذ احمد علي ردك انا شفت العربيه النهارده الزجاج الخلفي مابينزلش للاخر قالي انه ده عادي علشان الامان وان كل العربيات الحديثه كده ولي سوال تاني عن ورق العربيه هو قال انه هييجي بعد يومين او 3 واني لو عايز استلمها دلوقتي لازم اركب نمر تجاريه ايه هي الاوراق بالظبط وليه موصلتش مع العربيه وشكرا جزيلا مرة تانيهComment
-
حضرتك ممكن تخلى الصيانه كل 10,000 كيلو وتحط زيت تخليقى ..... مش حتبقى مشكله ان شاء الله . ممكن تنزل تعمل الصيانه كل 6 شهور ... او على اقصى استهلاك ممكن كل 4 شهور ........ كأنها رحله.
بس انا ليا سؤال ... هو اساسا فى توكيلات ومراكز خدمه فى الغردقه .. يعنى لتويوتا او ميتسوبيشى ..........؟Comment
-
الغردقه فيها معارض كتير متخصصه في نوع واحد من العربيات مثلا ابوحته ده تويوتا والمهندس اوتوموتف هيونداي فقط مش عارف اذا كان تابع لغبور ام لا وفيه فرع لتوكيل ديهاتسو وفرع لتوكيل رينو بالنسبه للصيانه مفيش بس سمعت ان غبور هيفتح فرع خلال اسبوعين نسيت اقول ان الدايو الوحيده اللي ليها اكتر من مركز صيانه هنا في الغردقه انا متهيالي ان المشكله الاهم هي قطع الغيار يعني مثلا لو الاقي فلتر الزيت ممكن اي محطه بنزين او ورشه عاديه تغير الزيتComment
-
الاخ حسين موضوع الزجاج ده صحيح بالنسبة للزجاج الخلفى اما الامامى بينزل للاخر
ورق العربية اللى هو الافراج الجمركى برضه بياخد وقت و انا رايى تخلى التوكيل اللى يخلصلك القصة دى و تاخد منهم الورق بالكامل و تروح على المرور بتاعك ترخص على طول و كبر دماغك من النمر التجارية دى هاتتكلف فلوس على الفاضى
ولو انت حاجز من ابو رواش ممكن الاستاذ محسن صالح و هو راجل محترم جدا يخلصلك القصة دى كلها[CENTER][SIZE="6"]لا اله الا انت سبحانك انى كنت من الظالمين[/SIZE][/CENTER]Comment
-
انا حجزتها من معرض هنا في الغردقه اسمه دريم كار والعربيه جات فعلا المعرض هنا بس لسه الورق بتاعها موصلشComment
-
علي فكره ياجماعه انا تكون عندي انطباع زي سيئ جدا عن التوكيل واللي فيه وحاسس كده انهم بيطفشوا الناس من العربيه مش بيشجعوهم او يغروهم بيها مش عارف ليه يعني مثلا المعرض اللي حجزت منه العربيه هنا في الغردقه اتاخر شويه وكل ما اتصل بيه يقول لي الترله عطلت الترله جيه العربيه في السكه اتصلت بالتوكيل واحد قال لي مافيش دفعه عربيات وصلت او هتوصل قريب وسالني عايز لون ايه قلت له اسود قال مافيش في البلد كلها غير واحده بس عنده هو في المعرض ممكن يحجزهالي بس اجيله بسرعه مره تانيه كان صاحب المعرض قال ان الشركه الهندسيه ودي لسه فاتحه جديد بتبيع جيب وكلايسلر انها تابعه لنفس التوكيل عز العرب وانا كنت اعرف المعلومه دي قبل كده قال انهم هيعملوا مركز صيانه وقطع غيار لكل عربياتهم بما فيها البروتون قريبا جدا انا اتصلت بالتوكيل قالي محصلش مش تبعنا ومش هيحصل انه هيفتح لا صيانه ولا قطع غيار ابدا ابداComment
-
طيب لو انت عايش بقى فى الغردقة و لفترة طويلة طيب ماتجيب عربية يكون ليها مركز خدمة عندك بدل المرمطة و المشوار بتاع الصيانة[CENTER][SIZE="6"]لا اله الا انت سبحانك انى كنت من الظالمين[/SIZE][/CENTER]Comment
-
والله حاسس اني مندفع ليها بشكل غريب وانها متيسره واذا كان علي الصيانه العاديه انا كده كده بنزل مصر مرتين في السنه المشكله اني بطبيعتي متردد جدا وافكر في 100 حاجه ولما ازهق اختار اي حاجه وخلاص وبعدين اندم وده كان هيحصل لو اخترت اي عربيه تانيه وعموما كصيانه رسمي في التوكيل كل العربيات صيانتها في القاهره المهم عندي قطع الغيار لوتتوفر هنا يبقي مفيش مشكله حتي الهيونداي اللي ماليه البلد اكتشفت ان قطع غيارها مش متوفره بالشكل اللي كنت متخيله اخويا معاه النترا 95 بيحتاس لما يعوز اي قطع غيار شكلي كده بصبر نفسي علشان متعقدش من قبل ما استلم العربيهComment
-
الاخ حسين معلش عايز اسالك سؤال
ايه اكتر عربية عندك انتشار فى الغردقة ؟[CENTER][SIZE="6"]لا اله الا انت سبحانك انى كنت من الظالمين[/SIZE][/CENTER]Comment
-
والله يا استاذ حسين ... انتا لسه على البر .... فكر كويس .. وممكن تبدل وتجيب لانسر مثلا ...... او اى ماركه من الى متوفر ليهم مركز خدمه فى الغردقه .... بس بلاش هيونداى علاشان غبور .
وفى الاخر كلهم حقدو نفس الغرض .
عموما انتا لو مستريح نفسيا للجين 2 توكل على الله .
لو قلقان منها بجد بلاش تجيبها .... علاشان لو سمعت صوت تزيئه او زنه او اى حاجه حتكرهها .
بالنسبه لفلتر الزيت ... اعتقد ممكن تلاقى انواع نفس المقاس وتركب فى الجين 2 ... او هات من القاهره فلترين " من شارع دمشق , او من عز العرب " وخليهم معاك .
بس اهم حاجه انك تكون واثق من قرارك .
ياتشترى الجين 2 ..... يا تشوف حاجه تانيه بديله وتريح دماغك وتعملها صيانه فى الغردقهComment
-
+1111111111111111111111111111111111111المشاركة الأصلية كتبت بواسطة MohabSaeed مشاهدة المشاركة:)Comment
-
انا مع الاستاذ مهاب فى كلامه وفعلا رأيه سليم 100%
لسه قدامك فرصة تفكر فيها وتعمل استخارة وربنا يوفقك للانسب ان شاء الله[CENTER][FONT=Comic Sans MS]Mohamed Nasr
[/FONT] [/CENTER]Comment
-
اكتر عربيات منتشره الدايو بنوعيه نوبيرا ولانوس والفرنا كل التاكسيات هنا لانوس او فيرنا ثم لانسرComment
Comment