حادثه

[mrwho87]

انا عملت حادثه النهارده الصبح و انا رايح علي الشغل الحمد لله الرفرف الشمال اتبهدل و الفانوس اتكسر . انا كنت عايز اسالكوا علي حد كويس يشتغل فيها يكون في مدينه نصر و لا احسن اشتري رفرف جديد و لا ايه

دي صوره العربيه

[Abdelrahman.H]

الرفرف جديد ب 330 في التوكيل ... أحسن من السمكرة مليون مرة

[تامر.محمد]

ربنا يخلف عليك

[shakshak2011]

ألف حمد الله على سلامتك .. أنا لسه طالع من حادثه من يومين برضه .. قدر الله و ماشاء فعل .. و انا من رأيى فعلاً تجيب رفرف جديد أفضل
بالتوفيق ..

[mrwho87]

الرفرف جديد ب 330 في التوكيل ... أحسن من السمكرة مليون مرة

طيب الرفرف هيحتاج يترش و لا هلاقي بنفس لون العربيه ؟؟ و الموضوع دا هياخد في التوكيل قد ايه انت عارف الواحد مزنوق في شغله و محتاج العربيه :(

[egyptiandiver]

ربنا يخلف عليك

[mrwho87]

ألف حمد الله على سلامتك .. أنا لسه طالع من حادثه من يومين برضه .. قدر الله و ماشاء فعل .. و انا من رأيى فعلاً تجيب رفرف جديد أفضل
بالتوفيق ..

الله يسلمك ... انا و الله عايز اعمل كده بس مشوار التوكيل مقرف و العربيه لما بمشي بيها الرفرف بيحك في الكاوتش و بيطلع صوت رخم و انا راكنها و مش عايز امشي بيها اصلا .. اعرف منين الموضوع هياخد وفت و فلوس قد ايه ؟؟؟

[mrwho87]

انا خلاص هشتري رفرف جديد من التوكيل بس عايزين يقعدوا العربيه يومين عشان تخلص ف انا بفكر اروح اشتري الرفرف و اركبه برا و كام اسبوعين كده و ارشه بس عايز اعرف في مشكله لو ركبته برا و دا يخرج حاجه من الضمان و لا لاء و بعدين ينفع اخده و اروح اركبه في عصام و صفا ؟؟؟

[Ghosts]

حمد اللة على سلامتك ....
المهم أنك بخير ....

[minicooper20]

اهم حاجه انك بخير فيداك

[walids]

اعتقد انه مفيش ضمان علي الصاج

[mody1221]

فداك المهم انت بخير
لو الرفرف ف التوكيل ب 350 اعتمدة وخدة عند سمكرى برة التوكيل ركبة افضل وبرضة ممكن تتصلح عادى عند السمكرى الخبطة مش مبهدلة الرفرف

[ghoneim]

الرفرف بره ارخص ممكن تلاقى استيراد نفس لون العربيه فى الحرفيين