عايز اشتري بيرسونا و محتاج رأيكم

[mavric_1]

السلام عليكم

انا يا جماعة عضو قديم في المنتدى بس دا اول موضوع لية,

انا بفكر اشتري بيرسونا 2012 بس الناس مخوفاني من التوكيل و قطع الغيار ,و بيقولوا ان العربية مش بياعة و حتتعبني في بيعها

العربية بصراحة عجباني بس انا محتاج رأي حد مالكها او متخصص في البروتون زيكم

من فضلكم افيدوني

محمود مرسي---الاسكندرية

[Ghosts]

السلام عليكم
انا بفكر اشتري بيرسونا 2012 بس الناس مخوفاني من التوكيل و قطع الغيار ,و بيقولوا ان العربية مش بياعة و حتتعبني في بيعها

سبحان الله ....
نفس الكلام دة أتقالى لما فكرت فى الجين 2 ....

الناس قالوا لى أشترى عربية ليك وللسوق ....
ولما فكرت فى كلامهم لاقيت أن عندهم حق ....

الكورى واليابانى فى بلادنا النهاردة هو الكسبان .....
مع كامل أحترامى و تقديرى لكل وحوش بروتون ....

[hoko]

العربيه جميله جدا قطع الغيار موجوده فى التوكيل وزى اى عربيه جديده بتاخد وقت لغاية انتشار قطع الغيار بالشكل المطلوب(خارج التوكيل )
والتوكيل معقول جدا
لو موش هتغير لفترة توكل على الله وهات البرسونا فهى فعلا قيمه مقابل ثمن
واعتقد نها اصبحت منتشره وده بيخلى سعر اعادة البيع فى تحسن
والله الموفق ولا تنسى الاستخارة
تقبل تحياتى

[mavric_1]

الكورى واليابانى فى بلادنا النهاردة هو الكسبان .....
مع كامل أحترامى و تقديرى لكل وحوش بروتون ....

طيب في رأيك اجيب ايه كوري او ياباني ,,في الوقت الحالي اسعارهم عالية جدا بالنسبة لامكانيات وجودة البروتون

شكرا على الرد

[mavric_1]

العربيه جميله جدا قطع الغيار موجوده فى التوكيل وزى اى عربيه جديده بتاخد وقت لغاية انتشار قطع الغيار بالشكل المطلوب(خارج التوكيل )
والتوكيل معقول جدا
لو موش هتغير لفترة توكل على الله وهات البرسونا فهى فعلا قيمه مقابل ثمن
واعتقد نها اصبحت منتشره وده بيخلى سعر اعادة البيع فى تحسن
والله الموفق ولا تنسى الاستخارة
تقبل تحياتى

طيب ممكن اعرف العربية غاملة كام كيلو مع حضرتك,ورأيك ايه فيها و في معاملة التوكيل, ولو تقدر تقوللي توكيلها فيين في الاسكندرية

شكرا للمرور و الرد

[أبو أدم]

رجاء من اصحاب البرسونا
المتابعة
علشاااااااااااان انا كمان بفكر فيها وعجبانى جد
وليا شوية اسائله
1-ايه العيوب قبل المميزات
2-التوكيل ... هل جيد -متوسط-
3-قطع الغيار وتوافرها.... وكذلك مراكز صيانتها خارج التوكيل
4-الاتوماتيك بتاعها فيه مشاكل....هام

[lad]

ونبى بلاش اى حاجة من عز العرب قطع الغيار بتبقى مقرفة جدا جدا

[Al-Farooq]

العربية اقل ما يقال فيها انها ممتازة ومفيش فيها مشاكل وقطع غيارها الدورية موجودة فى التوكيل وفى السوق ، خلاف ان فى قطع غيار متطابقه مع ماركات تاينة يعني مش هتغلب و بالنسبة للتوكيل كل الناس بتشكر فى مركز خدمة عصام صفا يعني اللى مش عاجبة الصحراوي يروح عصام صفا ، دة خلاف ان ضمانك 100 الف كيلو او 3 سنيين مش 60 الف ، ، وخمس سنيين على الموتور والفتيس
والعربية دي ثمنها في بلدها اغلي من هنا ، وثمنها في السعودية بثمن الكرولا - ومفيش عربية فى السوق بنفس مواصفاتها وكماليتها ولا حتي ثابتها و بنفس سعرها ،
هنا التجار بيبيعوا الأسم قبل السلعة نفسها
و قيمة إعادة بيعها زي باقي العربيات
ومع احترامي للاخوة اللي ردوا فوق ، الراجل داخل يسأل اصحاب العربية نفسهم !!
مفيش غير الاستاذ hoko ومعاه برسونا.

[أبو أدم]

العربية اقل ما يقال فيها انها ممتازة.

ممكن اعرف منك بمنتهى الصدق
ايه هى عيوب العربية
لان مميزاتها كتير...... مش محتاجة كلام
وانا مهتم بالاوتوماتيك ...اوى هل فى حد اشتكى منه
زى العضة اللى كانت مشهورة فى الساجا مثلا..

ارجوا المتابعة من اخونا ...بيرسونا وخصوصا 2012

[Al-Farooq]

ممكن اعرف منك بمنتهى الصدق
ايه هى عيوب العربية
لان مميزاتها كتير...... مش محتاجة كلام
وانا مهتم بالاوتوماتيك ...اوى هل فى حد اشتكى منه
زى العضة اللى كانت مشهورة فى الساجا مثلا..
ارجوا المتابعة من اخونا ...بيرسونا وخصوصا 2012

انا معنديش عيوب الحمدلله ، العربية معايا بقالها 7 - 8 شهور تقريبا و زي الفل الحمدلله ، الكابود نفسه ما تفتحش إلا لمجرد الفضول
لو فى عيوب هقولها يبقي أحياناً بسمع صوت خفيف فى المطبات زي صوت ازاز بيهتز من الشنطة ومش عارف من ايه ومش بسمعه علطول وهشوفها فى صيانة ال10 ان شاء الله ، خلاف ان ميعتبرش عيب فى عربية يعني!!

والفتيس الأتو ممتاز ومفيش فيه اى مشاكل والتسارع من 100:0 فى 11 ثانية / هو استهلاك الاوتو اعلى من المانول والصفيحة بتعمل فى حدود 200- 220 كيلو

.

[أبو أدم]

انا معنديش عيوب الحمدلله ، العربية معايا بقالها 7 - 8 شهور تقريبا و زي الفل الحمدلله ، الكابود نفسه ما تفتحش إلا لمجرد الفضول
لو فى عيوب هقولها يبقي أحياناً بسمع صوت خفيف فى المطبات زي صوت ازاز بيهتز من الشنطة ومش عارف من ايه ومش بسمعه علطول وهشوفها فى صيانة ال10 ان شاء الله ، خلاف ان ميعتبرش عيب فى عربية يعني!!

والفتيس الأتو ممتاز ومفيش فيه اى مشاكل والتسارع من 100:0 فى 11 ثانية / هو استهلاك الاوتو اعلى من المانول والصفيحة بتعمل فى حدود 200- 220 كيلو

.

شكرا MounT
رحت اتفرجت عليها النهاردة
وملت اكتر للجين 2
وهى هى تقريبا
ماعدا حاجات بسيطة بس اهم حاجة ان فيه مثبت سرعة فى البيرسونا و جين 2 لا

انا مش خايف غير من التوكيل يطلع فيه عيوب فى العربية والتوكيل يقرفنا
هو سمعت عن حد بيشتكى من المشكل فى المودبلت الجديدة

[Al-Farooq]

ياباشا لو حصل حاجة لاقدر الله وإن شاء الله ميحصلش العربية في الضمان
وبالنسبة للموديل الجديد دة حصل عليه آخر تحسينات ، صعب تلاقي حد اشتكي منه
ولو مش حابب الصحراوي في الصيانة يبقي تروح عصام صفا على طول كل الناس تقريبا بتشكر فيه جداً

[fast_car]

يا شباب خلاصة الكلام ان دى عربية زى اى عربية و مفيهاش اى افتكاسات يعنى مش بتطير مثلا . مش عارف لية الناس بتقول التوكيل مقرف يبقى بلاش منها طيب ياريت حد يقولنا على توكيل اى حاجة مش سيارات بس يكون محترم .

يا شباب بلاش بقى نبقى بغبغانات اية المشكلة فى صيانات دورية عادية جدا مش محتاجة حد عبقرى وممكن اى ميكانيكى يعملها يعنى تغيير زيت و لا فلاتر و لا بوجيهات و لا تيل و لا غيرة . والله بدون مبالغة الواحد لو فاضى يقدر يغيرهم بنفسة لكن احنا بنقول عشان الضمان يبقى نروح الوكيل او مركز معتمد زى عصام صفا و التجربة اثبتت ان التوكيل مش بيبقى سيئ للغاية لكن هية بتبقى حالات فردية زى اى توكيل و فى النهاية بتتحل .

و بعدين السبب ان العربية البروتون رخيصة بالرغم من الامكانيات الملحقة بها دة علشان الحكومة الماليزية بتدعم العربية فى مصر مش اكتر لكن العربية برة مصر اغلى من كدة و دة السبب اللى بيخلى الوكيل بيدخل عدد قليل كل سنة و الحجز بيكون خلص تقريبا قبل ما العربيات تيجى من برة و فى ناس مش بتلاقى عربيات .

و انا ليا تجارب مع اصحابى اللى اشتروا بيرسونا 2009 و بعد صيانة 20000 بيعملوا الصيانات برة التوكيل و الدنيا ماشية كويس مع العلم انهم بيسافروا كل اقاليم مصر بيها يوميا و العربية مشاء الله زى الفل و مستحملة و كأنها زيروا يعنى حد عمل 60000 كيلو فى سنة واحدة والموتور مشاء الله طلقة يبقى دة معناة انها عربية عملية و قوية مش ورق .

و انا عربيتى موديل 2010 و عملت 20000 كيلو فى 6 شهور و الحمد لله مش مديقانى فى حاجة و بالرغم من انى كنت سايق المانى و يابانى و كورى لكن فرق القوة طبعا للالمانى و سبحان الله لما جبت بروتون ويرا هية الوحيدة اللى حسيت فعلا انى راكب عربية المانى مش ماليزى و بعدها قررت اجيب البيرسونا.

و كفاية انة من سنتين كانت فولكس فاجن عايزة تشترى بروتون لولا ان الحكومة الماليزية تدخلت لدعم بروتون لاستكمال نجاحتها و كمان كفاية انة الموتور و نظام التعليق من لوتس اللى هية من اكبر الشركات العالمية التى تنتج المواتير الرياضية لسيارات السباق .

يا شباب اللى عايز يشترى بروتون يعمل صلاة استخارة و يتوكل على الله لانة مش بيخسر فلوسة بل بالعكس انت بتركب عربية بودى قوى شنطة واسعة فيها طقم جنوط و كاوتش جوديير لوحدة ب 5000 جنية مش كاوتش نسر و بتركب عربية فيها عدة صوت ب 3000 جنية على الاقل دة غير مثبت سرعة و باركينج سينسور و مالتى فانكشن و مرايات و زجاج كهربا و فوج لايت و ايموبليزر و فرامل EBD\ABS و موتور قوى مشاء الله فى فئتة و عن تجارب كتيرة مع سيراتو و لانسر شارك و النترا و كروز و جبت لغاية 190 لكن دى كانت تجارب بس اول ما جبت العربية محدش يعمل كدة كتير بالاضافى للشكل اللى بياخد العين خصوصا للجين تو بسم الله مشاء الله

اما المشاكل اللى الناس بتتكلم عليها بالنسبة لى مش مؤثرة يعنى شوية مشاكل ممكن تحصل مع ناس وناس مش شائعة قوى يعنى زى صوت الكنبة الخلفية فى المطبات و دى حسيت بيها بعد شهرين لكن اختفت لما شحمت قفل الكنبة و الشباب هنا فى المنتدى قايمين بالواجب .
يمكن دهان العربية شوية مش قوى لكن اعتقد دة ممكن يكون اتحل فى الموديلات الجديدة السنة دى
اما قطع الغيار انا بصراحة الحمد لله محستش ان فى حاجة ناقصة و كمان فى المنتدى هنا بدائل لحاجات كتير جدا و قطع الغيار و الصيانات معقولة يمكن انا بروح صيانة فى التوكيل او عصام صفا و بفوت صيانة و بعملها برة شوية حاجات تافهة تتعمل فى اى بنزينة زى تغيير زيت و فلتر زيت و بنزين و تشحيم عفشة و الحمد لله الدنيا ماشية

يعنى معظم المشاكل اللى الناس بتتكلم عنها مشاكل اكسسوارات مش ميكانيكا و زى ما قولنا مش بتحصل مع كل الناس لكن نسبة قليلة زى اى عربية لكن الناس بتكبرها شوية عشان دايما الشجرة اللى بتترمى بالطوب هية الشجرة المثمرة عشان فى ناس بتحقد على ملاك البروتون عشان عربية مشاء الله كويسة بسعر معقول و مش عايزين بروتون تدخل فى مقارنات مع عربياتهم اللى بالشئ الفلانى و مفيهاش الابشن اللى فى بروتون.

خلاصة الكلام من توكل على الله فهو حسبة و سيبك من كلام الناس اللى حيكرهك تركب عربية من اساسة و ا عمل استخارة و هات اللى انتة مقتنع بية و اللى انتة ارتحت لما ركبتة فى معارض السيارات وخلى بالك مفيش عربية و لا حاجة كاملة من كلة زى البنى ادم بالظبط . و ربنا يبعد عنك و عنا العين و الحقد و الحسد و بالتوفيق إن شاء الله .

[amrelsha3er]

فاست كار الله ينور كلامك سليم100 100 بصراحه ربنا يكفيك شر عربيتك ويصونهالك وابقى تابعنا كده على طول خاصه بعد صيانه ال20

[saint2011]

يا شباب خلاصة الكلام ان دى عربية زى اى عربية و مفيهاش اى افتكاسات يعنى مش بتطير مثلا . مش عارف لية الناس بتقول التوكيل مقرف يبقى بلاش منها طيب ياريت حد يقولنا على توكيل اى حاجة مش سيارات بس يكون محترم .

يا شباب بلاش بقى نبقى بغبغانات اية المشكلة فى صيانات دورية عادية جدا مش محتاجة حد عبقرى وممكن اى ميكانيكى يعملها يعنى تغيير زيت و لا فلاتر و لا بوجيهات و لا تيل و لا غيرة . والله بدون مبالغة الواحد لو فاضى يقدر يغيرهم بنفسة لكن احنا بنقول عشان الضمان يبقى نروح الوكيل او مركز معتمد زى عصام صفا و التجربة اثبتت ان التوكيل مش بيبقى سيئ للغاية لكن هية بتبقى حالات فردية زى اى توكيل و فى النهاية بتتحل .

و بعدين السبب ان العربية البروتون رخيصة بالرغم من الامكانيات الملحقة بها دة علشان الحكومة الماليزية بتدعم العربية فى مصر مش اكتر لكن العربية برة مصر اغلى من كدة و دة السبب اللى بيخلى الوكيل بيدخل عدد قليل كل سنة و الحجز بيكون خلص تقريبا قبل ما العربيات تيجى من برة و فى ناس مش بتلاقى عربيات .

و انا ليا تجارب مع اصحابى اللى اشتروا بيرسونا 2009 و بعد صيانة 20000 بيعملوا الصيانات برة التوكيل و الدنيا ماشية كويس مع العلم انهم بيسافروا كل اقاليم مصر بيها يوميا و العربية مشاء الله زى الفل و مستحملة و كأنها زيروا يعنى حد عمل 60000 كيلو فى سنة واحدة والموتور مشاء الله طلقة يبقى دة معناة انها عربية عملية و قوية مش ورق .

و انا عربيتى موديل 2010 و عملت 20000 كيلو فى 6 شهور و الحمد لله مش مديقانى فى حاجة و بالرغم من انى كنت سايق المانى و يابانى و كورى لكن فرق القوة طبعا للالمانى و سبحان الله لما جبت بروتون ويرا هية الوحيدة اللى حسيت فعلا انى راكب عربية المانى مش ماليزى و بعدها قررت اجيب البيرسونا.

و كفاية انة من سنتين كانت فولكس فاجن عايزة تشترى بروتون لولا ان الحكومة الماليزية تدخلت لدعم بروتون لاستكمال نجاحتها و كمان كفاية انة الموتور و نظام التعليق من لوتس اللى هية من اكبر الشركات العالمية التى تنتج المواتير الرياضية لسيارات السباق .

يا شباب اللى عايز يشترى بروتون يعمل صلاة استخارة و يتوكل على الله لانة مش بيخسر فلوسة بل بالعكس انت بتركب عربية بودى قوى شنطة واسعة فيها طقم جنوط و كاوتش جوديير لوحدة ب 5000 جنية مش كاوتش نسر و بتركب عربية فيها عدة صوت ب 3000 جنية على الاقل دة غير مثبت سرعة و باركينج سينسور و مالتى فانكشن و مرايات و زجاج كهربا و فوج لايت و ايموبليزر و فرامل EBD\ABS و موتور قوى مشاء الله فى فئتة و عن تجارب كتيرة مع سيراتو و لانسر شارك و النترا و كروز و جبت لغاية 190 لكن دى كانت تجارب بس اول ما جبت العربية محدش يعمل كدة كتير بالاضافى للشكل اللى بياخد العين خصوصا للجين تو بسم الله مشاء الله

اما المشاكل اللى الناس بتتكلم عليها بالنسبة لى مش مؤثرة يعنى شوية مشاكل ممكن تحصل مع ناس وناس مش شائعة قوى يعنى زى صوت الكنبة الخلفية فى المطبات و دى حسيت بيها بعد شهرين لكن اختفت لما شحمت قفل الكنبة و الشباب هنا فى المنتدى قايمين بالواجب .
يمكن دهان العربية شوية مش قوى لكن اعتقد دة ممكن يكون اتحل فى الموديلات الجديدة السنة دى
اما قطع الغيار انا بصراحة الحمد لله محستش ان فى حاجة ناقصة و كمان فى المنتدى هنا بدائل لحاجات كتير جدا و قطع الغيار و الصيانات معقولة يمكن انا بروح صيانة فى التوكيل او عصام صفا و بفوت صيانة و بعملها برة شوية حاجات تافهة تتعمل فى اى بنزينة زى تغيير زيت و فلتر زيت و بنزين و تشحيم عفشة و الحمد لله الدنيا ماشية

يعنى معظم المشاكل اللى الناس بتتكلم عنها مشاكل اكسسوارات مش ميكانيكا و زى ما قولنا مش بتحصل مع كل الناس لكن نسبة قليلة زى اى عربية لكن الناس بتكبرها شوية عشان دايما الشجرة اللى بتترمى بالطوب هية الشجرة المثمرة عشان فى ناس بتحقد على ملاك البروتون عشان عربية مشاء الله كويسة بسعر معقول و مش عايزين بروتون تدخل فى مقارنات مع عربياتهم اللى بالشئ الفلانى و مفيهاش الابشن اللى فى بروتون.

خلاصة الكلام من توكل على الله فهو حسبة و سيبك من كلام الناس اللى حيكرهك تركب عربية من اساسة و ا عمل استخارة و هات اللى انتة مقتنع بية و اللى انتة ارتحت لما ركبتة فى معارض السيارات وخلى بالك مفيش عربية و لا حاجة كاملة من كلة زى البنى ادم بالظبط . و ربنا يبعد عنك و عنا العين و الحقد و الحسد و بالتوفيق إن شاء الله .