استفساس بخصوص برتون ويرا

[kimo911]

ياريت تسعير ويرا 2004 موتور 1300 كاملة مانوال رشة برة بالكامل والدواخل فبريكة والحالة العامة جيدة
وايه السبب فى ضعف اعادة بيع السيارة دى؟
هل قطع غيارها غالية فعلا ومش متوفرة؟
وهل هى احسن فى الثبات والاداء ولا اللانوس؟

[ahmed_h_g]

سيبك من السعر المهم الحاله
لو حالتها ممتازه خدها بأى سعر العربيه تستاهل
الرنج بيبتدى من 40 الى 45 الفتيس المانيوال
سبب ضعف أعادة البيع انها مش منتشره
بالنسبه لقطع غيارها متوفره جدا" ورخيصه
بالنسبه للثبات الويرا تكسب

[yousefsemsem]

اللي بيقو ان قطع الغيار غاليه نقوله لا بالعكس في المتناول
كفايه ان الصيني قطع غياره اغلي منها
ولو غاليه تعمل ايه في موبينه اوبل جيبها 1600 واستعمال كمان

[yousefsemsem]

اخويا جاب بروتون ويرا زي لكن المشكله انها كانت انجكشن واتحولت لكربراتير
وانا بصراحه متضايق من الموضوع ده وعاوز اقلبها تاني انجكشن هي برضه 2004
التكلفه تبقي كام في الموضوع ده وايه اللي يتعمل
استفسااااااااار ضروري يانجوم الويرا؟؟؟؟؟

[ahmed_h_g]

اخويا جاب بروتون ويرا زي لكن المشكله انها كانت انجكشن واتحولت لكربراتير
وانا بصراحه متضايق من الموضوع ده وعاوز اقلبها تاني انجكشن هي برضه 2004
التكلفه تبقي كام في الموضوع ده وايه اللي يتعمل
استفسااااااااار ضروري يانجوم الويرا؟؟؟؟؟

هتكلف شويه
لو الكنترول بالضفيره الحاجه القديمه اللى كانوا راكبين فيها موجودين يبقى مفيش مشكله والموضوع سهل جدا"

[yousefsemsem]

الضفيرة موجوده لكن الكنترول لا

[kimo911]

الف شكر يا شباب وشكرا للاستاذ احمد انا حاسس فعلا ان الويرا عربية ركوبه زى اليابانى تمام وناعمة ومريحة لكن للاسف ثقافة السوق المصرى اللى حصرت العربيات فى اللانوس والفيرنا
ان شاء الله اشترى الويرا دى هى حالتها محترمة وصالونها فبريكة ومطلوب فيها سعر اقل من اللى حضرتك ذكرته بشوية صغيرين

[yousefsemsem]

بالتوفيق انشاء الله وهي فعلا ركوبه

[kimo911]

الف شكرا استاذ يوسف
:)

[yousefsemsem]

في عربيات برضه للاسف مش واخده حقها في السوق المصري زي الرينو كليو والوجان والميجان
انا عن نفسي ركبت الميجان هاي لاين عربيه بجد ولا كلمه تجيب معاك ال200 مستريح علي الطريق
بس طبعا في التأني السلامه وكنت هجيب الكليو قبل البروتون لكن الحمد لله جبت البروتون

[kimo911]

فعلا العربيات اللى واخده حقها ف مصر اللانوس والفرنا بس رغم الاداء السىء
لكن عربيات زى الرينو والبيجو والستروين ملهاش سوق خالص غالبا بسبب سؤ الوكيل وعدم توافر قطع غيار باسعار معقولة