عملت صيانة الألف للبيرسونا 2012 ولسه في حدفة يمين

[hesham1978mmmm]

الحمد لله عملت صيانة الألف يوم الأحد في الصحراوي واتكلفت 192 جنيه وتم عمل جميع الملاحظات اللي كنت باشتكي منها باستثناء موضوع انه في حدفة يمين في العربية لو انا ماشي مستقيم وسايب الدركسيون العربية بتحدف يمين وبصراحة المهندس اخد العربية وعملها ضبط زوايا قدامي وخرجنا جربنا بس لسه الحدفة موجودة وبعدين بدل العجلتين الأماميتين مع بعض وجربنا ولسه الحدفة موجودة وبعدين قالي ان ده ممكن يكون من العجل عشان العربية كانت واقفة كتير من اول الشحن ومع المشي اكيد هاتتعدل وعلي صيانة الخمسة الاف نشوف الوضع ايه
انا مش عارف الكلام ده صح ولا لأ ياريت ممكن تفيدوني

[Raul_7]

أنا رأيي انك ماكنتش تمشي لحد ما يظبطولك الحدفة, بدل ما ييجو يقولولك في صيانة ال 5000 نعمل ظبط زوايا تاني و ساعتها هتدفع 100 جنيه.

[tamerosman]

جرب اضبط زويا بره التوكيل عند حد محترم ( ممكن يكون جهاز ضبط الزويا بتاع التوكيل فيه مشكلة ) و خليهم يكشفوا على الكاوتش و الجنوط و انشاء الله الحدفة تروح

[M.Nabeeh]

متابع

[eng.m7md.ali]

فعلا جرب اظبط زوايا الاول برة .. لو مظبطتش ارجع اخرب بيتهم قولهم عايز احل المشكلة سواء في مقص او جنوط او كاوتش ... وياريت لو بكرة ان شاء الله تروح تظبط الزوايا وتجرب

[Raul_7]

أنا كنت هاقترح إنه يروح يظبط زوايا بره برده بس هي ده المفروض التوكيل اللي يحلها ده لسة في صيانة ال 1000.

عامةً لو هتظبط زوايا بره روح لحد عنده جهاز Hunter عشان ده يعتبر أفضل جهاز في ظبط الزوايا.

[hesham1978mmmm]

طب حد يعرف مكان اضبط فيه زوايا عند جهاز Hunter يقولي بس مكانه فين

[windofchange]

في شارع متفرع من شارع الاربعين من جسر السويس وشارع الاربعين بعد الالف مسكن وانت رايح الحرفيين

[osa92003]

الحمد لله عملت صيانة الألف يوم الأحد في الصحراوي واتكلفت 192 جنيه وتم عمل جميع الملاحظات اللي كنت باشتكي منها باستثناء موضوع انه في حدفة يمين في العربية لو انا ماشي مستقيم وسايب الدركسيون العربية بتحدف يمين وبصراحة المهندس اخد العربية وعملها ضبط زوايا قدامي وخرجنا جربنا بس لسه الحدفة موجودة وبعدين بدل العجلتين الأماميتين مع بعض وجربنا ولسه الحدفة موجودة وبعدين قالي ان ده ممكن يكون من العجل عشان العربية كانت واقفة كتير من اول الشحن ومع المشي اكيد هاتتعدل وعلي صيانة الخمسة الاف نشوف الوضع ايه
انا مش عارف الكلام ده صح ولا لأ ياريت ممكن تفيدوني

مهندس صيانه نصاب ؟؟؟؟؟؟؟؟؟؟؟؟؟؟ظ مافيش الكلام ده تاعربيه لازم تتظبط عندههم لان المشكله ممكن تكون كبيره

[tamerosman]

ده العادى من عز العرب ( شعارهم : اقبض المعلوم و زحلق الزبون)

[hony_bass]

أنا بعانى من الموضوع دة من ساعت ما جبت العربية من 3 سنين , عملت كل حاجة , بس مفيش ناتيجة , الجديد فى الموضوع انى حولت ضغط الكاوتش الى نيتروجين و الحال بأة أحسن كتير , سامحنى استمتع بالعربية و ماتخليش الافكار المثالية تفسد فرحتك بالعربية الجميلة (عن تجربة عملية 86000 كم)

[ahmad alshaaer]

حماية المستهلك هي الحل لان الموضوع ده كتير من ملاك البرسونا الاليجانس بيشكوا منه وبدون جدوى من تكرار زيارة التوكيل لاصلاح العطل

[eng.m7md.ali]

ده العادى من عز العرب ( شعارهم : اقبض المعلوم و زحلق الزبون)

+11

[hesham1978mmmm]

انا روحت النهاردة اعمل ضبط زوايا علي جهاز hunter والراجل قالي ان الزوايا مظبوطة 100% ولسه الحدفة موجودة انا مش عارف اعمل ايه كلمت نمرة الحجز بتاعة عز العرب وقالت لي تعالي بكرة ومش عارف اعمل معهم ايه