ايه رايكم في تلميع السيارة بالبوليش

[hesham1978mmmm]

انا معايا بيرسونا 2012 بقالها معايا 3 اسابيع في ناس كتير بتقوللي روح لمعها بالبوليش عشان تحافظ علي البوية الكلام ده صح ولا لأ

[Ahmed.Fahmy]

لا طبعا هى لسة الورنيش بتاعها عليها
ولا تلمعها ولا تغسلها بالجاز ولا شمع ولا اى حاجة مش قبل 3 شهور

[Raul_7]

3 أسابيع! أنا عملته أول مرة بعد 6 شهور.

[SheNo0o]

انا عملته اول مرة بعد سنه

[tamerosman]

فيه شمع امريكانى اسمه Turtle او Armor بيعمل طبقة حماية و تلميع بيخلى التراب يتزحلق و ما يمسكش فى البويه و لو لمعت بيه العربية مرة كل شهرين هتفضل لمعة و جمال بوية الفابريقة سنين

اللى بياكل البويه compound و ده بيبقى فى علبة بلاستيك بيضاء و استعماله الوحيد لو لا قدر الله حكيت فى عربية و بويتها علمت على عربيتك

ال polish برضه كويس و مش بياكل البويه و فيه منه نوعين simonaz و sonax بيجى بلون العربية بيدارى الخدوش و الحكات بنسبة 50% و ده بيبقى سائل فى زجاجة



نرجع بقى للشمع و هو انسب حاجة للعربيات الزيرو

الكلام ده عن تجربة فى 4 عربيات لمدة 16 سنة و الشمع ده مش بياكل من البوية نهائى و بيعمل طبقة حماية و يستحسن العربية تتلمع بيه وهى لسه زيرو ( هيخلى البوية تفضل بحالة الزيرو)

الشمع ده هتلاقيه فى علبة صفيح مدورة عند كارفور او بنزينة امارات مكتوب عليه wax (مع اختلاف الانواع ) بس اتاكد انه امريكانى هتلاقيه بحوالى 30 - 40 جنيه فيه صينى ب 18 جنيه بس مجربتوش

الاول تفرده على العربية ( طبعا تبقى مغسولة كويس و ناشفة ) و بعد ما ينشف تلمعه و تمسحه بفوطة ناعمة

المشكلة انه بعد ما بينشف بيحتاج مجهود عضلى رهيب علشان يتلمع ( لو انت مش رياضى ممكن تعمل العربية على مرتين )

فيه جهاز صينى نزل جديد عند كارفور بيشتغل على مخرج الولاعة بيخلص موضوع التلميع بشكل اسهل ( بحوالى 50 جنيه )

[RedBull_30]

الكامباوند هو اللي بيبقى استخدامه ممكن يبقى سلبي لو استخدمته . البوليش والشمع هيفيدك كتير اوي وعلى فكرة فيه منه بيبقى اسبراي في عبوة تشبه عبوة جلانس بتاع تلميع الزجاج..
ايه المانع ان احمي الدهان وهو لسة جديد؟؟

[Ahmed.Fahmy]

ممكن الشمع بس لكن كمان مش دلوقتى علشان العربية لسه عليها ورنيش الفابريكة ودا ليه لمعة كده مميزة وكمان الدنيا شتا يعنى مافيش شمس فممكن 3 شهور وتبدأ تتعمل بالشمع بالشمع بالشمع بالشمع بالشمع بس مش البوليش
البوليش لسه بدرى عليه جدا

[abdohod]

بخصوص الجهاز ده...
هو حضرتك تقصد جهاز زي الصاروخ الل بيستخدموه الصنايعية في التلميع .... أقصد حاجة بتلف وبها فرشة للتلميع؟؟؟؟؟؟؟؟؟؟ ولا إيه بالضبط أرجوا بعض المعلومات وفين بالضبط في كارفور ..؟؟؟ والمعادي ولا الإسكندريه ؟؟؟ وحضرتك شفنته امتي بالضبط زمان ولا حديثا؟؟؟؟؟؟؟؟؟ وشكرا لك

[Eng.Osama.Afifi]

بخصوص الجهاز ده...
هو حضرتك تقصد جهاز زي الصاروخ الل بيستخدموه الصنايعية في التلميع .... أقصد حاجة بتلف وبها فرشة للتلميع؟؟؟؟؟؟؟؟؟؟ ولا إيه بالضبط أرجوا بعض المعلومات وفين بالضبط في كارفور ..؟؟؟ والمعادي ولا الإسكندريه ؟؟؟ وحضرتك شفنته امتي بالضبط زمان ولا حديثا؟؟؟؟؟؟؟؟؟ وشكرا لك

+1

[tamerosman]

+1

نفس فكرة الصاروخ بس طبعا اضعف بكتير ، هوو جهاز صينى بلاستيك عبارة موتور 12 فولت بيشتغل على بطارية العربية ( بيتوصل على الولاعة زى الفاكيوم ) و جى معاه 3 اجزاء بتركب على الموتور :

1- فرشة لتنضيف الفرش
2- سفنجة لتلميع الصاج
3- قرص زى بتاع صاروخ التلميع راكب عليه فوطة للتلميع

ميزته : لو معندكش مصدر كهرباء 220 فولت جنب العربية ، يعنى ممكن تستعمله فى اى مكان - رخيص ( حوالى 50-60 جنيه)

عيبه : ضعيف و شكله صناعته رديئة وشكله مش هيعمر بس لو حتى اشتغل مرتين و اترمى هيكون ارخص من تشميع العربية فى البنزينة

موجود عن كارفور فى قسم السيارات جنب الفاكيوم ( انا اشتريته من كارفور اسكنرية و شوفته عند كارفور داندى مول)

[Ahmed.Fahmy]

على فكرة انا جايب صاروخ التلميع من شارع الجمهورية ب250 بس صاروخ حقيقى مش بلاستيك 6 سرعات وممتاز بيخلى العربية مراية بس متعب فى الشغل عشان تقيل :))

[tamerosman]

على فكرة انا جايب صاروخ التلميع من شارع الجمهورية ب250 بس صاروخ حقيقى مش بلاستيك 6 سرعات وممتاز بيخلى العربية مراية بس متعب فى الشغل عشان تقيل :))

انا فكرت اجيب الصاروخ ده ، هيخلص موضوع التشميع فى 10 دقايق ، بس المشكلة هتجبله كهرباء منين ن لازم توقف العربية جنب فيشة كهرباء 220 فولت ، ميزة الصاروخ بتاع كارفور انه بيشتغل على بطارية العربية

[Ahmed.Fahmy]

وصلة سلك كبيرة حتى لو 50 متر ومن البيت او من عند البواب ومش هتكلف حاجة

[Eng.Osama.Afifi]

أنا لقيته في كارفور الأسكندرية ب65 جنيه

بس قلت أشوف صاروخ تلميع من أي حتة وأقارن بين صناعة الإتنين ... فإن شاء الله حبقى أشوف شارع الجمهورية بقى إن شاء الله