مقارنة موضوعية بين الساجا

[hasomi]

عايز اجيب بروتون ساجا اوتوماتيك

بس متردد من اكتر من حاجة

اول حاجة موضوع ال resale بتاعها بعد كده و انها بتخسر كتير

تانى حاجة مشاكل قطع الغيار و هل يا ترى لو لا قدر الله فيه حادثة حصلت اقدر اجيبلها مثلا اكصدام كامل اى قطع غيار و متوفرة و بسعر كويس و لا حفضل ادوخ و لازم اجيبها من التوكيل

يمكن دول اكتر سببين

و يمكن لو عملنا مقارنة بين الفيرنا اوتوماتيك حنلاقى ان السعر قريب

بس الفيرنا ال resale بتاعها اعلى كتير و قطع غيارها موجودة عند كل الناس

كمان الفيرنا 106 حصان و 1600

الساجا 94 حصان و 1300

و موضوع التكييف و العزم بتاعها و اخبارها ايه فى الصيف

مستنى ارائكم و اقتراحاتكم

[abdoumahros]

طبعا ساجا

الساجا بدأت تنتشر وده معناه تحسن في سعر اعاده البيع وبعدين انت موش هاتبيع قبل 5 سنين علي الاقل وده معناه انتشار الساجا بشكل اكبر وسعر اعاده بيع احسن وبصراحه الساجا كعربيه افضل من الفيرنا بكتير كثبات وعلو عن الارض واتساع وقعده مريحه من الداخل وبرضه كماليات احسن وبصراحه انا بشتري عربيه علشان استمتع بركوبها موش علشان افكر في سعر اعاده البيع
بالنسبه لقطع الغيار اصبحت متوفره خارج التوكيل وطبعا في التوكيل لكن هيا اغلي شويه من الفيرنا

[gebreel]

لو فيرنا او ساجا يبقى ساجااااااااااااااااا اكيد

فرق تقفيل، فرق اوبشن، فرق ثبات رهيب، فرق فرامل، فرق تميز

عربية ما شاء الله ممتازة و انا سقتها مسافة كبيرة مش قليلة و اكثر من مرة و محستش خالص ان الموتور صغير على العربية او العزم ضايع و الي سقتها كانت الاوتو مش المانيوال

اتوكل على الله او لو مش مستعجل ممكن تستنى و تشوف اللوجان الاوتو نازلة الشهر الجاي موتور 1600 110 حصان اما لو المقارنة فيرنا ولا ساجا يبقى ساجا عربية اكثر من ممتازة

[shaddadfalcon1]

كنت لسه الجمعه اللي فاتت مع واحد صاحبي معاه ساجا والعربيه جميله بس القاعده علي الكرسه متعبه جدا
المشوار كان من مدينة نصر للهرم لوسط البلد للهرم لمدينة نصر وطبعا بنريح بين كل مكان والتاني وفعلا ضهري وجعني جدا ولما قلت كده لصاحبي قالي دي فعلا ازمه عندي وخصوصا في السفر

غير كده العربيه ناعمه وتقفيلها حلو وسحبها جميل

[walidzakzok]

درس الواحد اتعلمه انك ماتشتريش عربية قطع غيارها قليلة حتى لو احسن عربية فى العالم

[hosam2222]

مشكور لارائكم

بس هيه اللوجان نازلة اكيد و لو كده حتبقى امتى

و سعرها حيبقى فى حدود كام كدة؟؟

[gebreel]

اللوجان ان شاء الله نازلة في معرض الاهرام اللي هو بعد 32 يوم بالظبط و المفروض ان هيعلن عنها او تلميح قبل المعرض هتبقى فتيس ستيب ترونيك 110 حصان 2 كامة و هتبقى الفول اوبشن فيها في حدود ال79000

[SALAHHAKIM]

كنت لسه الجمعه اللي فاتت مع واحد صاحبي معاه ساجا والعربيه جميله بس القاعده علي الكرسه متعبه جدا
المشوار كان من مدينة نصر للهرم لوسط البلد للهرم لمدينة نصر وطبعا بنريح بين كل مكان والتاني وفعلا ضهري وجعني جدا ولما قلت كده لصاحبي قالي دي فعلا ازمه عندي وخصوصا في السفر

غير كده العربيه ناعمه وتقفيلها حلو وسحبها جميل

دي بقي مش عارف اقول اية ؟
يعني اما ان عربية صاحبك مش ساجا اصلاً او حد وقع دبابيس علي الكراسي او هو شال كراسي الساجا وركب كراسي لانوس او لادا . افضل قعدة فعلاً كراسي الساجا والجلوس في الخلف ينافس المرسيديس بدون مبالغة .

[shaddadfalcon1]

دي بقي مش عارف اقول اية ؟
يعني اما ان عربية صاحبك مش ساجا اصلاً او حد وقع دبابيس علي الكراسي او هو شال كراسي الساجا وركب كراسي لانوس او لادا . افضل قعدة فعلاً كراسي الساجا والجلوس في الخلف ينافس المرسيديس بدون مبالغة .

بغض النظر عن كلام جضرتك اللي انا مضايق منه بصراجه
بس انا في عربيتي اللانوس بيضايقني اني مش ببقي قادر اسند راسي يعني عشان اسند احس ان راجع لورا قوي
لما قعدت قدام في كرسي الساجا كان عندي نفس المشكله واكبر كمان والكرسي مش متشكل علي شكل الجسم زي الميجان مثلا لما ركبتها كان كل جزء في ظهري مسنود وراسي مستوده من غير ماارجعها لورا
والعربيه ساجا 2010 والله لابكدب ولا بقول اي كلام وده اللي حسيت به وشوفته بعنيا
وانا كواحد بيسوق مليش دعوه بقعده الكراسي اللي ورا انا ليا باللي قدام عشان ده اللي هقعد عليه

[walidzakzok]

بغض النظر عن كلام جضرتك اللي انا مضايق منه بصراجه
بس انا في عربيتي اللانوس بيضايقني اني مش ببقي قادر اسند راسي يعني عشان اسند احس ان راجع لورا قوي
لما قعدت قدام في كرسي الساجا كان عندي نفس المشكله واكبر كمان والكرسي مش متشكل علي شكل الجسم زي الميجان مثلا لما ركبتها كان كل جزء في ظهري مسنود وراسي مستوده من غير ماارجعها لورا
والعربيه ساجا 2010 والله لابكدب ولا بقول اي كلام وده اللي حسيت به وشوفته بعنيا
وانا كواحد بيسوق مليش دعوه بقعده الكراسي اللي ورا انا ليا باللي قدام عشان ده اللي هقعد عليه

انا شايف ان كلامك اقرب للواقع لان الساجا من فئة العربيات زي اللانوس والفيرنا واللوجان يعني عربيات شعارها توفير الخامات حتى لو على حساب راحة اللي راكبها

[elmkaneeki]

درس الواحد اتعلمه انك ماتشتريش عربية قطع غيارها قليلة حتى لو احسن عربية فى العالم

10 على 10 والله....كلام سليم مليون فى ال 100

اللوجان ان شاء الله نازلة في معرض الاهرام اللي هو بعد 32 يوم بالظبط و المفروض ان هيعلن عنها او تلميح قبل المعرض هتبقى فتيس ستيب ترونيك 110 حصان 2 كامة و هتبقى الفول اوبشن فيها في حدود ال79000

لو بالسعر دة هتبقى بلا منافس

[yousefsemsem]

بالنسبه لوجه المقارنه هتاخد من الفيرنا قوة ماتور لكن فرامل وعفشه وثبات في الضياع تماما
اما الساجات في عربيه جيدا الا حد ما بالنسبه لموصفاتها لانها تعتبر من الفئه المتوسطه والاستهلاكيه ماتورها جيد جدا لجسم العربيه فرامل وثبات برضه في معدل جيد جدا للعربيه والقطه الغيار اكيد برضه موجوده مافيش حاجه اسمها مش موجوده لكن هي اقتصاديه مش رفاهيه مع احترامي للصديق الي قارنها بالميجان لانها مش وجه مقارنه
بالنسبه للوجان في عربيه ممتازه ماتور وفرامل وثبات ونص رفاهيه مع الاخذ بالاعتبار انها اقتصاديه مش رفاهيه بص ماانصحكش لان معظم الشغل فيها بالتوكيل قليل جدا او منعدم الي بيفهم فيها بالرغم ان ماتورها او شغل الفنيات بها ش معقد زي اليجان او الكليو
لو بتختار من التلاته انصحك وديه مجرد نصيحه بالساجا وربنا يوفقك بالاختيار

[SheNo0o]

اللوجان ان شاء الله نازلة في معرض الاهرام اللي هو بعد 32 يوم بالظبط و المفروض ان هيعلن عنها او تلميح قبل المعرض هتبقى فتيس ستيب ترونيك 110 حصان 2 كامة و هتبقى الفول اوبشن فيها في حدود ال79000

لو الموضوع كده يبقا انا حاجز واحده من حالا بس تكون فيها abs بغض النظر عن اي كماليات تانيه خاااااااالص xD
لانها هتبقي احسن صفقه رابحه ف السوق في الفئه السعريه دي
يمكن حتي اكتر من الساجا الي انا بفكر فيها جديا ومستني اشوف برده ف المعرض نزول الflx تقريبا بتاعها وسعره هيبقا كام

[Dr'AhmZZong]

اللوجان ان شاء الله نازلة في معرض الاهرام اللي هو بعد 32 يوم بالظبط و المفروض ان هيعلن عنها او تلميح قبل المعرض هتبقى فتيس ستيب ترونيك 110 حصان 2 كامة و هتبقى الفول اوبشن فيها في حدود ال79000

العربية ديه لو نزلت بجد بالمواصفات ديه و السعر ده و معاها abs أمة لا اله إلا الله هتجيبها و هتشوفوا

[elmkaneeki]

العربية ديه لو نزلت بجد بالمواصفات ديه و السعر ده و معاها abs أمة لا اله إلا الله هتجيبها و هتشوفوا

معاك حق