اعمل ايه في الحدفة اليمين

[hesham1978mmmm]

انا عملت ظبط زوايا علي جهاز hunter في عربيت البرسونا 2012 ولسه الحدفة موجودة وكلمت التوكيل علي نمرة الحجز وقالتلي تعالي بكرة بس انا مش عارف اعمل معهم ايه لاني كنت هناك يوم الأحد اللي فات وقالوا انا مفيش حاجة في العربية طب انا اعمل ايه

[eng.m7md.ali]

لا ياباشا في حاجة في العربية وغالبا مقص او مساعد
لو محلوش المشكلة دي على حماية المستهلك عدل وبلاش تمشي بالعربية كتير علشان تعتبر لسة زيرو وممكن الجهاز يجبرهم يغيروهالك

[tamerosman]

انا حسب معلوماتى و مع افتراض ان جهاز ضبط الزويا سليم 100% ، لو العربية فيها حاجة غلط (سواء شاسيه او عفشة ) مفروض الجهاز يقولك انها مش راضية تضبط و طالما العربية ضبطت على الجهاز تبقى سليمة

فى اختبار الناس بتعمله لمل تروح تشترى عربية مستعملة انها قبل ما تشترى العربية تروح تضبط زوايا و لو الجهاز ضبط تبقى العربية سليمةشاسيه و عفشة و لو فيه المشكلة الجهاز عمره ما هيضيط


هو حضرتك يا استاذ هشام بتحس بالحدفة دى ازاى ؟ بتشيل ايدك من على الدركسيون و تسيب العربية تلاقيها راحت يمين ؟ و لا و انت سايق و ماسك الدركسيون بتلاقى العربية راحية يمين معاك ما انك مثبت الدركسيون فى النص ؟

المشكلة ان الشوارع كلها ملوحة و الاسفلت طالع و نازل حلاول تجرب على طريق نضيف يكون متسفلت صح زى الاجزاء الجديدة الى فى الصحراوى.

[hesham1978mmmm]

باشيل ايدي من على الدركسيون و اسيب العربية بلاقيها راحت يمين يا استاذ تامر

[saint2011]

يا ترى عملت ايه فى موضوع الحدفة اليمين يا أ/ هشام والتوكيل حلها ولا ايه

[hesham1978mmmm]

والله يا جماعة انا روحت التوكيل امبارح وبصراحة طلع معايا مهندس محترم جدا اسمه مصطفي جمعة وروحنا جربنا في طريق جديد اسفلته نظيف شوية عند توكيل هيونداي والعربية لما سيبنا الدركسيون قعدت حوالي 100 متر كويس وبعدين حدفت فالمهندس اكد لي انا الحدفة دي عيب طريق ليس الا وعشان كدا ممكن تحدف احيانا يميم وشمال وده حصل فعلا واقسم علي ذلك وبصراحة انا مش مقتنع اوي بس انا قولت يمكن عشان لو ساند الدركسيون بصباع واحد مش بتحدف وقالي الحدفة دي ان العربية بتروح معاك جامد مش كده ده عيوب طرق وكمان واحد مهندس عميد صديق والدي بيشتغل في سيارات الرئاسة قالي ما تقلقش طول ما جهاز ضبط الزوايا مش قاري ان في مشكلة يبقي العفشة سليمة والموضوع كله غالبا موضوع عيوب طريق

[Raul_7]

هو في الغالب عيب طريق, عايز تتأكد, اطلع اسكندرية الصحراوي وامشي على الجزء الطوالي المتسفلت جديد, ده طريق مفيهوش غلطة فـيعتبر أحسن اختبار.

[hosammoner]

وممكن يكون عيب كاوتش حاول تغير اماكن الكاوتش وتجرب تشوفها هتحدف ولا لآ