ايه رأيكم في اوسرام نايتت بريكر

[hesham1978mmmm]

انا معايا برسونا 2012 جايبها من حوالي شهر بس بصراحة الإضاءة بالليل مش حلوة
سمعت عن لمبات اوسرام نايت بريكر بلس او فليبس اكستريم باور
هل فعلا اللمبات دي بتفرق في الإضاءة فعلا ولا اي كلام وياريت لو حد مجربها يقولي ومنين وبكام
وهل تركبها سهل وفيه مشكلة ولا لازم اروح التوكيل يركبها ولكم جزيل الشكر

[rajina]

و انا كمان متابع

[mido_soliman]

انا مركب الناين بريكر وممتازة فعلا ومش محتاجة اى حاجة وممكن تركبها بنفسك
واذا كان على الفرق فعلا فى فرق

[m_marmoush]

انا مركب الناين بريكر وممتازة فعلا ومش محتاجة اى حاجة وممكن تركبها بنفسك
واذا كان على الفرق فعلا فى فرق

+1111

[alemlak_2007]

اوسرم نايت بيكر بيني وبينك ركبتها من قيمة سنة ومحستش بفرق شاسع ممكن الاضائة بقيت اقل صفارا من الهالوجين العادية اما حكاية اضاءة 90% زيادة ما حستهاااااش اوي الاضاءة اقوى بس مش بحاجة ملحوضة وحاليا اتحرقت واحدة منهم ما بقتش تنور الى في العالي بس وانا سمعت في ناس هنا بتشكر في فيلبس رالي انا ماعرفهاش بس هنا بيشكرا فيها وخاصاتا لو ركبتلها كتاوت فايريت حد من الاعضاء هنا يفدنا في الحوار ده وياريت يقولنا ع سعرها (الفيلبس ) وهيا موجوده فين عشان عايز اغير النور بردو وبالتوفيق

[m_marmoush]

اوسرم نايت بيكر بيني وبينك ركبتها من قيمة سنة ومحستش بفرق شاسع ممكن الاضائة بقيت اقل صفارا من الهالوجين العادية اما حكاية اضاءة 90% زيادة ما حستهاااااش اوي الاضاءة اقوى بس مش بحاجة ملحوضة وحاليا اتحرقت واحدة منهم ما بقتش تنور الى في العالي بس وانا سمعت في ناس هنا بتشكر في فيلبس رالي انا ماعرفهاش بس هنا بيشكرا فيها وخاصاتا لو ركبتلها كتاوت فايريت حد من الاعضاء هنا يفدنا في الحوار ده وياريت يقولنا ع سعرها (الفيلبس ) وهيا موجوده فين عشان عايز اغير النور بردو وبالتوفيق

ال فيلبس رالى لازم تركبلها كتاوت (مش وخاصاتا لو ركبتلها)، بالنسبه لل أوسرام فهى إضائتها كويسه بس لازم تظبط مستوى كشافك بعد التركيب

[SALAHHAKIM]

Osram night breaker - YouTube
ان شاء الله اجرب واقولك
Osram Night Breaker Plus autospuldzes - YouTube

[sabregas2010]

يا ريت يا استاذ هشام لما تركب اللمبات تبقى تعرفنا عملت ايه وعند مين وبكام
وتقولنا لاحظت ان فى فرق فعلا ولا لأ وركبت كتاوت ولا لأ

[hesham1978mmmm]

والله انا ركبتها امبارح من محل المدينة في شارع دمشق راجل محترم اوي اسمه الحاج مصطفي اللمبات ب125 جنيه وكان في واحد واقف ركبهم وخد 5 جنيه اللمبات بتدي مساحة اكبر في الضوء ونورها اقل اصفرار والعالي بتعاها قوي اوي بس لسه مش عارف احكم عليها اوي غير في طريق ضلمة شوية وبعدين كنت هاركب كمان بتوع الشبورة هما ب90 جنيه بس الراجل قالي جرب دول الأول وبعديمن اللمبات موجودة تعالي خدهم في اي وقت

[mazagngi2010]

مركبها عندى من اسبوعين
الواطى الفرق مش كبير عن القديمه
فى العالى الفرق واضح جدا واحسن من القديمه بكتير
بالاضافه طبعا للنور الابيض مش الاصفر

[a_samy]

أنا مركب عندى النايت بريكر
مش حاسس بالفرق الكبير اللى كنت بسمع عنه قبل ما أركبهم والعالى سىء جدااااااااااا
أنا زهقت من النور ده لأنى جربت الزينون وكان سىء جدا والنايت بريكر أحسن بكتير من الزينون بس برضو أضاءته مش عاجبانى وخصوصا فى العالى لأنه فى السفر على طريق سريع مش هيديك فرصه تجرى بالعربيه.

[tefa_ref]

انا مركبة فى العربية هو فعلا انت مش بتحس بفرق كبير زى ما انت متوقع بس هو فى فرق ملحوظ بجانب تحس ان بيفرش اكتر فى الطريق بس المهم ان الفوانيس بتاعتك ذاتها تكون عوكسها نظيفة وفى نفس الوقت ارتفاع اضاءة الفنوس يكون مناسب انا جربتها فى اوكتافيا a4 وبنسبة كبيرة انا راضى عن ادائها بس طبعا هيا حاجة والزينون حاجة تانية خالص

[amrelsha3er]

هى الاوسرام او النايت بريكر افضل من الزينون فعلا ياجماعه؟!طيب فى ايه شده الاضاءه ولا العمر الافتراضى؟!ممكن الافاده بالفروق

[amrelsha3er]

انا معايا برسونا 2012 جايبها من حوالي شهر بس بصراحة الإضاءة بالليل مش حلوة
سمعت عن لمبات اوسرام نايت بريكر بلس او فليبس اكستريم باور
هل فعلا اللمبات دي بتفرق في الإضاءة فعلا ولا اي كلام وياريت لو حد مجربها يقولي ومنين وبكام
وهل تركبها سهل وفيه مشكلة ولا لازم اروح التوكيل يركبها ولكم جزيل الشكر

وده ميخرجش الضفيره بره الضمان؟!ولا انت هتغير فى التوكيل؟!

[hesham1978mmmm]

وده ميخرجش الضفيره بره الضمان؟!ولا انت هتغير فى التوكيل؟!

ميخرجش بره الضمان عشان اللمبات 55 وات زي اللمبات اللي راكبة في العربية