مشكلة طنابير الجين 2

[sabregas2010]

يا شباب انا سمعت من ناس كتير راكبين الخين 2 والبرسونا ان الطنابير بتتاكل بسرعة يعنى من 10000 كيلو الى 20000 كيلو وتحتاج تتخرط او تتغير والمبلغ مش قليل
يا ريت تشاركونى فى فعلا مشكلة فى الطنابير لان لو فى مش هشترى
ولا الموضوع بسيط والناس هى اللى مكبراه
وشكرا

[a_samy]

اللى أعرفه ان اللى بيبوظ الطنابير التيل المصرى السىء جدا وأنك تغسل العربيه والطنابير سخنه يعنى بعد مشوار طويل.

[saint2011]

هى مش مشكلة لو بتستعمل تيل كويس مش رخيص مثل البوش او المايلى او الهالتيكس وتتابع التيل بأستمرار وده هيطول عمر الطنابير وطبعا التيل بيختلف عمره من المانويل او الأتو فى المانويل ممكن يشتغل حتى 30000كم لكن فى الأتو من 15000ّحتى 20000 فى ناس فى المنتدى الطنابير اشتغلت معاها حتى 100000كم هو الموضوع أستعمال وسلوك

[sabregas2010]

يعنى الموضوع مايخوفش زى ما بعض الناس بتقول
ربنا يطمنكوا

[Raul_7]

هواستعمال في الأول و الآخر, نفس الكلام بالنسبة للتيل.

وبعدين كده كده إنت معاك ضمان الطنابير 30000 كم, لو حصل حاجة في الفترة ده هيغيروهالك, لو محصلش تعرف إن استعملاك تمام.

[mido_soliman]

استعمل تيل نضيف وحتلاقى الطنابير ولا الهوا
حتستعمل التيل المصرى التعبان اللى فى التوكيل
حتغيرهم كل 15000