معايا صنى وعايز ابدلها مع بروتون

[AMRTOTI]

معايا نيسان صنى 2007 كاملة مانيوال وكنت عايز ابيعها او ابدلها ببروتون جين تو
حد يعرف معرض ممكن يقوم بالعملية دى معايا ولا معرض عندة عربية جين 2 كويسة عارضها للبيع

[Mustafa_Farouk]

Ezz Al Arab doing that, call them.

[AMRTOTI]

انا عايز جين 2 مستعملة مش جديدة

[تامر.محمد]

ده انت هاتبقى شرارة حرب :)))))))))

[Land_Cruiser]

المشهد ده اتصور ، لو عايز تذيع قوول ذيع. باهزر طبعا و لا حرب و لا حاجه. كل واحد حر يختار اللى هو عايزه اكيد و بالتوفيق ان شاء الله لما فيه الخير

[AMRTOTI]

ده انت هاتبقى شرارة حرب :)))))))))

مش فاهم حاجة حد يفهمنى

[eng.m7md.ali]

الاحسن تبيع العربية وتدور على عربية جين2
لان المعرض لو حبيت تبدل وش في وش هيخسفلك تمن الصني في الارض علشان تدفع فرق اكبر للجين2

[تامر.محمد]

مش فاهم حاجة حد يفهمنى

مزحة مش اكتر :))))))))))
هتلاقي رجالة النيسان يقولوا لك ليه دي احسن , و رجالة الجين2 يقولوا لك اه دي احسن
و تحصل اشتباكات و مولوتوف و انفلات امني بقى هههههههههههههه

بابالغ طبعا :)))

[AMRTOTI]

ياباشا بالغ براحتك ولا يهمك الموضوع م شموضوع حلوة ووحشة والله العظيم الصنى عربية محترمة جدا جدا جدا واشهدلها عمرى ما شفت معاها يوم وحش ولا اتحطيت فى موقف مش ظريف زى عربيات تانية كتير يمكن لان انا هادى فى سواقتى بس الاكيد انها عربية محترمة اوى

بس انا بحب جدا الجين 2 ونفسى اركبها والسبب التانى ان الصنى مانيوال وانا عايز اتوماتيك علشان زهقت من المانيوال

[medododo]

مش فاهم حاجة حد يفهمنى

عشان يا سيدي الفاضل قسم نيسان طالع بالنيسان السما وانت بتبدلها كده عادي !!!!!!!!

[elshaeer2012]

ان كان معايا صني 2008 و بعتها و معايا دلوقتي جين تو 2006 و معنديش مانع ارجع للصني تاني
مش عيب في الجين بس برضه انا ارتحت مع الصني اكتر

[AMRTOTI]

الجين 2 الى معاك مواصفاتها ايه ولو كدة ممكن نبدل لو تحب

[sabregas2010]

لو الجين 2 مفيهاش العيوب اللى بعض الناس بتتكلم عنها فى التوكيل رأيى تبقى احسن من الصنى

[elshaeer2012]

الجين معايا 2006 كاملة اوتوماتيك
رشة برة بالكامل ما عدا السقف
عاملة 166 الف كيلو
صاحبها كان واخد مطب جامد من تحت القنطرة وقعت و اتلحمت في التوكيل تاني بنضافة جدا
انما الشاسيه بتاعها زي الفل
انا كده قلتلك تقريبا على كل اللي فيها
منتظر اعرف اخبار الصني معاك ايه

[AMRTOTI]

انا عربيتى صنى 2007 كاملة مانيوال
عاملة 140000
فابريكا بالكامل برة وجوة مفيهاش الهوا ولا خربوش رشة بس الاكصدام الخلفى
لسة مغيرة طقم كاوتش dunlop يابانى ومركبلها فرش جلد المانى ومغيرلها مساعدين والقدام موجودين وسلام مفهمش حاجة بس كانت نشفت شوية

ربنا يا باشا يباركلك فى عربيتك
بس انا عايز حاجة متكونش اقل من 2008 فابريكا بالكامل وتكون عاملة كم مش اكتىر من 60000
وجزال الله خيرا يا باشا على الرد والتعاون