لغز اسمة الواجا

[hanycapoo]

السلام عليكم على احلى جروب
انا فكرت اجيب الواجا بس لقيت الدنيا اتقلبت الى يقولى دى عربية مبتتباعش واللى يقوللى مالهاش قطع غيار واللى يقوللى مش هتلاقى منها عربية حالتها حلوة المهم انا احترت قولت اسال الرجالة هنا هيفيدونى
والف شكر لتعبكم

[Amr_tika88]

بصراحه هيا كعربيه في فئتها جميله جدا واحسن من انواع كتير وثابته جدا عالارض هيا اكيد بيعها تقيل شويه عشان احنا هنا في مصر سووق للانوس والفيرنا وماركات كتير في مصر مظلومه زي الفولفو مثلا والسوبارو
بس مش معني كده انهم وحشين اكيد
قطع غيار الواجا كتير مشتركه مع اللانسر وفي حاجات لازم تجيبها من التوكيل بس انا هي قريبه شويه من الالماني عشان كده انا شايف انها عربيه لذيذه

[artofa]

الواجا عربيه اكثر من رائعه معي منذ2 سنه ولم المس اي مشكلات حتي الان الحمد لله رغم ان تحركاتي بها كثيره جدا قطع الغيار اسعاره معقوله مقارنه بكل الجديد اكثر السيارات سباتا حيث انني عند سرعه 160 كم كانت رائعه الموتور قوي جدا السياره لها شاسيه حديد مثا القضبان من الناحيتين من اولها الي ارها توكل علي الله

[mido_295]

انا مش هتكلم كتير فى مزايا وعيوب انا معايا الربيه وشم هقولك انا لو رجعت أختار تانى هدعى ربنا أنى ألاقى عربيه واجا علشان أشتريها فكر كويس وماتقلقش من موضوع قطع الغيار ان شاء الله كله موجود وهيا والله عربيه محترمه وحماله أسيه وماشاء الله عليها

[hanycapoo]

شكرا يارجالة على الجهد اللى انتو بذلتوة معايا بس كونت عايز اتسفسر مثلا على قطع الغيار الاقيها فين وياريت لو حد غير حاجة قريب يقولى تمنها حتى لو تيل الفرامل

[mido_295]

انا غيرت تيل أمامى فى التوكيل بالمصنعيه اتكلف 300 جم
التيل بس بحاولى 180 جم

[hanycapoo]

طب بالنسبة للعفشة والتوكيل نفسة هل هما ناس محترمة والتوكيل بتاع مين والاوتو فيها احلى والا المانيوال

[hanycapoo]

وكام كاتيجورى للعربية ويتراوح تمنها من كام

[mido_295]

العفشه ناشفه شويه بس بتدى ثبات محترم على الطريق
التوكيل متعب شويه / هو عز العرب قطع الغيار شويه بتاخد وقت فى انها تتورد
بس فى مركز معتمد ممكن تتعامل معاه - عصام صفا
انا بحترم الأوتو طبعا أريح وأمتع فى السواقه
هيا الواجا ما بقاش ينزل منها جديد حاليا وحقيقى معرفش أنواعها انا معايا بريمير أوتو

[hesham1978mmmm]

الواجا مع صديقي من 5 سنين بسم الله ماشاء الله عليها عربية تحفة وهو اللي شجعني اجيب بروتون

[abouahmed]

انا معايا واجا 2007 وهى عربية محترمة جدا وعفية وقطع غيارها تقريبا هى اللانسر سواء للعفشة او الموتور ... اللي مختلف هو الشكل الخارجي والفوانيس ... لكن هى تتميز عن اللانسر بصاجها المتين والكماليات الزيادة زى الجنط ال16 العريض وسنسور الرجوع للخلف.
ولو انت عايز واحدة مانوال انا بابيع عربيتي مش عشان متضايق منها ولا حاجه لكن عشان باسافر كتير ومش باستعملها في معظم الاحيان.

لو محتاجها راسلني على الايميل او الخاص عشان انا بره مصر ونتكلم في التفاصيل

[abdohod]

يا باشا الواجا سعرها بره مصر خيالي بس هي كانت داخله الاتفاقية بين الدول الاسلامية عشان مش غالية فصر ده غير ان المزاج المصري يوطي ويعلي اي عربية بمزاج شعبه الغريب ولقباله العجيب ..ولك في الرينو الميجان اسوة حسنة ...عربية مفيش كلمة لكن تجار السيارات وتجار قطع الغيار والوكيل وحتى الزبايين موتوها في سعره الذي لا يتناسب ابداااااااا مع امكانيتها ....انا معايا واجا ماتيك ودي تاني واحدة اركبها غير انها مع اخويا مانوال من الزيرو ...وسيبك من كلام الناس انت بس اشتري الشكل القديم واطمئن واعرف سكة قطع الغيار مننا اقصد الموقع واحنا في خدمتك ومساعدتك دائما ... عبدالرحيم من السويس

[Sindibad]

السلام عليكم على احلى جروب
انا فكرت اجيب الواجا بس لقيت الدنيا اتقلبت الى يقولى دى عربية مبتتباعش واللى يقوللى مالهاش قطع غيار واللى يقوللى مش هتلاقى منها عربية حالتها حلوة المهم انا احترت قولت اسال الرجالة هنا هيفيدونى
والف شكر لتعبكم

شوف تقييمى ليها فى اخر مشاركاتى وانت تعرف الحقيقه المرة