تقرير عن صيانة ال 1000 للبيرسونا 2012

[moh2015]

روحت النهارده عز العرب (اسكندرية الصحراوي)
كنت واخد معايا زيت Liqui Moly Leichtlauf High Tech 5W-40
و سلمت العربية للمهندس الساعة حوالي 10
قولتله على بعض الملاحظات و هي
1.حدفه يمين
2.البواب تقيلة في الغلق
3.المساحات غير محكمة
4.فتح الشنطة من الريموت احيانا بيعلق
5.استهلاك البنزين عالي

استلمها مني بالفعل و قاللي هاتكون جاهزة على 3
روح لفيت في كارفور و بتاع و رجعت استلم
1.قاللي العربية محتاجة مقص يمين و غير متوفر بالمخزن و اسأل الاسبوع القادم
2.و بالنسبة للأبواب تم تشحيمها و لكن محستش بفرق بس هو قاللي مع الاستخدام الابواب هاتتظبط عشان الجلد ناشف
3.تم ضبط المساحات و جربتها تمام بس و انا ماشي عالمحور الدنيا مطرت لكن المره دي شغلتها طلعت مش تماااام!!
4.تم ضبط قفل الشنطة و جربت كذا مرة و كله تمااااااااااااام الحمد لله
5.بالنسبة للبنزين تم تنضيف فلتر البنزين و فلتر الهواء و منتظر امشي بيها شوية عشان اقدر احكم

دفعت 60 جنيه
1. 35 جنيه فلتر
2. 20 جنيه مصاريف ادارية !!!!!!!!!!!!!!!!!!!!!!!!!!!
3. 5.5 ضريبة مبيعات

ملاحظات عن المكان و المعاملة
1.الناس هناك متعاونين جدا بصراحة
2.المكان مش وحش بس متحسش انه توكيل تحس انها ورشه
3.المهندس اللي استلم مني العربية و اشتغل فيها شاب زي العسل و محترم جدا و بيسمع منك للاخر(المهندس احمد سامي) بصراحه قاللي على المقص من الاول و مقاليش عملنا ظبط زوايا و مشاني و خلاص ربنا يباركله

ملاحظات بعد استلامي العربية
1.الدركسيون بقى انعم
2. صوت الموتور اعلى من الاول (مش هاحكم دلوقتي الا لما امشي شوية بالزيت الجديد)
3.العفشة بقت انعم

تفتكروا موضوع المقص ده هايرسى على امتى
و ياترى الابواب هاتتظبط مع الاستعمال فعلا و لا ايه

[saint2011]

مبروك عقبال صيانة 100,000 ورجاء الرد وموافاتنا بملاحظاتك لاحقا

[sabregas2010]

انا كنت مع واحد صاحبى من شهر تقريبا بيعمل صيانة الاف للبرسونا 2012 وكان بيشتكى زيك من موضوع الحدفة اليمين بس انا ليا سؤال مهم وده نفس اللى حصل معاه انت لو سبت الدريكسيون هل العربية كل مرة بتحدف يمين ولا مرة يمين ومرة شمال وهل انت ساند الدريكسيون بصباع واحد بتحس بمقاومة الدريكسيون انه عايز يرمى منك يمين او شمال ولا عادى مفيش اى حاجة
معلش طولت عليك بس انا عايز اطمنك ان صاحبى مطلعش عنده اى حاجة خالص ولا غيرنا اى حاجة فى العربية
بس ياريت لو هتجرب تسيب الدريكسيون عشان تحكم على الحدفى يكون فى طريق مستوى

[moh2015]

مبروك عقبال صيانة 100,000 ورجاء الرد وموافاتنا بملاحظاتك لاحقا

الله يخليك يا باشا
ان شاء الله كمان الف كيلو هاعمل تقرير تاني

[moh2015]

انا كنت مع واحد صاحبى من شهر تقريبا بيعمل صيانة الاف للبرسونا 2012 وكان بيشتكى زيك من موضوع الحدفة اليمين بس انا ليا سؤال مهم وده نفس اللى حصل معاه انت لو سبت الدريكسيون هل العربية كل مرة بتحدف يمين ولا مرة يمين ومرة شمال وهل انت ساند الدريكسيون بصباع واحد بتحس بمقاومة الدريكسيون انه عايز يرمى منك يمين او شمال ولا عادى مفيش اى حاجة
معلش طولت عليك بس انا عايز اطمنك ان صاحبى مطلعش عنده اى حاجة خالص ولا غيرنا اى حاجة فى العربية
بس ياريت لو هتجرب تسيب الدريكسيون عشان تحكم على الحدفى يكون فى طريق مستوى

لما بسيب الدركسيون بتحدف يمين على طول و جربتها عالمحور كتيييييييييييييير و برضه بتحدف يمين
لما ببقى ساند على الدركسيون بيبقى كل شي طبيعي و مبحسش ان الدركسيون عايز يحدف يمين او ليه اي مقاومة
انا مش قلقان من تغيير المقص انا بس قلقان عشان مش موجود في التوكيل و حاسس انهم هايتأخروا عليا عشان يغيروه

[sabregas2010]

عشان خاطرى اوعى تغير اى حاجة فى العربية ويا ريت تكلمنى وانا هقولك على كل اللى عملته انا وصاحبى فى عربيته عشان الكلام كتير وصعب اكتب كل ده
تحياتى ( 01224351144 )

[hatem20]

مبروك صيانة الاف و عقبال صيانة ال 100000
انا كنت عايز اسأل انت جبت زيت ال Liqui Moly Leichtlauf High Tech 5W-40
بكام سعره وده يعمل كام كليو 10000 و لا 15000
حاجة كمان الصيانة اللى جاية فى التوكيل هتكون عند كام كيلو 10000 مثلا و لا ايه و شكرا ليك

[sabregas2010]

الصيانة اللى بعد 1000 صيانة 5000 كيلو وبعدين 10000 كياو يعنى المفروض الصيانة بتتعمل كل 5000 كيلو

[moh2015]

مبروك صيانة الاف و عقبال صيانة ال 100000
انا كنت عايز اسأل انت جبت زيت ال liqui moly leichtlauf high tech 5w-40
بكام سعره وده يعمل كام كليو 10000 و لا 15000
حاجة كمان الصيانة اللى جاية فى التوكيل هتكون عند كام كيلو 10000 مثلا و لا ايه و شكرا ليك

الزيت ب 295 جنيه 5 لتر
بيتغير من 12000 الي 15000 كيلو
بس انا هاغيره على 10000 عشان امشي مع الصيانات كل 10000 كيلو

[moh2015]

الصيانة اللى بعد 1000 صيانة 5000 كيلو وبعدين 10000 كياو يعنى المفروض الصيانة بتتعمل كل 5000 كيلو

الصيانة بتبقى كل 5000 كيلو لو هاتحط زيت معدني اللي بيتغير على 5000 كيلو
انما لو هاتحط معدني مش هايتغير قبل 10000 كيلو
و بكده تبقى الصيانات كل 100000 كيلو

[ramyar]

علي فكره ليكي مولي بيخرج الموتور بره الضمان
ليكي مولي و فولفالين اسئل المره الجايه لان في استلام العربيه المهندس بيكتب زيت طرف العميل وخلاص

[moh2015]

علي فكره ليكي مولي بيخرج الموتور بره الضمان
ليكي مولي و فولفالين اسئل المره الجايه لان في استلام العربيه المهندس بيكتب زيت طرف العميل وخلاص

انا سألت المهندس مصطفى صلاح قبل ما اشتري الزيت و قاللي مفيش مشكله
و هو معندوش اي تعليمات بخصوص الزيت في الفترة الحالية

[m_marmoush]

علي فكره ليكي مولي بيخرج الموتور بره الضمان
ليكي مولي و فولفالين اسئل المره الجايه لان في استلام العربيه المهندس بيكتب زيت طرف العميل وخلاص

أى زيت بتجيبة من برة بيكتب "زيت طرف العميل" مش شرط Valvoline & liqui moli

[saint2011]

يعنى لو جبت الزيت من برة ميخرجش الموتور بره الضمان يرجى التأكيد على هذا الموضوع

[moh2015]

يعنى لو جبت الزيت من برة ميخرجش الموتور بره الضمان يرجى التأكيد على هذا الموضوع

انا نقلت اللي قاله المهندس مصطفى صلاح زي ما اتقال بالظبط
ممكن تتصل بالتوكيل زيادة تأكيد و ابقى طمننا