طلب نصيحة ومساعدة من الاخوة الافاضل

[gym1974]

السلام عليكم ورحمة الله انا معايا رينو كليو موديل 2003/1200cc وان شاء الله اغير عن قريب المبلغ اللى هيكون معايا فى حدود 95 الف جنيه وبصراحة كنت ناوى على رينو فلوانس او ميجان لأنى خلاص اتعودت على الرينو وعلى قطع الغيار الغالية وبصراحة انا متابع قسم البروتون هنا ومغرم جدا بالبيرسونا واصبحت فى حيرة شديدة ما بين البيرسونا والميجان والفلوانس انا مركبتش اى عربية فيهم بصراحة ومش عارف اختار وانا مش فارق معايا موضوع قطع الغيار وكل الصيانة لازم اعملها فى التوكيل وطبعا توكيل رينو لا غبار عليه وتوكيل عز العرب عرفت عنه كل شر منكم قصدى خير انا يهمنى فى العربية الثبات ومتعة القيادة لأنى بسافر كتير شرم الشيخ وطبعا الكليو فى السفر وحشة جدا وخفيفة قوى ومش فارق معايا برده استهلاك البنزين لآن معدل استهلاكى السنوى للعربية حوالى 10000 كيلو فارجو الافادة والمساعدة ويا ريت لو حد جرب العربيتين اكون شاكر جدا

[sabregas2010]

انا جربت البرسونا بتاعة واحد صاحبى الثبات ملوش حل يكاد يكون زى الالمانى والتسارع بتاع الموتور فى التجميع تحفة رغم انها اوتوماتيك لكن التوكيل مقدرش افيدك

[sabregas2010]

نسيت اقولك على حاجة مهمة قالوهالى فى التوكيل ولتنى رجعت عن شراء الجين 2
انا من الناس اللى بتحب تلعب فى العربية يعنى انا مركب وحدة رفع ومركب زينون فى الكشافات والفوجات ومركب جنوط 16 وناوى اهبط العربية .... الخ
وسألت فى التوكيل على انى هعمل كده فى الجين قالولى متلعبش فى كهرباء العربية خالص ومتركبش جنوط اكبر من مقاسها لان كل ده غلط على العربية وهيخرجك بره الضمان
لو الحاجات ما تفرقش معاك وهتسيب العربية على حالتها توكل على الله واشتريها

[saint2011]

توكل على الله البرسونا مافيش كلام اوبشنز وثبات وشياكة ولا مقارنة فى السعر بينها وبين الرينو الفلونس130 الف والميجان اعتقد مش اقل من 125000جنية

[gym1974]

الف شكر لكل من الاخوة sabregas2010/ saint2011 على الرد والله يا جماعة انا فى حيرة شديدة جدا وبقالى فوق من 4 شهور على كده الميجان والفلوانس وكلين دماغى ومغرم جدا بالبيرسونا وناس تقولى الفرنساوى افضل من الماليزى والميجان والفلوانس ركوبة تانية خلاص عن البيرسونا ماشى ننتظر راى باقى الاعضاء لعل وعسى يكون فى حد كان معاه الاثنين يفيدنا اكتر

[sabregas2010]

ربنا يوفقك فى اختيار الانسب

[elmahdy]

اعمل اللي نفسك فيه ايا كان
اهم حاجه في الحياة انك تنول شيء كنت بتتمناه... سواء بعد كده طلع عشمك في محله او لا... لكن تبقى وصلت لشيء
انت عارف لو ركبت مرسيدس... هاتفضل برضه عينك على البيرسونا.. لانك بتحبها
انا كنت بجري امبارح بالليل في صلاح سالم... وكان فيه واحد جايبها لسه زيرو... ولونها احمر... بصراحه ماشاء الله عليها... بجد زي ما الاخ صابر قال... حتة الماني
انا بقولك كده وانا راكب رينو... بس تحقيق امنيه ده شيء جميل جدا... خصوصا في العربيات

[gym1974]

اعمل اللي نفسك فيه ايا كان
اهم حاجه في الحياة انك تنول شيء كنت بتتمناه... سواء بعد كده طلع عشمك في محله او لا... لكن تبقى وصلت لشيء
انت عارف لو ركبت مرسيدس... هاتفضل برضه عينك على البيرسونا.. لانك بتحبها
انا كنت بجري امبارح بالليل في صلاح سالم... وكان فيه واحد جايبها لسه زيرو... ولونها احمر... بصراحه ماشاء الله عليها... بجد زي ما الاخ صابر قال... حتة الماني
انا بقولك كده وانا راكب رينو... بس تحقيق امنيه ده شيء جميل جدا... خصوصا في العربيات

كلامك جميل والله يا اخى مهدى ربنا يكرمك ويزيدك من فضله

[zego]

بص يا باشا للأمانة انا والله كنت في نفس حيرتك محتار ما بين الفلوانس والبيرسونا ولكن الحمد لله ربنا وفقنى في الاختيار وجبت البيرسونا ويمكن ياما ظروف الواحد تتحسن شوية نجيب الفلوانس جمبها بص بصراحة العربية جميلة وممتازة وبالنسبة للتوكيل لو لا قدر الله حصل حاجة الواحد طالما له حق هياخده حتى لو بالزعيق وكدا ولسه فى أمل فى مصر بالنسبة لجهاز حماية المستهلك وبعدين قطع غيارها متوفرة بره التوكيل وفى استيراد كمان على ما بأسمع

[gym1974]

بص يا باشا للأمانة انا والله كنت في نفس حيرتك محتار ما بين الفلوانس والبيرسونا ولكن الحمد لله ربنا وفقنى في الاختيار وجبت البيرسونا ويمكن ياما ظروف الواحد تتحسن شوية نجيب الفلوانس جمبها بص بصراحة العربية جميلة وممتازة وبالنسبة للتوكيل لو لا قدر الله حصل حاجة الواحد طالما له حق هياخده حتى لو بالزعيق وكدا ولسه فى أمل فى مصر بالنسبة لجهاز حماية المستهلك وبعدين قطع غيارها متوفرة بره التوكيل وفى استيراد كمان على ما بأسمع

الف مبروك اخى زيجو على العربية وربنا يديك خيرها ويكفيك شرها انا موضوع التوكيل ده مهم جدا بالنسبة لى لآنى مش بتاع اشترى قطع غيار من بره وروح لميكانيكى والكلام ده مش تكبر والله ولا حاجة بس بحب اريح دماغى ولو هادفع قرشين زيادة ومن الواضح كده انا مشكلة البروتون فى مصر مشكلة توكيل وده فى حد ذاته ممكن يكرهك فى العربية انما توكيل رينو بصراحة اكثر من ممتاز الناس هناك فاهمة جدا وعلى مستوى على من المهارة والذوق مرة تانية الف شكر على ردك ومبروك على العربية وتحياتى لك

[elmahdy]

طب ماتبص برضه على الرينو اسكالا هاي لاين... او السانديرو اوتوماتيك؟؟؟

[zego]

والله من ناحية توكيل رينو فهو رائع جدا جدا بس المشكلة كانت الفلوس بتاعة الفلوانس كبيرة وكدا وبعدين ما تنساش تصلى صلاة الاستخارة وانا كنت من شهرين كدا الناس قعدت تلعب فى دماغى التوكيل وحش العربية بتشرب بنزين بشراهه وكنت ما باركبش العربية باليوم واليومين لغاية ما روحت من عندنا من المنصورة لغاية القاهرة بسيراتو 2010 وبعدها بأسبوعين بالبيرسونا وفعلا الحمد لله نزلت بعد سرعة لغاية 170 وملفات على 90 بالسيراتو كنت حاسس انى هتقلب بالبروتون ولا كأنى فى حاجة اللى كان راكب جمبى قاللى حرام عليك قولت له مش حرام كدا العربية دى تستاهل الفلوس اللى ادفعت فيها والبنزين لان تانك العربية بياخد 40 لتر و 10 احتياطى
الحمد لله على كل شئ

[gym1974]

طب ماتبص برضه على الرينو اسكالا هاي لاين... او السانديرو اوتوماتيك؟؟؟

جزاك الله كل خير اخى المهدى لكن العربيتين دول بره المنافسة بالنسبة لى

[gym1974]

والله من ناحية توكيل رينو فهو رائع جدا جدا بس المشكلة كانت الفلوس بتاعة الفلوانس كبيرة وكدا وبعدين ما تنساش تصلى صلاة الاستخارة وانا كنت من شهرين كدا الناس قعدت تلعب فى دماغى التوكيل وحش العربية بتشرب بنزين بشراهه وكنت ما باركبش العربية باليوم واليومين لغاية ما روحت من عندنا من المنصورة لغاية القاهرة بسيراتو 2010 وبعدها بأسبوعين بالبيرسونا وفعلا الحمد لله نزلت بعد سرعة لغاية 170 وملفات على 90 بالسيراتو كنت حاسس انى هتقلب بالبروتون ولا كأنى فى حاجة اللى كان راكب جمبى قاللى حرام عليك قولت له مش حرام كدا العربية دى تستاهل الفلوس اللى ادفعت فيها والبنزين لان تانك العربية بياخد 40 لتر و 10 احتياطى
الحمد لله على كل شئ

والله يا زيجو انا لى وجهة نظر فى العربيات الكورى بكافة انواعها جايز اكون غلط بس ده وجهه نظرى انها عربيات ما تخدشى منها الا تكييف فقط انما ثبات ومتعة قيادة واداء اشك

[zego]

لا تكييف السيراتو عشان تتبسط منه فى عز الحر تعمله على 3 عشان يظبط العربية كله وكان في رمضان احيانا بنعمله على 4 انما التكييف فى البروتون علامات مش أرقام فبصراحة فى أصعب درجات الحرارة ما كانش بيعدي النص يعنى 2 بالكتير فالحمد لله