قولولى اية رايكو فى الى حصل

[amr_raid]

انا كنت حاجز جين 2 2012 من المصرية وكنت حستلم النهاردة وكان الميعاد الساعة 7 وكنت حاخودها ب 91.5 بعد خصم 1.5 المهم كلمونى الساعة 4 قالولى معلش العربية غاليت بقت ب 92 قولت مش مشكلة قولتلة الوراق كلة موجود قالى اة روحت الساعة 7 استلم بصيت على العربية وكلة كان تمام جيت ادفع قالى العربية غاليت تانى وبقيت ب 93 قولتلة خلاص مش حاخدها قاعد يقنع فيا مفيش قولتلة عايز العربون المهم قالى خلاص 92 قولتلة و الورق قالى كمان اسبوع قولتلة لا مش عايزها قالى خلاص كمان يومين بس برضوا انا مردتيش اخدها اية رايكو فى الى حصل دة وياريت ياجماعة حد يقولى انزل اجبها منين كاش واستلم عالطول عشان انا مستعجل ارجو الافادة

[elpasha1]

اية الاستهبال دا
الناس دى بتهرج ولا اية
وبعدين انت اتفقت ودفعت عربون على سعر معين هو اللى يمشى انت مالك العربية غليت ولا لا

[amr_raid]

مانا مش عارف غير كدة كل شوية بكلمة وبعد كدة رجع على السعر القديم بس انا موافقتش قلقت الصراحة بس ودلوقتى مش عارف اجبها منين عشان عايز استلم عالطول

[ZOoOoMA]

ده ايه الاستهبال ده هوا هيمشي السعر ب مزاجه ولا ايه
لكن المكان البديل مش عارف بصراحه بس انت كان المفروض تتمسك ب حقك للاخر و لو مرضيش قوله انسى مش عايز

[Raul_7]

خليك مع التوكيل اضمن, حتى لو هتستنى.

[amr_raid]

انا الناس مخوفانى من التوكيل فى ناس تقولى شهر وبتاع وانا مش حقدر استنى الفترة دى كلها

[Raul_7]

انا الناس مخوفانى من التوكيل فى ناس تقولى شهر وبتاع وانا مش حقدر استنى الفترة دى كلها

لأ هم أسبوعين بس إن شاء الله, كلم بس أستاذ محسن صالح مدير المبيعات بتاع فرع الصحراوي وهو يقولك بالضبط.

01005119209

[tamerosman]

واضح انها ناس مش محترمة ، لازم تعلمهم الادب و احترام كلمتهم و تصمم انك تاخد فلوسك و تسيبك منهم

اشترى اضمن من التوكيل ان اخر كلام سمعته ان فيه عندهم عربيات حاضرة و هيعملو لك نفس الخصم ( بس حسس مدير المبيعات انك متردد و لسا بتفكر علشان يحاول يغريك بالخصم )

[amr_raid]

انا خت فلوسى فعلا بس عايز اعرف فى فعلا فى التوكيل عربيات موجودة ولا لسة حستنى ؟

[saint2011]

العربية موجودة فى التوكيل أتصل وأتاكد

[amr_raid]

انا اتصلت قالولى تعالى ونتكلم ونشوف وكدة

[saint2011]

كويس خليك معاهم أ/محسن صالح مدير مبيعات الصحراوى او أ/أحمد مجدى فرع العجوزة محترم جدااا

[amr_raid]

الحمد للة حجزت النهاردة فى عز العرب وحستلم يوم السبت انشاء اللة باركولى

[Raul_7]

الحمد لله حجزت النهاردة فى عز العرب وحستلم يوم السبت إن شاء الله باركولى

مش قلتلك؟ ألف مبروك, وتستلم على خير إن شاء الله.

[amr_raid]

اللة يبارك فيك