انا عايزة اشترى جين تو بس..........

[werewolf]

اهلا بيكى معانا

اولا حتلاحظى فرق جامد ما بين عربيتك و الجين 2 فى استهلاك البنزين هية استهلاكها عالى شوية
و اسمع ان الطلعة بتاعتها ضعيفة يعنى لازم تدوسى بنزين جامد علشان تطلع ! ( دة فى الأوتوماتيك فقط )
الشكل الجديد نازل خلاص يعنى كمان كام شهر كدة !
و حيكون بمحرك محسن
لو عاجباكى الشكل الحالى توكلى على الله ( الجديد بس متغير تغيرات طفيفة من الخارج بس متغير كتيير من الداخل )
بس اتأكدى ان كل حاجة فى العربية شغالة كويس يعنى الريموت و الزجاج و المرايات و اى حاجة كهرباء
و اتأكدى انها موديل 2008 الدفعة الجديدة عن طريق ان فتح الكبوت ناحية السواق مش ناحية الراكب
و ربنا يوفقك

طب انا عندي سؤال مهم ... اللي مستلم عريبة علي اساس انها 2008 والكبوت بيفتح من الكرسي اللي جنب السواق يبقي ضحكوا عليه وادولوا موديل قديم وادوني 2007 علي اساس انها 2008؟؟؟؟
و ممكن يعمل ابه دلوقت لو الكلام دا اكيد فعلا

[tutankhamoun]

طب انا عندي سؤال مهم ... اللي مستلم عريبة علي اساس انها 2008 والكبوت بيفتح من الكرسي اللي جنب السواق يبقي ضحكوا عليه وادولوا موديل قديم وادوني 2007 علي اساس انها 2008؟؟؟؟
و ممكن يعمل ابه دلوقت لو الكلام دا اكيد فعلا

اللي أعرفه و مش متأكد منه أنه أول موديلات 2008 اللي نزلت مصر زيها زي موديلات 2007 في موضوع مكان زرار فتح الكابوت
أنت ممكن تتأكد من سنة الموديل من الورق بتاع العربية و الإفراج الجمركي و فيه صفيحة على جنب الباب مكتوب عليها بيانات العربية
و متخفش معتقدش أنهم بيلعبوا في موضوع غش الموديلات

[werewolf]

امال اللي لسه مستلمين بيقولوا ان فتح الكبوت من عند السواق وكمان علامة البروتون وحاجات تاني مع اني مستلم اوتوماتيك في 4/2008 وهما مستلمين في 5
وهي العلامة دي بيبقي فيها موديل سنة كام ؟؟؟؟؟
يا ريت توضيح اكتر لو ممكن

[mohamed_1991]

ana el 7amdollilah eny shouft el ostaz el kbeer tout walahii begad wa7shni we mawade3 el GEN2 namet 3ala el a5er ya rab tekon b5eer ISA

[tutankhamoun]

امال اللي لسه مستلمين بيقولوا ان فتح الكبوت من عند السواق وكمان علامة البروتون وحاجات تاني مع اني مستلم اوتوماتيك في 4/2008 وهما مستلمين في 5
وهي العلامة دي بيبقي فيها موديل سنة كام ؟؟؟؟؟
يا ريت توضيح اكتر لو ممكن

ملناش دعوة بتاريخ إستلامك
و لكن موعد دخول السيارة البلد
يعني أنت ممكن تكون أول دفعة دخلت لموديل 2008
و هما كانوا الدفعة الثانية
و بعدين سيبك من كل الكلام ده
بًص على الورق و التخليص الجمركي و شوف العربية مكتوب عليها موديل كام .....؟؟؟؟؟؟؟؟
و بقية البيانات الخاصة بالسيارة على صفيحة صغيرة مًعلقة بجانب مفصلات الباب الخاص بالسائق

و لك تحياتي

[tutankhamoun]

ana el 7amdollilah eny shouft el ostaz el kbeer tout walahii begad wa7shni we mawade3 el GEN2 namet 3ala el a5er ya rab tekon b5eer ISA

الله يكرمك يا جميل
أنا الحمد لله بخير و إن شاء الله نرجع نظبط مواضيع الجين 2

[werewolf]

الحقيقة انا مش عارف اي ورق انا جايبها تبع بنك ومش معايا غير الرخصة وورقة الاستلام
مفيش غير ورقة كانت في الشماسة بخصوص QUALITY TEST في ماليزيا تقريبا
وده بتاريخ 6/2007 وده معناه انها تصنيع النصف الاول من 2007

[Mzeid]

أولاَ أهلاَ بحضرتك في المنتدى ..
ثانياَ حضرتك إخترتي إختيار ممتاز ..
و ممكن حضرتك تشوفيها كمان في المعرض ..
بس مش عارف ممكن التوكيل يجيب واحدة طلبية خاصة لحضرتك و لا لأ علشان حضرتك مستعجلة ..
:):)

[haneena]

استاذ كامبرو اشكرك كتير انا فعلا شفت العربية فى المعرض وحبيتها اكتر وانا شايفة ان خاماتها فى الصالون معقولة ومش سيئة زى مابيقولوا وشكل التابلوه تحفة
وياريت يكون الموديل الجديد ليا نصيب فيه بس انا مش هاقدر استنى

استاذ توت انا متشكرة على نصيحتك بس انا حسيت انك بتقولى ماتشتريش جين اوتو ودى مشكلة لانى لازم اجيب عربية اوتو فانا بعد اذنك عايزة اعرف هل جين الاوتو سحبها ضعيف يعنى هل هى فى مستوى البكانتو ولا احسن انا مهم عندى السحب ومش مشكلة عندى موضوع البنزين يا ريت ترد عليا وهل موديل 2008 بالذات السحب فيه وحش ولا ايه واذا كان السحب بتاع الجين الاوتو وحش حضرتك تنصحنى اشترى عربية ايه تانى تكون اوتو وفى حدود من 90 الى 100 الف
عارف انا زعلانة دلوقتى قوى لانى باقول ان كلام حضرتك هو اللى بيطمنى انى اشترى جين على طول دلوقتى العكس كلامك قلقنى بالنسبة لموضوع سحب الاوتو وشكرا

[ahmedsiyam]

الاخت الفاضلة
سحب الاوتو ضعيف فى الجين-2
سحب الاوتو ضعيف فى الجين-2
سحب الاوتو ضعيف فى الجين-2

العربية دى بتجرى حلو بس على سرعات عالية و موش هاتسعفك فى وسط البلد خالص

وده مالهوش دعوة بعيوب التقفيل علشان ماتفتكريش انى متحامل على العربية و نصيحة جربيها بقى مادمتى موش مقتنعة علشان ماترجعيش تندمى ده مبلغ كبير برضه

[haneena]

طيب يا استاذ احمد اشترى ايه تانى اوتو فى حدود السعر اللى قلت عليه وتكون سحبها كويس وماتقوليش يارس

[tutankhamoun]

الأخت الكريمة Haneena
أنا عايز حضرتك تعرفي السحب ؟؟؟

لأن العربية في الأول مش بتسحب و ده ينطبق على كافة المحركات من نوع DOHC
بس السحب بعدين ..............فظيع و خصوصا بعد الغيار الثالث في الأوتو

إنما لو تحركات حضرتك كلها داخل البلد ........... و أخرك الغيار الثالث .......... يبقى بلاش جين 2

و عندك بقى الأختيارات التالية

فيات جراند بونتو أوتو ......... أكثر من رائعة و لكن ثمنها 107 ألف ... للآسف
بس ممكن تشتريها كسر زيرو ب 100 ألف
كيا سيراتو و ثمنها ..................... 102 ألف جنيه و أوتو و كافة الكماليات


أنا مش قادر أفتيكي قوي في موضوع الأوتوماتيك لأن العربيات الأوتو سحبها أضعف من المانوال و أنا مش عارف حضرتك عايزة أيه بكلمة سحب
يعني شد و جري و سباقات ( يبقى و لا عربية أوتو تنفع )
و الأحسن أنك تجربي جين 2 أوتو قبل ما تغيري رأيك
يمكن تعجبك ......... لأن أنا نفسي مجربتهاش و معرفش سحبها شكله أيه

بس أنا شايف إنك تستني الموديل الجديد أحسن اللي عدله فيه العزم القليل على عدد لفات قليل
و ده هايخلي اداء الأوتو أفضل بكثير مما هو عليه اﻵن

و الإستعجال وحش جدا ............. لأن أنا شايف إن العربية عاجباكي قوي و بعدين فيها كماليات كتير و فيها توفير مبلغ محترم
يبقى التآني أفضل

و برضه جربي الجين 2 الأوتو الموجودة حاليا يمكن تعجبك
لأن حُكم كل شخص بيختلف حسب ما يريده من السيارة
و الله المستعان
و شكرا

[ahmedsiyam]

الهوندا السيتى جميلة جدا بس انا ماعرفش حد راكبها ممكن تدخلى فى قسم السيارات اليابانى و تشوفى اراء الناس فيها ايه
ممكن برضه الهيونداى الجيتس موتور 1600 عربية هاتتش باك تنفع بنت و فى نفس الوقت جراية جدا و فى منها اوتو
على فكرة انا ساكن على بعد 3 دقايق من مركز خدمة تويوتا اللى فى صلاح سالم و مع ذلك استبعدت اليارس لانها ماعجبتنيش اوى
بس انا من انصار التويوتا كماركة لانهم فعلا و بلا اى مبالغة انظف و احسن و ارقى توكيل فى مصر

[haneena]

استاذ توت اشكرك على ردك السريع بس انا عارفة عموما ان سحب الاوتو بمعنى تسارع العربية من الزيرو لحد 100 كم بيبقى اقل من المانوال لو بنتكلم فى نفس النوع دى حاجة انا عارفاها كويس لكن اعتقد ان السحب من عربية اوتو الى عربية اوتو تانية من ماركة تانية تبقى هى دى المقارنة الصح يعنى مثلا اقارن سحب الاوتو بتاع الجين بسحب الاوتو بتاع اليارس مثلا او بتاع الالنترا الاتنين اوتو طبعا
وعشان كده انا سالت هل سحب الجين الاوتو احسن من سحب البيكانتو الاوتو لان دى اللى كانت معايا ولو كده يبقى هاشترى الجين الاوتو على طول لان فيها كل شئ تانى انا عايزاه يعنى حجم وقوة وثبات وكماليات مش موجودة فى اى عربية تانية بالسعر ده
وبالنسبة للاستعجال انا مش مستعلجة لدرجة انى اجيب حاجة واندم عليها لكن فى نفس الوقت مش هاستنى شهور ويمكن سنة بدون عربية لانى بعت عربيتى خلاص واللى خلانى ابيعها ان جالى فيها سعر ممتاز مااعتقدش انه هايتكرر وانا كنت ناوية كده كده اغيرها السنة دى
انا اسفة انى باسال كتير واكيد وجعت دماغك بس بجد انا باثق فى كلامك اكتر من اى عضو آخر مع احترامى للجميع لانك ذكرت نقطة مهمة خليتنى اشعر بالارتياح لآرائك وهى ان جين تو صناعة اسلامية من الالف للياء وده كفاية

استاذ احمد اشكرك لاهتمامك ولردك السريع لكن انا عايزة عربية حجمها معقول وبشنطة كويسة وعشان كده الجيتز مستبعدة بالاضافة الى انى لااحترم الهيونداى اطلاقا سواء كعربيات او كتوكيل الاتنين اسوأ من بعض
والهوندا شكلها مش حلو وناس كتير قالتى ان صاجها خفيف مش محمل بالاضافة انها 1300 سى سى واعتقد انها هاتكون مشكلة فى السحب خصوصا مع الاوتو وشكرا

[haneena]

اظاهر انكو اتخنقتوا منى معلش غلست عليكو