قد تكون مشكلة عامة ، أرجو الإجابة

[mdm309]

لكل السادة ملاك بروتون ساجا ، بعد إذنكم أنا عندي ريموت العربية لازم أدوس عليه أكثر من مرة عشان العربية تستجيب رغم إن الريموت والعربية لسه جداد ، وكلمت مهندس الصيانة في المشكلة ديه قالي إن حلها بيكون في التوكيل عن طريق تركيب بعض المقاومات في جهاز الإنذار وقالي الصيانة الجايه أفكره فكان ليه عدة أسئلة :
1- هل المشكلة ديه في كل الساجا أم خاصة بي فقط ؟
2- هل حد جرب الحل اللي بيقولوا عليه في التوكيل أم هو مجرد كلام وخلاص من عز العرب ؟
"خايف ليبوظوا جهاز الإنذار عشان كلنا عارفين مهارة عمال عز العرب"
3- ولو مش ده الحل فيه حل ثاني ولا لأ؟
"ملحوظة أنا عارف إن مدي الريموت قصير حوالي 4 متر لكن العربية مش بتلقط حتي علي بعد هذه المسافة إلا بعد معاناة"

[mdm309]

مفيش إجابه ولا إيه

[Al-Farooq]

هو أحياناً بيعلق معايا بس بيتظبط لوحده ،
وفعلا المسافة بتاعه الريموت قصيرة - تقريبا 4 متر جنب العربية وأحياناً بيعلق معايا واضغط كذا مرة لحد ما يستجيب
هى مشكلة بس مش عاملة ليا قلق يعني لأنها بتحصل على فترات متباعدة ، واعتقد والله اعلم انها عند الكل فعلاً.

[Raul_7]

عيب عام أعتقد, لإن بتحصلي كتير, لدرجة إني ممكن أبقى واقف جنب الباب وميبقاش عايز يستجيب, وممكن أبقى واقف 8 متر بعيد ويستجيب عادي.

[amrelsha3er]

طيب دى حاجه تضايق برضو؟!!ازاى كده !مجربتش تشوف حل فى الصيانه يارؤؤل

[mdm309]

'طيب حد جرب حل تركيب المقاوملت اللي قالوا عليه في التوكيل ده

[magedomran]

وانا كمان عندى نفس المشكله ساعه تروح وساعه تيجى
:)

[Eng.Osama.Afifi]

أنا موضوع التعليق ده ملاحظتوش أوي الصراحة

بس المسافة قليلة أوي فعلا ... يمكن أقل من 4 متر كمان

[tamer_m_selim]

الموضوع بسيط جدا ع فكرة ومش مشكلة عامة ولا حاجه -- بس روح لاقرب مركز صيانه معتمد واقولهم المشكلة والحل هو انهم هيشيلو التراب اللي على البورده بالبلاور لان الموضوع ده كان معايا وعملته في مركز عصام وصفا في الحرفيين وممكن من غير ما تدفع حاجه اصلا كمان . بالتوفيق ان شاء الله