انا حجزت بروتون برسونا بــ 93 الف ونص

[card44]

إن شاء الله استلمها واكتبلكو تقرير عنها قريب وبجد بشكر المنتدى جدا جدا جدا انو ساعدنى كتير وانا بختار العربية بجد انتو اجمل منتدى سيارات وشكر خاص جدا لادارة الموقع الرائع

[Al-Farooq]

الف مبروك وعلى فكرة السعر دة دلوقتي يعني ماشاء الله - حصري -
وربنا يتمم عليك بخير إن شاء الله

[ahmed76us2000]

الف مبروك وان شاء الله لما تستلمها هتعجبك قوي .
انا لسه شاري البرسونا اوتوماتيك يوم الاحد الي فات بـ 95000 جنية مع انها كانت زادت الف جنيه من اول مارس.
عموما لو حجزتها بالسعر ده يبقى ممكن المعرض الي بتشتري منه لسه موصلهوش اميل زيادة الاسعار من الوكيل , بس لو لاقدر الله وانت بتستلم قالولك زادت ولا حاجة لازم تصمم انك حاجزها على سعرها وهم ممكن يتكلموا معاك شوية بس في الاخر هتاخدها برضه بالسعر الي حجزت بيه.
نيجي للمهم , راجع الموضوع ده عشان تعرف الحاجات الي بتبص عليها وانت بتستلم العربية ان شاء الله وخلي بالك من اكتر حاجات بتتنسي الاريال والطبات بتاعت الجنوط (عليها علامة بروتون)

http://www.nilemotors.net/Nile/101524-a.html

[card44]

ياباشا متشكر اوى ليك بس كنت محتاج اعرف منك الفرامل اية اخبارها قوية ولا فيها اى مشكلة لان حاسس لما جيت اجربها وهى واقفة وانا مدور العربية ان الفرامل بتنزل اوى لتحت مش عارف لية

[hoko]

الف مبروك عليك وهى عربيه فعلا جميله وبخصوص الفرامل وانت بتستلم قولهم عليها وبتتظبط قبل ما تستلم يعنى موضوع مراجعه مش اكتر الف مبروك

[screamseko]

متقلقش من موضوع الفرامل هي الفرامل عامة في البروتون مشوارها طويل بس فعاله جداا ممتقلقش يعني

[card44]

متشكر ليكو جدا جدا وانا لسة كنت فى التوكيل النهاردة وقالى 10 ايام واستلم انشاء الله وقالى فى لون ابيض جديد نازل بس انا متمسك باللون البرونزى الجديد تحفة وجديد اوى وادعولى استلم على خير ياشباب واكتبلكو تقرير مفصل عنها

[S O P H O S]

مبروووووووووووك

[midosalah]

http://www.nilemotors.net/Nile/179029-2.html
التوبك ده يساعدك وانت بتستلم ان شاء الله

[saint2011]

هو حضرتك كنت حاجز قبل أول مارس عشان كده السعر 93500 ولا أيه ممكن حضرتك توضح

[hesham1978mmmm]

ربنا يباركلك فيها ويديك خيرها ويكفيك شرها انا استلمت عربيتي في 3/1/2012 وهي لون برونزي وعلي فكرة اللون تحفة وشيك اوي اوعي تغيره واي استفسار ممكن تكلمني

[ahmed76us2000]

على فكرة انا كنت معدي من قدام التوكيل يوم الخميس الي فات كنت شايفهم جايبين عربيات جين 2 وبرسونا كانوا لسه بينزلوا من على العربية الكبيرة دي ,, أسأل عليها كده ممكن تستلمها طالما العربيات جتلهم

[card44]

انا فعلا كنت حاجز قبل مارس ولو حد عايز اى حاجة من التوكيل انا رايح النهاردة علشان اكمل جزء كمان من الفلوس فلو اى حد محتاج اى حاجة انا تحت امرة وحسأل على موضوع العربيات اللى جت يوم الخميس دة ياباشا وشكرا ليك