بجد حرام اللي بتعملوا في الناس ياعز العرب

[elkhouli]

مش ممكن البهدلة اللي بتبهدلوهانا دي

يعني توكيل زي عز العرب تليفونة 0235390601

على طول بيرن وحدش بيرد ............ ولما رد المرة الوحيدة كان أنسر ماشين

على مدار اسبوع كامل

وطبعا علشان أخد مشوار من اخر مصر الجديدة لغاية التوكيل على بوابة الأسكندرية في ظل ازمة البنزين اللي احنا فيها

وفي الأخر يقال لي اسفين حضرتك محجزتش

عيييييييييييييب المفروض انكم توكيل كبير وليكم أكثر من شركة مش بس بروتون

دة في شركات كثيير أقل منكم ليها خطوط ساخنة شغاله 24 ساعة

أتقوا الله فينا !!!!!!

[eng.m7md.ali]

ههههههههههههههههههههههههههههههههههه
ياباشا متتعبش نفسك
ديل الكلب عمره مايتعدل
عز العرب ده بيفكرني بالمجلس العسكري ... دايما وعوود وعوود وعوود وبيرجع اوسخ من الاول
حسبي الله ونعم الوكيل ربنا ينتقم منهم كلهم

[rockana9112007]

ياباشا الناس دى مش محتاجة ....لامحتاجة نجاح ولا محتاجة فلوس ولا اى حاجة
وجايبين كام توكيل يتسلو ويزهقو فى الناس وخلاص

[amrelsha3er]

بالظبط روكا جاب من الاخر مش محتاجين ومش فارقه معاهم ولا عملا ولا بيع ولا نيله والله حرام المفروض يتسحب منهم ام التوكيل ده ده توكييلات العربيات الصينى مفيش كده واهى صينى حسبنا الله ونعم الوكيل

[yousefsemsem]

علي فكرة مش الفرع ده بس فرع اسكندريه كمان والله بقالي اكتر من شهر علي هذا النظام لغايه لما كنت في شغل في اسكندريه مره ووقف قدام التوكيل ونزلت ودخلت وبتصل والتليفون بيرن ومحدش بيرد والله استخسرت ادفع فلوس في اللي عاوز اشتريه من منظر المعامله ومشيت

[Al-Farooq]

ياباشا عصام صفا اقرب لك من التوكيل!!

[Raul_7]

هو حضرتك بتتصل لحجز صيانة ولا حجز عربية؟

[elkhouli]

الأخ يوسف سمسم وكمان الموضوع دة عندكم في الأسكندرية وانا اللي قلت يمكن الخطوط أتسرقت دة طلعت في كل مراكز الصيانة حاجة تفرح ياعز العرب شريحة الموبيل بقت ب5 جنية وفيها 2 جنية رصيد أشترولكوا كام خط موبيل وعينوا موظفين يردوا على الناس اللي بيدفعوا فلوس علشان تطلعوا عينيهم بيها

والله عربيات بروتون اتظلمت معاكم وشكلي كدة أبعت شكوى لبروتون أخد رايهم

الأخ مونت فعلا انا رحت عصام صفا في النزهه الجديدة لأن زجاج العربيه مش بيطلع ولا بينزل عيب صناعة فصلحوا مؤقتا لغاية ما القطعة تيجي في التوكيل بالسلامة

الأخ رؤول 7 أبدا أنا عندي شوية عيوب صناعة المفروض اني اغيرها والحمد لله بعد تغير علبة الدركسيون بعد صبر طويل جه الدور على زراير الزجاج اللي بتعلق وربنا يسهل وتوصل علشان عز العرب معندوش تقريبا قطع غيار وبيطلب اي قطعه من برة وتستنى دووورك أو تركن العربية

أشكر لباقي الأخوة على ردودهم وتجاوبهم في المشكله وكان نفسي اشوف حد من أخوانا في التوكيل يريحنا من العذاب بس واضح انهم في عالم تاني

[rajina]

لو رجع بيا الزمن لايمكن اجيب العربية بسبب التوكيل .... و الله انا كده بظلم كلمة "توكيل"

[amrelsha3er]

يعنى الواحد ميشتريش العربيه ولا ايه؟؟انا لسه متردد

[yousefsemsem]

نفسنا والله التوكيا ده يتسحب منهم وحد تاني ياخده علي الاقل هتتوافر قطع الغيار في كل مكان لكن بالمنظر ده حرام ده العربيات الصيني بقت قطع غيارها عند البقال

[S O P H O S]

هيفضل عز العرب زي ما هو طول العمر

[Raul_7]

الي صاحب الموضوع, نمرة حجز الصيانة 01117872000 بس لو مدايقك أوي كده روح مركز عصام صفا, أنا بعمل كده برغم انه مشواره طويل.

[elkhouli]

الي صاحب الموضوع, نمرة حجز الصيانة 01117872000 بس لو مدايقك أوي كده روح مركز عصام صفا, أنا بعمل كده برغم انه مشواره طويل.

شكرا على رقم الموبيل وهجربوا انشاء الله حد يرد

طيب مادام عندهم رقم موبيل محدش من عز العرب بينشروا ليه للناس ولاهو رقم سري

وعصام صفا جنبي بس قطع الغيار غير متوفرة لدية

[abdohod]

يا جماعة حتى الناس اللي بترد على الأرضي بعد ماحولوني ع الأخ بتاع مخزن قطع الغيار .... مش فاهم حاجة ... يعني قعدت أشرحله يعني ايه كلوك سبرينج للواجا 2006 البريميم لأنها تختلف عن العاديه لأن الكلوك سبرينج بتاعها فيه ايرباج والعادية لأ ... كل اللي كان يهمه موديل كام وبس وسألني يعني إيه برميم هو مش كله 2006؟؟؟؟؟؟؟؟؟؟؟ مسخرة ..... أو بعبارة أخرى مهزلة.......!!!!!!!!